2 Amuleina 20:3 - Bible azumeina

³ Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

2 Amuleina 20:3 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Ad’u Tinda 5:22

Bugol la Enok mi vut Metusala vuta, mi tit zlapa kAlona bizad’a kikis hindi, mi vut gro andjofâ ki gro aropma.

Ad’u Tinda 5:24

Enok mi tit zlapa kAlona; sa fum nga d’i, kayam Alona mi hlum sä akulo gevemu.

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

1 Amuleina 11:4

Wani kid’a Salomon mi mbut mamarid’a, amiyôma a tanam á kud’or alo ma dingâ teteng, kayam mi le nga yam Ma didina Alo mama ki hurum pet d’igi abum David na d’i.

1 Amuleina 15:14

Wani mi b’lak nga yima nding ma a tinim iram vama woi d’i. Hina pet pî, kid’a Asa mi nga ki iramba tua d’a, nga mi le yam Ma didina ki hurum tu.

1 Amuleina 2:4

Hina wani, Ma didina mba mi ndak vun vun ma hle ma mi hlandji ala: Le andjavangî suma d’engzengâ a le min manda ki zlat pet ki gagazid’a mi ni, adigazi a mba fe sama vrak tamula blangâng yam zlamba hi Israel-lîd’a teteu.

1 Amuleina 3:6

Salomon mi hulong dum ala: Ang le yam azong mangâ abun David ngola, mam tamba mi kak sama d’engzeng ma nda’â avorong d’ingêr memet mi. Kayam ndata, ang nga le kam tua, ang vragan an goroma ini amula blangâm wana.

1 Amuleina 8:23

mi dala: Ma didina Alona hi Israel-lîna, alo ma hle tam d’igi ang na ma sä kur akulod’a d’oze ma ka hî yam andagad’ina nga d’i. Ang nga ngom vun mang ma djinda, ang mba le o d’a bei dabid’a kazungeî mang suma a nga tit avorong ki hur ma tunina.

1 Amuleina 8:61

Ar agi kagagi suma d’engzengâ avok Ma didina Alo meina, ar agi gagi yagi kä ad’u gat mamba ki vun mam ma hed’a d’igi agi nga lagi ini na.

1 Amuleina 9:4

Wani le ang nga tit avoron ki hurung tu d’ingêr d’igi abung David na, le ang nga lahlena pet suma an hang vuna kazina, le ang nga ge yang kä ad’u gat man nda tetenga ni,

2 Amuleina 20:2

Ata yi máma Ezekiyas mi mbut iram sä gumun gonga, mi tchen Ma didina ala:

2 Amuleina 20:4

Wani kid’a Isai mi nga bei mi ndei woi hur azina hamulîna tua d’a, Ma didina mi dum ala:

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

Nehemi 13:14

An tchen Alona ala: Alo mana, ang djib’er kan yam ahlena pet suma an lazina, ang mar yam sun nda an lat yam gong nga kud’ora hi ang Alo manid’a d’i, yam ahle suma ndak á ngombina d’uo mi.

Nehemi 13:22

An he vuna mi suma hi Levi-na ala a mbut tazi yed’et, a i ngom vun azina, a tin bur ma sabatna iram vamu. An tchen Alona kua ala: Alo mana, ang djib’er kanu; kayam we hohou manga, ang ngomonu.

Nehemi 13:31

an he vuna yam he d’a hawad’a hagu ma ngala ala a mbam ata yima a ngama kawu ma ne avo’â mi. An tchen Alona kua ala: Alo mana, ang djib’er kanu, ang wan hohowon mi.

Nehemi 5:19

An tchen Alona ala: Alo mana, ang djib’er kanu, ang wan hohowon yam ahlena pet suma an lazi yam sum ndazinina.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

Wana ni mbaktumba hi Job-pa 1:8

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.

Wana ni mbaktumba hi Job-pa 16:20

Buniyôna a nga lazanu, wani an nga ni tchi ki simina iran yam Alona.

Wana ni mbaktumba hi Job-pa 4:6

Le mandara Alo mang ang nga lum mandarama ni vama ndjunungâ d’uo zu? Tin hur mangâ ni d’engzeng mang nga avok Alonid’a d’uo zu?

Sawal la giled’a 102:9

Burâ ki burâ man suma djangûna a nga halan ki zlad’a kanu, huruzi nga mi zal kanu, azi nga gun tazi kan mi.

Sawal la giled’a 119:26

An vang ad’u zla manda; ang humunu, ang had’an gat manga.

Sawal la giled’a 119:49

Ang djib’er yam zla d’a ang dat mi an azong mangâ d’a ang tinin hurun kata.

Sawal la giled’a 145:18

Ma didina, mi nga go ki suma a nga yuma, mi nga go ki suma a nga yum ki hur ma tunina.

Sawal la giled’a 25:7

Ma didina, ang djib’er yam tcho manda ki tchila man nda kazongôn deid’a d’i, wani ang djib’er kan yam we hohou manga ki djivi manga.

Sawal la giled’a 26:1

Ni sawal la David mi hlata. Ma didina, ang kan ir zla manda, kayam an nga ni tit kur d’ingêra. An nga ni deng tan ata ang Ma didina, an nga ni giget ti.

Sawal la giled’a 26:3

Djivi manga nga avoronu, an nga ni tit kur gagazi manga.

Sawal la giled’a 32:2

Sama Ma didina mi ndumum nga tcho mamba kam mbuo ma mbut ira nga kurum mbuo mi na, mi le furîd’a.

Sawal la giled’a 39:13

Ma didina, ang hum tchen manda hum ngë, ang tin humang hum tchi mana, ang gol tchi man ma hat hurâ tä d’i, kayam an ni sama akoid’a avo hatangû, sama akoid’a d’igi abuyon ngolo na mi.

Sawal la giled’a 6:6

Kayam sama mit teina nga mi djib’er kang nguo d’a; sama suburung ata yima azuleina ni nge ge?

Sawal la giled’a 6:7

An seî wa abo zam tad’a; andjege d’a lara ge pet, yan ma burâ nga mi lap ki simi mana, iran nga d’i yak simina kä yam azang mana.

Sawal la giled’a 89:47

Ma didina, ang mba ngei tang hina gak mindja ge? Ayî mangâ mba mi fo ni d’igi akud’a na gak su?

Sawal la giled’a 89:50

Salad’a, sun mang nga o d’a ang lat adjeu d’a ang gun tang kat mi David yam d’engzeng mangid’a, ti nga ni lara ge?

Isai 38:14

An nga ni tchi d’igi ababeina mi tchina, an nga ni zam tan d’igi gugud’a na. Iran ndi mbut hohoud’a abo so d’a ni so iran akulod’a. Ma didina, an nga kur ndaka. Ang ndjununu.

Isai 63:11

Ata yi máma sum mama a djib’er yam bur ma kalâ yam atchogoid’a hi Moise-sa, a dala: Mam ma mi djagazi alum ma ngolâ woi ma polozina, mi nga ni lara ge? Ma mi tin Muzuk mam ma bei tchod’a adigazina, mi nga ni lara mi ge?

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

Amos 5:4

Ma didina mi de mi Israel-lâ ala: Agi halan-ngïya, va mba mi lagi d’i.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Hebre-na 5:7

Kid’a Jesus mi nga yam andagad’id’a, mi tchen Alo ma mi ndak á sud’um mbei abo matnina tchen nda hud’a, mi tchi ki simina iram mi. Alona mi humumu, kayam mi ge yam kä ad’umu.