2 Amuleina 21:6 - Bible azumeina

⁶ Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Amuleina 21:6 ပူးပေါင်းရင်းမြစ်များ

Ad’u Tinda 13:13

Wani suma Sodom-ma ni suma murud’umba ngola heîna, ni suma le tchod’a avok Ma didina ngola heîna mi.

2 Amuleina 16:3

Mi tit ni kur lovota hamulei suma Israel-lîd’a, mi i gak mi ngal goroma woi kakud’a d’igi vama ngat buzu ma ngala na. Ni sun nda ndjendje d’a andjaf suma Ma didina mi digizi woi adjeu avok Israel-lîna a lata.

2 Amuleina 17:17

Azi ngal grozi suma andjofâ ki grozi suma aropma woi kad’ud’a d’igi vama ngat buzu ma ngala na, azi ve kumana, a djop fileina, a he tazi á le sun nda tchod’a avok Ma didina á zalam hurumu.

2 Amuleina 23:24

Wani Josiyas mi b’lak suma a nga djop ki suma azuleina ki suma a nga de zlad’a yam vama nga mbana ki filei mazi ma a yum ala terafima ki filei ma tetengâ kahle suma ndjendje suma a nga kur ambas sa Juda-d’a ki suma avo Jerusalem-ma woi pet. Ni hina ba, mi ge yam kä ad’u zlad’a hi Gata d’a a b’irit kur mbaktum mba ma ngol ma ngat buzuna Hilkiya mi fat kur gong nga kud’ora hi Ma didinid’id’a.

1 Sunda Hamuleinid’a 10:13

Saul mi mit ni yam tcho mam mba mi lat avok Ma didinid’a, kayam mi ngom nga zlad’a hi Ma didinid’a d’i. Mi mit ni yam djop pa mi i djopa avun suma azuleinid’a mi.

2 Sunda Hamuleinid’a 28:3

Mi ngal dubang ma his djivid’ina kur hor ra Hinom-mba, mi ngal groma kakud’a d’igi he d’a hawa d’a ngala na. Ni sun nda ndjendjed’a handjaf suma Ma didina mi digizi woi adjeu avok Israel-lîna a lata.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

Isai 19:3

Ve tad’a hi Ezipte-nid’a mba d’i dap peyo. An mba ni pleyêzi d’al mazina woyo, a mba djop alo ma ka zlad’a ki suma a djop ki suma azuleinina ki suma mbuta ki suma a nga de zlad’a yam vama nga mi mbana mi.

Isai 66:4

Wani an mba ni mba ki ndaka kazi yam sun mazi d’a ndjendje ndata, an mba ni mba kahle suma mandarâ kazi kayam an yiya, wani sa mi hulongôn nga humba d’i, an de zlad’a, wani azi humun nga d’i. A le ni sun nda tchod’a avoronu, a man ni vama an tan nga d’i lan djivid’a kam mbuo na mi.

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 19:5

Azi min yina akulo ata yima ndingâ mi Bäl á hum grozina he d’a hawa d’a ngala. Nahle suma an he nga vuna kazi d’oze ni de nga zla kazi d’oze a tcholï nga nata djib’er manda d’uo na mi.

Ezekiyel 23:39

A ngat grozina mi filei mazina, a i kur yi man ma an tinim iram vama kur bur máma baba á mbud’um ndjendjed’a. Wana nahle suma azi lazi kur gong mandina.

Sunda hi suma hi Levi-nid’a 18:21

Ar ang he gorongâ vama ngat buzuna malo ma a yum ala Molo’â á kud’urom á b’lak an Alo mangâ simiyên ndi, kayam an ni Ma didina.

Sunda hi suma hi Levi-nid’a 19:26

Agi tagi va ki buzuwam mbi, agi tuwalagi fileina d’i, agi djobogi fileina d’uo mi.

Sunda hi suma hi Levi-nid’a 19:31

Ar agi mbud’ugi iragi ata suma a nga djop ki muzuk ma tchonina d’oze suma a nga djop yam ahle suma a mba le avina d’i. Ar agi halazi tala agi mbud’ugi tagi ndjendjed’a ki sed’eziya d’a d’i, kayam an ni Ma didina Alo magina.

Mise 6:7

Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?

Sunda hi suma a sunuzinid’a 16:16

Kid’a ami nga imi ata yima tchendid’a, gor ra sunda djop fileina ti ngavamiya, ni d’a suliyotna a nga fe beged’a yam filei mat ma djopa heîd’a.

Gat ta a hat á mbàd’id’a 32:16

Azi djo Ma didina ki sun mazi d’a ndjendjed’a, a zalam hurum ki kud’or ra azi nga kud’or alo ma dingîd’a mi.

Gat ta a hat á mbàd’id’a 32:21

Azi nga tinin á le yungôra yam alo ma ka zlad’a, a nga djon ki filei ma tuwala. An tan mba ni tinizi á le yungôra yam suma ala nandjaf ma gagazi d’uo na, an mba ni djozi kandjaf ma bei ned’a mi.