2 Amuleina 2:23 - Bible azumeina

²³ Kid’a Elise mi tchol Jeriko á i Betel-la, kid’a mam nga glovot tua d’a, gro andjofâ a tcholï hur azì ma ngolâ, a nga san ad’um ala: Ang iza, ang ma yang yod’ina! Ang iza, ang ma yang yod’ina!

2 Amuleina 2:23 ပူးပေါင်းရင်းမြစ်များ

Ad’u Tinda 21:9

Bur tu Sara ti we Ismael Agar ra Ezipte-d’a gorot ma ti vud’um mi Abraham-ma, nga mi las Isak.

2 Amuleina 2:11

Kid’a azi nga kur tita a nga yo seretnid’a, gol wani, pus ma akud’a kakulumei suma akud’a a mba a walazi adigaziya. Va máma mi hle tam d’igi pusâ na, akulumeina a nga tanamu. Ata yi máma na wat, a hle Elie sä akulo aduk mbirlimba.

2 Amuleina 2:2

Elie mi de mi Elise ala: An nga ni tchenengû, ang kak ka hî. Ma didina mi sunun Betel. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi i Betel zla tazi djak.

2 Amuleina 2:22

Kayam ndata, mbina mi mbut d’igila hirwiling gak ini d’igi Elise mi de na.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

Wana ni mbaktumba hi Job-pa 19:18

Kem mba gureid’a pî a golon is. Ata yima an nga ni tchol akulona, a nga san ad’unu.

Wana ni mbaktumba hi Job-pa 30:1

Job mi de kua ala: Wani ki tchetchemba, suma gurei mana a nga san ad’unu. Ni suma an gol abuyozi is ala an min tchuguzi aduk adurei suma a nga ngom d’uwar manina d’uo na.

Sawal la giled’a 31:17

Ang tin irang kan an azong mangâ djiviya, ang sud’un ndei yam djivi manga.

Sawal la giled’a 31:18

Ma didina, ata yima an nga ni yangâ, ang aran an mbut zulona d’i; ar suma asa’atna a mbut zulona, ar azi i kä azulei ki vunazi ma du’â.

Sawal la giled’a 35:15

Wani ata yima an puk kä na, azi tok tazi á le furîd’a, azi tok tazi kan á lan tchod’a bei an we ba, azi nga ton a nga kizagan ndei bei aran ba.

Zla d’a d’ogolâ 20:11

Gogorâ le tit mamba ni yed’et toze ni d’ingêru ni, suma a wumî ata sun mam mba led’a.

Zla d’a d’ogolâ 22:15

Lilid’a nga kur gogorâ, wani azlingât ta a tom ki d’a mba d’i digit tei dei ki sed’emu.

Zla d’a d’ogolâ 22:6

Ang tak gogorâ lovot ta mi ndak á tit kura, le mi djeng mamara pî, mba mi d’es sei kurut ti.

Isai 1:4

Ni zla d’a hohoud’a, yam agi andjaf suma le tchod’a, yam agi suma zlad’a kagina, yam agi andjaf ma murud’umba, yam agi gro suma mbud’ugi ndjendjed’ina! Agi noyôgi an Ma didina woyo, agi gologi an Ma tin tan irat vat kagi Israel-lîna is, agi han huyogogi mi.

Isai 3:5

Suma a mba djop vun taziya, nge nge pî mba mi djop vun ndrama, gogorâ mba mi nde ma mamarâ huneîd’a, ma ndak va nduo na mba mi nde ma suma a nga hum ngolina huneîd’a mi.

Jeremi 20:7

Jeremi mi de mAlona ala: Ma didina, ang lobonu, ang vanu, ang kal kan kad’enga. An mbut ni vama sanda burâ ki burâ, suma pet a nga lazan mi.

Jeremi 20:8

Ata yima lara ma an de zlad’ina, an erï ad’un akulo mbeî ala: Murud’umba ki djop vuna a mba. Kayam ndata, zlad’a hi ang Ma didinid’a, ti mbut ni vama ngula ki vama sanda kan burâ pet.

Jeremi 7:18

Kemba a nga yoï aguna, abuyod’a a nga vakud’a, aropma a nga tib’ek afuta á le woîna malo d’a akulod’a, a nga he he d’a hawa d’a süm guguzlud’a malo ma dingâ. A le na á zalan hurunu.

Wana ni mbaktumba hi Oze-d’a 10:15

An Ma didina nga ni dagiya: Agi suma Betel-lâ, an mba ni le ki sed’egi ni hina dedege yam asa’at magi d’a ngol la kala, a mba tchamul ma Israel-lâ tchi tua ba yina fo.

Wana ni mbaktumba hi Oze-d’a 10:5

Suma Samari-na a mba le mandarâ abo gor amuhl ma yor ma Bet-Aven-na. Suma a mba yor tazi kamu, suma ngat buzuna a mba tchi kam kayam subur mamba dap pei da’.

Wana ni mbaktumba hi Oze-d’a 4:15

Agi Israel-lâ, le agi hagi tagi á le mizeuna pî, ar suma Juda-na zlad’a vazi d’i, ar agi igi Gilgal li, ar agi igi Bet-Aven ndi, ar agi gunugi tagi ala: Ma didina ni ma bei matna d’uo mi!

Sunda hi suma hi Levi-nid’a 13:40

Le sana tumus sa kamba tor reyo ni, ni yam mba yod’a; mi ni yed’et.

Amos 3:14

Kur bur ma an mba ni mba á ngop Israel-lâ yam tcho mazid’ina, an mba ni to yima ngal ahle suma ngat buzu ma Betel ma tetengâ kä woyo, kengêm ma djidjid’engâ mba mi dris kä woi andaga mi.

Amos 4:4

Agi igi Betel, lagi tchod’a! Agi igi Gilgal, lagi tcho d’a kala! Agi hagi ahle magi suma ngat buzuna ki yorogo d’a lara ge pet! Burâ hindi agi mbagi ki dim magina, agi mbagi ki dim magina!

Amos 5:5

Agi halandi Betel li, agi igi Gilgal luo mi. Agi igi Berseba d’uo mi, kayam a mba yo suma Gilgal-lâ magomba ki zla tazi pet, Betel mba d’i mbut ni vama hawana mi.

Amos 7:13

Wani ang djok vuna ka hî avo Betel gagak ki, kayam ni gong nga kud’ora hamulîd’a, nazì ma amul mi.

Galat-na 4:29

D’igi adjeu gor ma a vud’um kur minda hi sanina mi djop vun ma a vud’um yam ad’enga hi Muzu’â hAlonina na, ki tchetchemba, ni na mi.

Hebre-na 11:36

A las suma dingâ ki sanda, a to suma dingâ ki blafâ, suma dingâ a djinizi ki kindjingâ, a tchuguzi dangeina mi.