2 Amuleina 20:17 - Bible azumeina

¹⁷ Mi dala: Bur tu ahle suma a nga kur aziyang ma amulina pet kahlena pet suma abuyong ngolo a togozi gak inina, a mba yozi izi Babilon pepet. Va mba ar ka hî d’i.

2 Amuleina 20:17 ပူးပေါင်းရင်းမြစ်များ

2 Amuleina 20:16

Ata yi máma Isai mi dum ala: Ang hum zla d’a Ma didina mi data.

2 Amuleina 24:13

D’igi Ma didina mi de avok na, Nebukanezar mi yo ahle suma a nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur gong nga ngom ndjondjoî d’a kur azina hamulîd’ina pet, mi to ahle suma lor suma Salomon amul ma Israel-lâ mi minizi á le ki sunda kur gong nga kud’ora hi Ma didinid’ina woi pepet mi.

2 Sunda Hamuleinid’a 36:10

Kid’a a mba kur biza d’a awilid’id’a, Nebukanezar mi vum mi i ki sed’em avo Babilon zlapa kahle suma guzuzi kal tegles suma a le ki sunda kur gong nga kud’ora hi Ma didinid’ina, mi tin wiyema Sedekiyas amula yam suma Juda-na ki suma Jerusalem-ma mi.

2 Sunda Hamuleinid’a 36:18

Nebukanezar mi yo ahle suma sun suma kur gong nga kud’ora hi Ma didinid’a suma nglona ki suma gureina zlapa kahle suma ndjondjoî suma kur gonga hi Ma didinid’ina ki suma hamulîna ki suma hi mam suma sundina pet mi, mi i ki sed’ezi avo Babilon.

Jeremi 20:5

An mba ni he ndjondjoî d’a kur azì mámid’a pet kahle suma azi fazina pet kahle mazi suma guzuzi kal teglesâ zlapa ki ndjondjoîd’a hamuleinid’a pet abo mazi suma djangûna. A mba hurumuziya, a mba yozi a i ki sed’ezi Babilon.

Sunda hi suma hi Levi-nid’a 26:19

Kur ad’eng magi d’a agi nga suburugi ki tagid’a, an mba ni hulongôgi yagi kä, an mba ni b’al alona akulo kagi kiki; andaga magid’a mba d’i sira ad’enga kiki mi.