2 Amuleina 23:5 - Bible azumeina

⁵ Josiyas mi dik suma ngat buzuna mi fileina suma amulei suma Juda-na a tinizi á ngal dubang ma his djivid’ina yam yima nding ma kur azì ma Juda-na ki yima go ki Jerusalem-ma woyo, mi dik suma a nga ngal dubang ma his djivid’ina mi Bäl kafata ki tilâ ki tchitchiu d’a tetenga kahlena pet suma akulonina woi mi.

2 Amuleina 23:5 ပူးပေါင်းရင်းမြစ်များ

2 Amuleina 21:5

Manase mi min yima ngal ahle suma ngat buzu ma dingâ teteng mahle suma akulona kur atrang nga mbà d’a avun gong nga kud’ora hi Ma didinid’id’a.

2 Sunda Hamuleinid’a 33:3

Mi hulong mi min yima nding ma teteng ma tuwal filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yum ala Bäl-lâ, mi pagu ma murgulina malo d’a a yat ala Asera-d’a, mi nga mi grif kä avok ahle suma akulona, nga mi kud’urozi mi.

2 Sunda Hamuleinid’a 34:4

A to yima ngal ahle suma ngat buzuna hi Bäl-lâ ma tetengâ kä woi avoromu, mi to filei ma afat ma nga kam akulo ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a kä woi ki filei ma teteng ma a tched’ema ki filei ma kawei ma teteng ma a yoroma kä woi mi, mi tozi woi kikizek, mi mbud’uzi d’igi andaga d’a gugud’upa na, mi tchuguzi sä woi yam asud’a hi suliyozi suma a ngad’azi buzunina.

Wana ni mbaktumba hi Job-pa 38:32

Ang ndak á buzugï ades dumusa woi ata yi matna, d’oze ang ndak á tak lovota mades tchitchiu d’a nglo d’a a yat ala Avevelâ d’a ki grotna zu?

Ezekiyel 8:6

Mi dan kua ala: Ang gor sana, ang wahle suma azi nga lazi wana zu? Gola! Israel-lâ a nga lahle suma nglo suma ndjendjed’a á walan ndei ki gong man nda an tinit irat vata. Wan pî, ang mba wahle suma nglo suma ndjendje suma dingâ kua!

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Sofoni 1:4

Ma didina mi dala: An mba ni hlabon akulo yam suma Juda-na ki suma a nga kaka avo Jerusalem-ma pet, an mba ni b’lak ahlena hi Bäl suma arâ zlapa ki mam suma nglo suma simiyêzi nga mi yina ki mam suma ngat buzuna woi mi.