2 Amuleina 23:27 - Bible azumeina

²⁷ Ma didina mi dala: An mba ni dik suma Juda-na woi avoron d’igi an dik Israel-lâ woi avoron na mi. An mba ni ge Jerusalem azì ma an manama ki gong nga ngol la an djin vunan kat ala: Ni kua ba, an mba ni tak simiyên ndeyo d’a woyo.

2 Amuleina 23:27 ပူးပေါင်းရင်းမြစ်များ

1 Amuleina 8:29

Ang mal irang ngei ang gol gong ndata ki djivid’a andjege ki faleya. Ni yima ang de kam ala: Ni yima an mba ni kak kuana na. Ang hum tchen nda an azong mangâ nga ni tcheneng ata yi mámid’a.

1 Amuleina 9:3

Ma didina mi dum ala: An hum tchen mang nga hu d’a ang tchenenda, an tin wa gong nga ang minita irat vad’u, an mba ni kak kua adigagi gak didin, an mba ni tin iran kad’u, an mba ni vagi atan burâ ki burâ mi.

2 Amuleina 17:18

Ata yi máma Ma didina hurum zal ngola yam Israel-lâ, mi digizi woi avoromu. Andjafâ hi Juda-na mi arî mam hol.

2 Amuleina 17:20

Kayam ndata, Ma didina mi noî andjaf Israel-lâ woi ki zla tazi pet, mi mbud’uzi zulona mi hazi abo suma á hurumuzi ahle mazina, gak mi digizi woi dei ki sed’emu.

2 Amuleina 17:23

Kayam ndata, Ma didina mi digizi woi dei avoromu, mi izi magomba yam andaga d’a Asiri-d’a gak ini d’igi Ma didina mi de woi avun azungeî mam suma djok vuna pet na.

2 Amuleina 18:11

Amul ma Asiri-na mi yo Israel-lâ magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 21:13

An mba ni b’lak Jerusalem mbei d’igi an b’lak Samari ki suma avo hi Ahap-ma woi na, an mba ni set Jerusalem mbei d’igi sana mi set hur tazana mi hulong mi kulubum kä na mi.

2 Amuleina 21:14

An mba ni noî man suma a arâ woyo, an mba ni hazi abo mazi suma djangûna, a mba hurumuziya, a mba yozi ahle mazina pet mi.

2 Amuleina 21:4

Mi min yima ngal ahle suma ngat buzuna teteng á kud’or fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua d’a.

2 Amuleina 21:7

Mi tin alo d’a a yat ala Asera d’a mam minita kur gong nga kud’ora hi Ma didina d’a mam de mi David azi ki goroma Salomon kat ala: Ni kur gong nga avo Jerusalem mba an manat aduk andjafâ hi Israel-lîna peta ba, simiyên mba mi kak kua gak didinu d’a.

2 Amuleina 23:28

Sunda hi Josiyas sa ara kahle suma mi lazina pet, a b’irizi nga kä kur Mbaktum mba de zlad’a yam Sunda hAmulei suma Juda-nid’a.

2 Amuleina 24:2

Kayam ndata, Ma didina mi sunï azigar suma Babilon-na ki azigar suma Siri-na ki azigar suma Mowap-ma ki azigar suma Amon-na ata Jojakim á b’lak leu d’a Juda-d’a woi d’igi Ma didina mi de zlad’a avun azungeî mam suma djok vuna na.

2 Amuleina 24:3

Ahle ndazina a mba hina ni yam vun ma hed’a hi Ma didinina tamba. Mi min dik suma Juda-na woi avoromu, yam tcho d’a pet ta Manase mi lata,

2 Amuleina 25:11

Ata yi máma Nebuzaradan ma ngolâ hi suma a ngom yinina, mi yo suma a ar kur azinina ki suma a i ad’u amul ma Babilon-nina zlapa ki suma d’al suma a arâ mi.

2 Amuleina 25:21

Amulâ mi tchazi woi ata yi máma yam ambas sa Hamat-ta. Ni hina ba, a i ki suma Juda-na magomba woi dei kambas mazid’a.

Sawal la giled’a 51:11

Ang hle irang ngei yam tcho manda, ang has tchila manda woi mi.

Jeremi 15:4

An mba ni ndjoyôzi woi kur leu d’a yam andagad’id’a vivreng, yam sun nda tcho d’a Manase Ezekiyas goroma amul ma Juda-na mi lat avo Jerusalem-mba.

Jeremi 23:20

Ma didina mba mi i avogovok kayî mama gak mi ndak vun ahle suma mam ngazi kuruma pet. Kur bur ma dabid’a agi mba wazi ad’uzi tetet.

Jeremi 23:33

Ma didina mi de mi Jeremi ala: Le sum ndazina d’oze ma djok vuna d’oze ma ngat buzuna, a djobong ala: Zla d’a aneka hi Ma didinid’a ni me ge ni, ang dazi ala: Zla d’a anek ndata ni agi tagid’a! Ma didina mi dala: An tchugugi woyo!

Jeremi 23:39

An mba ni maragi woi ki iran fafat, an mba ni tchugugi woi dei avoron zlapa kazì ma ngol ma an hagizi mi agi kabuyogi ngolona,

Jeremi 31:37

Ma didina mi de kua ala: Ladjï sana mi ndak á nga fiyak ka akulod’a d’oze mi fek ad’u ged’a handagad’id’a ni, an pî ni mba mi tchuk andjafâ hi Israel-lîna woi yam tcho d’a azi lata na mi.

Jeremi 32:31

Kayam azì ma ngol wana nga mi djiwin ayî mana ki hur man ma zala akulo, tinï ad’ud’a ni kid’a a minimba dei gak ini. Kayam ndata, an nga ni hlum mbei avoronu!

Jeremi 33:24

Ang nga hum zla d’a sum ndazina a nga data ko zu? A nga dala: Ma didina mi ar wa Israel ki Juda andjaf ma mbà ma mam manama woyo. Ni kayam ndata ba, a gol sum mana is, a golozi ni d’igi andjafâ d’uo na iraziya.

Hor ma tchina 2:7

Salad’a mi gol yi mam ma ngal ahle suma ngat buzuna is, mi noî yi mam ma a tinim iram vama woyo, mi he gulumun ma amula hi Siyon-na abo ma djangûna. Suma djangûna a nga siwel kur gong mamba d’igi suma a siwel adjeu kur bur ma vun tilâ na.