2 Amuleina 23:24 - Bible azumeina

²⁴ Wani Josiyas mi b’lak suma a nga djop ki suma azuleina ki suma a nga de zlad’a yam vama nga mbana ki filei mazi ma a yum ala terafima ki filei ma tetengâ kahle suma ndjendje suma a nga kur ambas sa Juda-d’a ki suma avo Jerusalem-ma woi pet. Ni hina ba, mi ge yam kä ad’u zlad’a hi Gata d’a a b’irit kur mbaktum mba ma ngol ma ngat buzuna Hilkiya mi fat kur gong nga kud’ora hi Ma didinid’id’a.

2 Amuleina 23:24 ပူးပေါင်းရင်းမြစ်များ

Ad’u Tinda 31:19

Ata yima Laban mi i á tchau tumiyô mamina, Rachel ti kul filei mama.

2 Amuleina 21:11

Manase amul ma Juda-na mi le sun nda ndjendje ngola, mi le sun nda tchod’a kal suma Amor suma avoroma, mi zut suma Juda-na á le tchod’a ki filei mam ma led’a mi.

2 Amuleina 21:21

Mi tit ni kur lovot ta abum mi hlata, mi kud’or filei ma abum kud’uroma, mi grif kä avorom mi.

2 Amuleina 21:3

Mi hulong mi min yima nding ma teteng ma kud’or filei ma abum Ezekiyas mi tom mbeina akulo. Mi min yima ngal ahle suma ngat buzuna teteng á kud’or alo ma a yuma ala Bäl-lâ, mi pagu ma murgulina malo d’a a yat ala Asera-d’a d’igi Ahap amul ma Israel-lâ mi ladjeu na, mi nga mi grif kä avok ahle suma akulona, nga mi kud’urozi mi.

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Amuleina 23:23

A le vun til ma Pak máma á he ngola mi Ma didina avo Jerusalem, ni kur biza d’a dogo yam klavandi d’a Josiyas nga mi tamulid’a.

Isai 19:3

Ve tad’a hi Ezipte-nid’a mba d’i dap peyo. An mba ni pleyêzi d’al mazina woyo, a mba djop alo ma ka zlad’a ki suma a djop ki suma azuleinina ki suma mbuta ki suma a nga de zlad’a yam vama nga mi mbana mi.

Wana ni mbaktumba hi Oze-d’a 3:4

Kayam Israel-lâ a mba kak ngola tatâ bei amulâ, bei ma te kazina, bei ma ngat buzuna, bei ahina d’a ge humba, bei filei ma a yum ala efona, bei ma a yum ala terafima mi.

Sunda hi suma hi Levi-nid’a 19:31

Ar agi mbud’ugi iragi ata suma a nga djop ki muzuk ma tchonina d’oze suma a nga djop yam ahle suma a mba le avina d’i. Ar agi halazi tala agi mbud’ugi tagi ndjendjed’a ki sed’eziya d’a d’i, kayam an ni Ma didina Alo magina.

Sunda hi suma hi Levi-nid’a 20:27

Le mandjufâ d’oze atchad’a a nga djop ki suma azuleina d’oze a djop yam vama nga mbana ni, agi duruzi kahinad’a, agi tchazi woyo. Buzuwazi mba mi hulong kaziya.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Jacques 1:25

Le sama gol gat ta ndak memet ta pad’ei woi kur magombid’a, le nga mi le sunda kad’u, le mi ni sama humut nga mi marat tuo wani mi ni sama le sunda katna ni, sa máma, Alona mba mi b’e vunam kam kur sun mam mba led’a.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Suma ka sariyad’a 17:5

Ni hina ba, Mika mi nga ki gong nga kud’ora avo hatamu. Mi yor filei ma a yum ala efona ki ma a yum ala terafima. Mi tin gorom ma dingâ á lum sun nda ngat buzuna.