2 Amuleina 2:2 - Bible azumeina

² Elie mi de mi Elise ala: An nga ni tchenengû, ang kak ka hî. Ma didina mi sunun Betel. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi i Betel zla tazi djak.

2 Amuleina 2:2 ပူးပေါင်းရင်းမြစ်များ

Ad’u Tinda 28:19

Mi yi yi máma ala Betel. Adjeu a yi yi máma ala Lus.

1 Amuleina 12:28

Ata yi máma amulâ Jerobowam mi hal djib’er ra dinga, mi yor lora gro amuzleina mbà, mi de mi sum mama ala: I d’a agi igi Jerusalem teteud’a ndagagi da’. Gola! Agi Israel-lâ, alo magi ma buzugugï woi kur Ezipte-na ba wana!

1 Amuleina 12:29

Jerobowam mi tin ma hina avo Betel, mi tin ma hina avo Dan mi.

1 Amuleina 12:33

Kur bur ma dogo yam vahlâ hi til ma klavandi ma mam ngam mi tinim yam mam tam Jerobowam-ma, mi i Betel á le vun tilâ ki Israel-lâ. Kur bur máma mam tamba mi i á hahle suma ngat buzuna yam yima ngal ahle suma ngat buzuna mi.

2 Amuleina 2:23

Kid’a Elise mi tchol Jeriko á i Betel-la, kid’a mam nga glovot tua d’a, gro andjofâ a tcholï hur azì ma ngolâ, a nga san ad’um ala: Ang iza, ang ma yang yod’ina! Ang iza, ang ma yang yod’ina!

2 Amuleina 2:4

Elie mi de mi Elise kua ala: An nga ni tchenengû, ang kak ka hî. Ma didina mi sunun Jeriko. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi i Jeriko zla tazi djak.

2 Amuleina 2:6

Elie mi de mi Elise kua ala: An nga ni tchenengû, ang kak ka hî. Ma didina mi sunun avun alum ma Jurdê-na. Wani Elise mi hulong dum ala: An nga ni gunung tan avok Ma didin ma bei matna ba na, avorong ang mi, an nga ni arang ngi. Azi tchuk tazi tita asem tazi djak.

2 Amuleina 4:30

Wani gorâ asum mbi de mi Elise ala: Avok Ma didin ma bei matna, avorong ang mi, an nga ni i bei ang ngi. Kayam ndata, Elise mi i ki sed’ed’u.

Jeremi 4:2

Le agi gunugi tagi ki gagazid’a ki d’ingêra ki d’engzenga ala: Ma didina ni ma bei matna ni, ata yi máma andjaf suma dingâ a mba dan ala an b’e vunan kaziya, a mba subur tazi kan mi.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

1 Samuel 1:26

Anne ti dum ala: Salana, ang tang ki irang wana, an natcha d’a ni tchol kambei ka hî geveng á tchen Ma didinid’a.

1 Samuel 17:55

Ata yima Saul mi we David mi i á ngaf Goliyat-na, mi djop ma ngolâ hi azigar mama Apner ala: Apner, gor máma ni nge goroma ge? Apner mi hulong dum ala: Sama ngolâ, an we nga d’uo mi.

1 Samuel 25:26

Ki tchetchemba, salana, gagazi Ma didina ni Ma bei matna, ang tang nga ki irang mi; ni Ma didina ba, mi d’eleng á tchi matna, á mbud’ung d’ingêr. Ma kal teglesâ, ar mang suma djangû suma a hal á lang tchod’ina, a mbut ni d’igi Nabal na.