2 Amuleina 24:12 - Bible azumeina

¹² Ata yi máma Jojakin amul ma Juda-na mi nde woi avun azina kasum kazungeî mama ki mam suma nglona ki mam suma a ngom hurazinina, a i famul ma Babilon-na. Mam vum dangeina, ni kur biza d’a klavandi d’a Nebukanezar nga mi tamulid’a.

2 Amuleina 24:12 ပူးပေါင်းရင်းမြစ်များ

2 Amuleina 20:18

Azi mba yo grong suma kurung suma ding suma ang mba vud’uzina, a mba mbud’uzi suma ngom aropma hur azina hamul ma Babilon-nina.

2 Amuleina 24:11

Kid’a azi nguyuta, Nebukanezar tamba mi mba mi.

2 Amuleina 25:27

Kur biza d’a dok hindi yam kid’iziya d’a bugol la a i ki Jojakin amul ma Juda-na magombid’a, Evil-Merodak mi kak amula yam suma Babilon-na. Kur biza d’a avok ka mi tamulid’a, kur bur ma dok mbà yam kid’iziyana kur til ma dogo yam mbàna hi biza ndatina, mi we hohowa Jojakin, mi ndumî woi kur dangeina.

2 Amuleina 25:8

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma kid’iziyana hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

Ester 2:5

Ma Juif-fâ nga kur azì ma ngol ma Sus-sâ, a yum ala Mardose. Mam mi Jayir goroma, Jayir ni Simei goroma, ni ma Kis gorom ngolonina; azi nad’u andjafâ hi Benjamin-na.

Ester 2:6

Ni ma Nebukanezar amul ma Babilon-na mi vumî Jerusalem zlapa ki ndroma ki Jekoniya amul ma Juda-nina.

Isai 24:6

Kayam ndata, andagad’a ti b’lak kei abo vun ma ged’a hAlonina. Suma a nga kaka kurutna a hlaneka hi tcho mazid’id’a kaziya. Kayam ndata, a dap peyo, a arî akid’eid’a ngiyeû go.

Jeremi 13:18

Ang de mamulâ kasum mba amula ala: Agi bululugi kä andaga kayam avaval magi d’a amula ti nde wa kä woi kagi da’.

Jeremi 24:1

Bugol la Nebukanezar amul ma Babilon-na mi yo Jekoniya Jojakim goroma amul ma Juda-na ki suma nglona ki suma d’alâ ki suma tchafa avo Jerusalem mi i ki sed’ezi Babilon-nda, Ma didina mi tagan gogologei suma mbà suma tuluma nga kuruzina. A nga tinda kä avok gong nga kud’ora hi Ma didinid’a.

Jeremi 25:1

Ma didina mi de zlad’a mi Jeremi yam suma Juda-na pet. Ni kur biza d’a fid’i d’a Jojakim Josiyas goroma amul ma Juda-na nga mi tamulid’a, ni kur biza d’a avok ka Nebukanezar amul ma Babilon-na nga mi tamulid’a mi.

Jeremi 27:20

Nahle suma Nebukanezar amul ma Babilon-na mi yozi nga d’uo kid’a mi ve Jekoniya Jojakim goroma amul ma Juda-na ki suma nglo suma Juda-na pet avo Jerusalem mi izi magomba Babilon-nda.

Jeremi 36:30

Ni kayam ndata ba, Ma didina mi de zlad’a yam Jojakim amul ma Juda-na ala: Sa mam tu pî mba mi kak yam zlam mba amula hi David-ta d’i. Mad’am mba mi arî ged’a kä ir afata faleya, kä ir ab’lenga andjege mi.

Jeremi 37:1

Nebukanezar amul ma Babilon-na mi tin Sedekiyas Josiyas goroma amula yam ambas sa Juda-d’a balum Jekoniya Jojakim goroma.

Jeremi 52:12

Kur biza d’a dogo yam zlengâ d’a Nebukanezar amul ma Babilon-na nga mi tamulid’a, kur til ma vahlâ kur bur ma dogona hi til mámina, Nebuzaradan ma ngolâ hi suma a ngom yina ma kur sunda hamul ma Babilon-nina, mi mba mi kal avo Jerusalem.

Jeremi 52:28

Wana ni ndumba hi suma Juda suma Nebukanezar mi yozi magombina: Kur biza d’a kid’iziyad’a a ni 3023.

Jeremi 52:31

Kur biza d’a dok hindi yam kid’iziya d’a bugol la a i ki Jojakin amul ma Juda-na magombid’a, Evil-Merodak mi kak amula yam suma Babilon-na. Kur biza d’a avok ka mi tamulid’a, kur bur ma dok mbà yam kid’iziyana kur til ma dogo yam mbàna hi biza ndatina, mi we hohowa Jojakin, mi ndumî woi kur dangeina.

Ezekiyel 1:2

Ni kur bur ma vahlâ hi tilîna, ni biza d’a vahl hla a i kamulâ Jojakin magombid’a.

Ezekiyel 17:12

Ang de mandjaf ma bei hum vuna ba na ala: Agi wagi nga ad’u zla ndata d’uo zu? Ang dazi ala: Gola! Amul ma Babilon-na mi i wa Jerusalem, mi ve wa amulâ ki mam suma nglona, mi i wa ki sed’ezi avo Babilon.

Ezekiyel 17:4

Mi kam abom ma sä akulo deina, mi pir mi i ki sed’em yam ambas sa suma a nga mbut abozi kuad’a, mi pum kä hur azì ma ngol ma suma a nga gus ahlena woi kuana.

Ezekiyel 19:1

Ma didina mi dan ala: Ang hle sawal la yor ta d’a wanda yam nglo suma Israel-lâ.

Ezekiyel 19:13

Ki tchetchemba, a pat wa abagei hur fulâ, yam andaga d’a so d’a gangras sa nga d’i hal mbinid’a.

Gat ta a hat á mbàd’id’a 28:36

Ma didina mba mi igi kamul ma agi mba tinigizi kagina aduk andjaf suma agi d’oze abuyogi ngolo a wazi nga yazi tu d’uo na. Ata yi máma agi mba kud’urogi alo ma ding ma ahinad’a ki ma aguna.