2 Amuleina 21:16 - Bible azumeina

¹⁶ Manase mi tchi suma bei zlad’a kazina ngola, gak azì ma Jerusalem-ma mi oî ki buzuna, bei de zla d’a tcho d’a mam lat avo Juda-d’a ki sun nda tcho d’a mam lat avok Ma didinid’a ba.

2 Amuleina 21:16 ပူးပေါင်းရင်းမြစ်များ

2 Amuleina 21:11

Manase amul ma Juda-na mi le sun nda ndjendje ngola, mi le sun nda tchod’a kal suma Amor suma avoroma, mi zut suma Juda-na á le tchod’a ki filei mam ma led’a mi.

2 Amuleina 21:15

An mba ni le hina kayam a le sun nda tchod’a avoronu, a zalan hurun ni kur bur ma an buzugï abuyozi ngolo woi kur ambas sa Ezipte-d’a dei gak ini.

2 Amuleina 21:2

Mi le sun nda tchod’a avok Ma didina, mi tit ni yam sun nda ndjendje d’a lara ge pet ta andjaf suma Ma didina mi digizi woi adjeu avok yam andagad’a á ar yina mi Israel-lîd’a.

2 Amuleina 21:7

Mi tin alo d’a a yat ala Asera d’a mam minita kur gong nga kud’ora hi Ma didina d’a mam de mi David azi ki goroma Salomon kat ala: Ni kur gong nga avo Jerusalem mba an manat aduk andjafâ hi Israel-lîna peta ba, simiyên mba mi kak kua gak didinu d’a.

2 Amuleina 3:3

Wani mi wal nga ki tcho d’a Jerobowam Nebat goroma d’a mi lat mi zut ki Israel-lâ a le tchod’id’a woi d’i.

2 Sunda Hamuleinid’a 33:9

Wani Manase mi zut suma Juda-na ki suma a nga kaka avo Jerusalem-ma á le tchod’a kal andjaf suma Ma didina mi dabazi woi tchid’a avok Israel-lîna.

Buzuk ka Abud’a 32:21

Moise mi de mi Aron ala: Sum ndazina a langî nana ba, ang arazi a le tcho d’a ngol ndata hina ge?

Zla d’a d’ogolâ 6:16

Ahle suma karagaya d’oze kid’iziya suma Ma didina mi minizi d’uo suma mi golozi nahle suma ndjendjed’a irama ba wana:

Zla d’a d’ogolâ 6:17

Hle yam mba akulod’a, zla d’a kad’a, tchi d’a tchi suma bei zlad’a kazinid’a,

Jeremi 15:4

An mba ni ndjoyôzi woi kur leu d’a yam andagad’id’a vivreng, yam sun nda tcho d’a Manase Ezekiyas goroma amul ma Juda-na mi lat avo Jerusalem-mba.

Jeremi 19:4

Azi aran ndeyo, a mbut yima wana yina halo ma dingîna, a he dubang ma his djivid’ina malo ma ding ma azi tazid’a d’oze abuyozi ngolo d’oze amulei suma Juda-na pî a wum nga d’uo na, a oî yima wana ki buzuna hi suma zla nga kazi d’uo na.

Jeremi 2:34

A fe buzuna hi suma hou suma zla nga kazi d’uo na ata baru magina. Ni suma agi vazi nga avun gongîyo magina á kuzuzi vunazi woi d’uo na.

Jeremi 32:31

Kayam azì ma ngol wana nga mi djiwin ayî mana ki hur man ma zala akulo, tinï ad’ud’a ni kid’a a minimba dei gak ini. Kayam ndata, an nga ni hlum mbei avoronu!

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Ezekiyel 22:2

Ang gor sana, ang min tang ang ka sariyad’a yam azì ma ngol ma tchi mat máma. Ang le gigrit ti, ang tagam sun mam mba tcho d’a ndjendjed’a woyo.

Ezekiyel 22:4

zlad’a nga kang yam mat mang ma ang tchuma. Ang mbut tang ndjendjed’a ki filei ma ang tched’ema. Ni hina ba, ang nga dadak ki burungû, ang nga dap ki biza manga mi. Ni kayam ndata ba, an nga mi mbud’ung vama ngula mandjaf suma dingâ, vama lasa mi suma kur ambasina pet mi.

Ezekiyel 23:45

Wani suma d’ingêrâ a mba ka sariyad’a kazi d’igi a ka sariyad’a yam arop suma mizeuna na, d’igi arop suma tchi matna na mi, kayam a le mizeuna, a tchi suma mi.

Ezekiyel 9:9

Mi dan ala: Tchod’a hi Israel-lîd’a ki d’a hi suma Juda-nid’a, ti kal ngolâ heî. Ambasa ti oî ki suma tchi matna, azì ma ngolâ mi oî ki batranga mi. Kayam azi nga dala: Ma didina mi ar wa ambas sa wanda woyo. Ma didina nga mi we d’i.

Ndumba 35:33

Ar agi mbud’ugi ambas sa agi mba kaka kata ndjendjed’a d’i, kayam buzuna mi mbut ambasa ndjendjed’a. Buzu ma ding ma ndak á zlup yam ambasina nga d’i, ni buzuna hi sama mi tchi matnina hol.

Matiye 27:6

Wani nglo suma ngat buzuna a yo bege ndata, a dala: Gat meid’a arei nga lovota á tchuk bege ndata kur zanduk ma nga kur gong nga kud’ora hAlonid’ina d’i, kayam me ni bege d’a buzuna.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Hebre-na 11:37

A dur suma dingâ kahinad’a, a kuguziya, a ngad’azi ki sï ma kaweina aduk mbàmbà, a tchazi ki mbigeu d’a fiyaka, a tchuguzi bak tumiyôna ki bak b’ogeina ataziya, a nga tchazi irazi tata, a mbud’uzi suma talala, a djobozi vunaziya, a lazi tchod’a heî mi.