2 Amuleina 2:19 - Bible azumeina

¹⁹ Wani suma avo Jeriko-na a de mi Elise ala: Salamina, ang we aziyami kak djivid’a d’igi ang wum na, wani mbina nga djivi d’i, andagad’a nga d’i wul ahlena d’uo mi.

2 Amuleina 2:19 ပူးပေါင်းရင်းမြစ်များ

1 Amuleina 16:34

Kur atchogoi ndata Hiyel ma Betel-lâ mi nde min azì ma Jeriko-na. D’igi Ma didina mi de mi Josue Nun goroma na, ata yima Hiyel mi gäd’u azì ma Jeriko-nina, Abiram Hiyel gorom ma ngolâ mi mid’a; ata yima mi tin vun gulumunina, Segup Hiyel gorom ma gorâ mi mit mi.

1 Amuleina 18:13

Na ni salana, sa mi dang nga yam ahle suma an lazi ata yima Jezabel ti tchi suma djok vuna hi Ma didinina woina d’uo zu? An ngei suma djok vun Alona kis, an walazi dok vahl dok vahl kur zul ahinad’a mi, an hazi tena ki mbina mi d’uo zu?

1 Amuleina 18:7

Kid’a Obadiya mi nga kur tita glovota, mi ngaf ki Elie dumuzi, mi wum tcha, mi grif kä avoromu, mi dum ala: Ni ang salana Elie d’ä?

2 Amuleina 2:18

Kid’a azi hulongîd’a, a fe Elise avo Jeriko. Mam dazi ala: An dagi ala agi igi d’uo d’uo zu?

2 Amuleina 2:20

Elise mi dazi ala: Agi hlanï taza ma awilina, agi tchugugï ndjuvuna kur mi. Azi hlumzï mi.

Buzuk ka Abud’a 15:23

Azi mbaza Mara, wani azi ndak á tche mbiyo ma Mara-na d’i, kayam ma aglara. Ni kayam ndata ba, a yum ala Mara ni na.

Buzuk ka Abud’a 23:26

Kur ambas magid’a atcha hurut mba mi nde woi d’i, atcha mba d’i b’al gendrege d’uo mi; an mba ni igi burugi fiyaka avok mi.

Buzuk ka Abud’a 7:19

Ma didina mi de mi Moise kua ala: Ang de mi Aron ala: Ang hle totogo manga, ang hlabong akulo yam mbiyo ma Ezipte-na, yam toliyon mazid’a, yam apo alum ma Nil-lâ, yam apo mazid’a, yam golongeî mazina pet mi. Azi mba mbut buzuna. Buzuna mba mi oî kur ambas sa Ezipte-d’a pet, kur ahle mazi suma tche mbina suma aguna d’oze suma ahinad’a mi.

Wana ni mbaktumba hi Oze-d’a 9:14

Ma didina, ang haziya, ang hazi ni me ge? Ang hazi azì gro ma mi tchuk grona woina! Ang hazi napo ma sid’amba b’agadjana!

Ndumba 12:11

Aron mi de mi Moise ala: Salana, an nga ni tchenengû, ang ar aneka hi tcho d’a ami lat ir lilid’a ndata kami d’i, kayam ami lami tchod’a.

Gat ta a hat á mbàd’id’a 28:11

Ma didina mba mi lagi djivid’a, mba mi zulugi grogina, mba mi zulugi d’uwar magi ma nglona ki d’uwar magi ma gureina yam ambas sa mam gun tam kat mabuyogi ngolo á hagizid’a.

1 Timote 5:17

Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

Josue 6:17

Agi b’lagam mbei kahle suma kuruma pet, kayam azi nahle suma a tinizi irazi vazi mi Ma didinina. Ni Rahap pa gaulangâ hol ba, ei mba arat bei tchid’a ki suma a nga avo hatatna pet, kayam ndat ti ngei suma ei sunuzi adjeu á d’u yinina.

Josue 6:26

Ata yi máma Josue mi dazi zlad’a kad’enga ki gun tad’a yam Jeriko ala: Ar Ma didina mi ge sama mi min á min azì ma ngol ma Jeriko-na akulona vuna. Mba mi gum ad’umî ki mad’a gorom ma ngolâ, mba mi dugum vunam akulo ni ki mad’a gorom ma gorâ mi.