2 Amuleina 20:19 - Bible azumeina

¹⁹ Ezekiyas mi hulong de mi Isai ala: Zlad’a hi Ma didina d’a ang dandji wanda ni zla d’a djivid’a. Nala, an mba kak ki halasa ki djivid’a ata yima an nga ki iran tua na hina d’uo zu?

2 Amuleina 20:19 ပူးပေါင်းရင်းမြစ်များ

1 Amuleina 11:12

Wani kayam abung David, an nga ni prud’ut abong kid’a ang nga ki irang tua d’a d’i, an mba ni prud’ut nabo gorongâ.

1 Amuleina 2:38

Ata yi máma Simei mi dum ala: Djiviya! Salana amulâ, an i ni le d’igi ang de na. Simei mi kak burâ ngolâ avo Jerusalem.

2 Amuleina 20:20

Sunda hi Ezekiyas sa ara kad’eng mam mba dur ayîna ki min nda mam min yima ve mbina ki djugot ta mi djugot ir yima djang mbina ei avo Jerusalem-mba mi, a b’irizi nga kä kur Mbaktum mba de zlad’a yam Sunda hAmulei suma Juda-nid’a.

2 Amuleina 22:20

Ni kayam ndata ba, an mba ni arang ang mit ki halasa, a mba tozong kur zul manga bei ang we ndak ka an mba ni mbat yam azì ma Jerusalem-mid’a ba. Ngol ma ngat buzuna ki ndrom suma a sunuzina a mba de zla ndata mamulâ hina.

Ester 9:30

A sun mbaktum ndata mi Juif-fâ pet suma a nga kaka kur ambas sa kis kam dok mbà yam kid’iziya d’a amulâ Asuwerus nga mi te kata, a b’ir kurut ala a kak ki halasa bei vunadik ka tumba.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Sawal la giled’a 39:9

Ang prud’un ndei kur tchila manda pet, ar an mbut vama ngula avok suma lilid’a d’uo mi.

Jeremi 33:6

Wani an mba ni hum lafiyad’a, an mba ni tchilim mbilim d’igi sana mi tchil mbilâ hi sanina na, an mba ni ar suma kuruma a kak ki b’leng nga halasa ki d’engzenga ngola.

Hor ma tchina 3:22

Djivi d’a tetenga hi Ma didinid’a nga d’i dap pi, we hohou mamba ti dap nga d’uo tua mi.

Hor ma tchina 3:39

Ni kayam me ba, sama mi nga kaka ki irama mi tchi tam ge? Ar nge nge pî mi tchi ni yam tcho mamba tata.

Sunda hi suma hi Levi-nid’a 10:3

Ata yi máma Moise mi de mi Aron ala: Wana ni zla d’a Ma didina mi data: Suma a mba go ki sed’en á lan sundina, mbeî a tak kak man nda yed’eta woi abua, mbeî a suburun avok suma pet mi. Wani Aron mi kak ki vunam ma du’â.

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Wana ni Zla d’a Djivi d’a Luc mi b’irita 2:10

Malaikana mi dazi ala: Agi lagi mandar ri, an mbagi ni Zla d’a Djivi d’a furî d’a yam suma peta.

Wana ni Zla d’a Djivi d’a Luc mi b’irita 2:14

Ei suburi Alo ma sä akulona! Ar mi he b’leng nga halas mamba yam andagad’a mi suma mi le kazina.

1 Samuel 3:18

Ata yi máma Samuel mi dum ad’u ahlena pet bei mi ngeyem va kä ba. Eli mi dum ala: Ni Ma didina; ar mi le vama djivi ma hurum minima.