2 Amuleina 2:14 - Bible azumeina

¹⁴ Mi yo baru d’a ngol ndata, mi wat ki mbiyo aluma, mi er ad’um akulo ala: Ma didina Alona hi Elie-na, mi nga ni lara ge? Ata yi máma mi wat mbiyo aluma. Aluma mi wal lei aduk mbà, mam djak abo hî.

2 Amuleina 2:14 ပူးပေါင်းရင်းမြစ်များ

2 Amuleina 2:13

Bugola, mi yo baru d’a ngola hi Elie d’a tchuk kä d’a, mi hulong avun alum ma Jurdê-na.

2 Amuleina 4:29

Elise mi de mi Gehazi ala: Ang min tangû, ang hle totogo man nda djok vuna, ang i Sunem. Le ang ngaf sa glovod’o ni, ang tchol á gum depa d’i; le sa mi min á gang depa ni, ang humum mbuo mi. Ang i d’igal totogo manda avok gorâ.

Sawal la giled’a 115:2

Ni kayam me ba, andjaf suma dingâ a nga dala: Alo mazina mi nga ni lara ge ge?

Sawal la giled’a 42:10

Alo ma ndjununa, an nga ni dangû, ni kayam me ba, ang maran ndei ge? Ni kayam me ba, ang aran kur ndaka abo man suma djangûna na ge?

Sawal la giled’a 42:2

Alo mana, an nga ni hat hurun kang d’igi pandrid’a nga d’i hat hurut yam mbiyo ma toliyona na.

Buzuk ka Abud’a 14:22

Israel-lâ a tchuk kä kur alum ma ngolâ kasezi sod’a tchitching. Mbina mi tchol lei ata abozi ma ndjufâ kabozi ma gulana d’igi gulumuna na mi.

Jeremi 2:6

A de nga ala: Ma didin ma mi buzugï woi kur ambas sa Ezipte-d’a ma mi tit ki sed’ei abagei hur fulâ ma mi tit hur ful ma d’ad’au ma angrifâ nga kua na ma mi tit ki sed’ei kur andaga d’a so d’a matna nga kua d’a ma mi tit ki sed’ei kur andaga d’a sa nga mi tit kua d’oze d’a sa nga mi kak kua d’uo d’ina, mi nga ni lara ge d’uo zu?

Joel 2:17

Ar suma ngat buzu suma a le sunda mi Ma didinina a tchi kur gong mam mba kud’ora aduk vun agre’â ki yima ngal ahle suma ngat buzuna, ar a dala: Ma didina, ang ngom sum mangâ, ar suma ang tazi djonina a mbut zulona tala andjaf suma dingâ a te kaziya d’a d’i. Ni kayam me ba, a mba de kazi aduk andjaf suma dingâ ala: Alo mazina mi nga ni lara ge ge?

Marik 16:20

Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Jean 14:12

Gagazi, an nga ni dagiya, sama he gagazid’a kana, sun nda an lata, mam mba mi lat na mi. Mam mba mi le sun nda ngol la kal la wanda, kayam an nga ni i gen Abunu.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

Suma ka sariyad’a 6:13

Zedeyon mi hulong dum ala: Hawa yak! Le Ma didina mi nga ki sed’emiya ni, ni kayam me ba, ahle suma tchotcho ndazina a mba kami na ge? Ahle mam suma yoyou suma mi lazi suma abuyomi ngolo a dami kazi ala: Ni Ma didina ba, mi buzugumï woi kur Ezipte d’uo zi ge na, a nga ni lara ge? Ki tchetchemba, Ma didina mi arami woyo, mi hami wa woi abo suma Madiyan-na.