2 Amuleina 23:20 - Bible azumeina

²⁰ Mi ngat suma ngat buzu suma a nga le sunda yam yima nding ma teteng mámina, mi ngalazi akulo yam yima ngal ahle suma ngat buzu ma teteng máma, mi ngal asok suma dingâ yam yi máma mi. Bugola, mi hulong avo Jerusalem.

2 Amuleina 23:20 ပူးပေါင်းရင်းမြစ်များ

1 Amuleina 13:2

Mi de zlad’a hi Ma didinid’a mi yima ngal ahle suma ngat buzuna ala: Ang yima ngal ahle suma ngat buzuna, ang yima ngal ahle suma ngat buzuna, ang hum zla d’a de d’a Ma didina mi data. Mi dala: Gor mandjufâ mba mi vut aduk suma hi David-na, a mba yum ala Josiyas. Mam mba mi ngal suma ngat buzu suma a tinizi ata yima nding mámina woyo! A mba ngal asok suma kang mi!

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

2 Amuleina 10:25

Kid’a abozi mi dapa, Jehu mi de mi azigarâ ki mazi suma nglona ala: Agi tchugugi klaviya, agi tchagi sum ndazina woyo. Ar sa adigazi tu pî mi ndabu d’i. A tchaziya, a tchuguzi mad’azi woi abua. Bugola, a tchuk klavi ata yima a tinim iram vam ma kal teglesâ kur gong nga a kud’or Bäl kuad’a.

2 Amuleina 11:18

Ata yi máma suma kur ambasina pet a tchuk kur gong nga kud’ora halo ma a yum ala Bäl-lîd’a, a pleyêt teyo, a to yima teteng ma ngal ahle suma ngat buzuna ki filei mazi ma teteng ma nga tchola kuana woi kakaf. A tchi Matan ma ngat buzuna hi Bäl-lâ kä woi avok yima ngal ahle suma ngat buzuna mi. Bugola, Jehojada mi tin suma nglona á ngom gong nga kud’ora hi Ma didinid’a.

2 Sunda Hamuleinid’a 34:5

Mi ngal asoga mazi suma ngat buzuna woi yam yi mazi ma ngal ahle mazi suma ngat buzuna ma tetengâ. Ni hina ba, mi mbut ambas sa Juda-d’a kazì ma Jerusalem-ma yed’et.

Buzuk ka Abud’a 22:19

Sama bur ki d’uwarîna, mbeî agi tchum mbeyo.

Buzuk ka Abud’a 22:20

Sama ar an Ma didina woi ta ba, mi hahle suma ngat buzuna malo ma dingîna, mbeî agi tchum mbeyo.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Sunda hi suma hi Levi-nid’a 26:30

An mba ni b’lagagi yi magi ma nding ma fileina woyo, an mba ni to filei magi ma afata woyo, an mba tchugugi mad’agi akulo kamu, an mba ni gologi d’igi vama ndjendjed’a na mi.

Gat ta a hat á mbàd’id’a 13:5

Ma djok vun máma d’oze ma vana nde tam mbei iram máma, agi tchum mbeyo, kayam mi de ni zla d’a kak djangûna ki Ma didina Alo magi ma buzugugï woi kur ambas sa Ezipte-d’a ma mi tchugugi akulo woi kur azì ma a lagi magomba kuana. Sa máma mi min d’ezegi ni woi kur lovot ta Ma didina Alo magina mi hagi vuna kat á tid’igi kuad’a. Hina wani, agi mba d’elegi tcho d’a led’a adigagiya.