2 Amuleina 24:1 - Bible azumeina

¹ Kur atchogoi mamba, Nebukanezar amul ma Babilon-na mi mba á dur ayîna kandaga d’a Juda-d’a. Jojakim mi ge yam kä ad’um gak biza d’a hindi. Bugola, mi tchol huneîd’a ki sed’emu.

2 Amuleina 24:1 ပူးပေါင်းရင်းမြစ်များ

2 Amuleina 17:5

Bugola, Salmanasar mi tchol durâ kandaga d’a Israel-la pet, gak mi mba Samari. Azigar mama a nguyut kä gak bizad’a hindi.

2 Amuleina 24:20

Ndak ndata ti mba hina ni yam zal la Ma didina hurum mi zal yam suma Jerusalem-ma ki suma Juda-nid’a gak mi digizi woi dei avoromu. Sedekiyas mi tchol huneîd’a kamul ma Babilon-na.

2 Sunda Hamuleinid’a 36:1

Suma kur ambasina a hle Jowahas Josiyas goroma, a tinim amula balum abum avo Jerusalem.

Esdras 4:12

Amulâ, ang we Juif suma a tcholï hatang a mba adigami ka hî avo Jerusalem-ma ki yam mazi d’a ad’enga kasa’at mazid’a, a nga min azì mazina akulo, a ge nga ad’u gulumuna kä, a nga minim akulo mi.

Isai 36:5

Ang djib’er ala zla d’a ded’a mba d’i mbut nga hur ma djivina ki ve tad’a á dur ayîna zu? Sama ang tin hurung kama ni nge ba, ang tchol huneîd’a ki sed’en nge?

Jeremi 25:1

Ma didina mi de zlad’a mi Jeremi yam suma Juda-na pet. Ni kur biza d’a fid’i d’a Jojakim Josiyas goroma amul ma Juda-na nga mi tamulid’a, ni kur biza d’a avok ka Nebukanezar amul ma Babilon-na nga mi tamulid’a mi.

Jeremi 25:9

An nga ni tchuk sunda, ni halï suma abo ma norâ ki Nebukanezar azong mana, amul ma Babilon-na. An mba ni mba ki sed’ezi á dur ambas sa wanda ki suma a nga kaka kurutna kandjaf suma a nguyutna pet á b’lagazi woi kakazeî, á mbud’uzi vama atchapma, vama sanda ki vama b’lak ma gak didina.

Jeremi 35:1

Kur atchogoid’a hi Jojakim Josiyas gorom ma amul ma Juda-nid’a, Ma didina mi de mi Jeremi ala:

Jeremi 35:11

Kid’a Nebukanezar amul ma Babilon-na mi mba á dur ambas sa wandid’a, ami dami ala: Ei i Jerusalem ei ringî abo azigar suma Babilon-na ki azigar suma Siri-na. Ni hina ba, ami mba kagami kur Jerusalem wana.

Jeremi 36:1

Kur biza d’a fid’i d’a Jojakim Josiyas goroma amul ma Juda-na nga mi tamulid’a, Ma didina mi de zlad’a mi Jeremi ala:

Jeremi 45:1

Kur biza d’a fid’i d’a Jojakim Josiyas goroma mi tamula yam suma Juda-nid’a, Baruk Neriya goroma mi b’ir zla d’a ma djok vun Alona Jeremi mi dumzi ki yamba kä kur mbaktumba. Ata yi máma Jeremi mi dum ala:

Jeremi 46:2

Wana ni zla d’a Ma didina mi dat yam Ezipte-na, yam azigar suma hi Faron Neko amul ma Ezipte ma mi nga kaka avun alum ma Efrat-na avo Karkemis-sâ. Ni kua ba, Nebukanezar amul ma Babilon-na mi kus kamu, ni kur biza d’a fid’i d’a Jojakim Josiyas goroma nga mi tamula yam suma Juda-nid’a.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Ezekiyel 19:8

Andjaf suma ding suma a nguyuma ki suma yam andaga d’a dinga tetengâ a tok tazi á durumu, a gun abei mazid’a kä avoromu, a vum kabei mazid’a.

Ezekiyel 21:14

Ang gor sana, ang djok vuna ala: Salad’a Ma didina mi dala: Mbigeu d’a fiyaka! Mbigeu d’a fiyaka! A gurut wa, a heget wa siyat mi.

Daniel 1:1

Kur biza d’a hindi d’a Jojakim nga mi tamula yam suma Juda-nid’a, Nebukanezar amul ma Babilon-na mi mba á dur Jerusalem, mi nguyud’u.

Daniel 1:2

Salad’a mi he Jojakim abo Nebukanezar, mi bongôm lovota á yo ahle suma a nga kur gong nga kud’ora hAlonid’ina nde. Mi yo suma dingâ magomba, mi izi kur ambas sa Babilon-nda, mi tchuk ahle suma mi yozï hurumbina kur gong nga ngom ahlena kur gong nga kud’ora halo mamid’a.

Habakuk 1:6

Gola! An nga ni yï suma Babilon-na á te yam suma; ni suma asa’at suma lahlena bei djib’era ba na, ni suma a nga bine abozi yam ambasa á yo ambas sa nga ni mazid’a d’uo d’a.