2 Amuleina 2:11 - Bible azumeina

¹¹ Kid’a azi nga kur tita a nga yo seretnid’a, gol wani, pus ma akud’a kakulumei suma akud’a a mba a walazi adigaziya. Va máma mi hle tam d’igi pusâ na, akulumeina a nga tanamu. Ata yi máma na wat, a hle Elie sä akulo aduk mbirlimba.

2 Amuleina 2:11 ပူးပေါင်းရင်းမြစ်များ

Ad’u Tinda 5:24

Enok mi tit zlapa kAlona; sa fum nga d’i, kayam Alona mi hlum sä akulo gevemu.

2 Amuleina 2:1

Ata yima Ma didina mi min á hle Elie akulo ki mbirlimbina, wana nahle suma a lena: Elie azi ki Elise a tcholï Gilgal ad’u tazi djak.

2 Amuleina 6:17

Bugola, Elise mi tchen Ma didina ala: Ma didina, an nga ni tchenengû, ang malam iram mbei á wed’a. Ma didina mi malam iram mbeyo. Mi wakulumei suma akud’a ki pus ma aku ma dur ayîna teteng akulo yam ahinad’a ngui Elise d’uhl.

Sawal la giled’a 68:17

Wani ni kayam me ba, ndak ahina d’a yak fuyogeid’a ablaud’a heîd’a, ndak nga d’i le yungôrâ yam ahina d’a Siyon nda Alona mi manat á kak kuad’a ge? Gagazi, Ma didina mba mi kak kua gak didin!

Habakuk 3:8

Na ni Ma didina, ang hurung zalî yam toliyonda zu? Na ni ang hurung zalî yam aluma zu? Ang nga djulul kayîna ata yima ang ful yam akulumeina, ang ful kur pus mang ma kus ayînina ni yam alum ma ngolâ zu?

Zakari 3:8

Ang ma ngol ma ngat buzuna Josue, ang ki ndrong suma nga kaka avorong wana, agi humugiya, agi sumala ni vama taka yam sut ta nga d’i mbad’a na. An nga ni mba kazong man ma a yum ala Agu ma hud’ura na.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Vama ndum mbeina 11:12

Suma djok vun Alo suma mbà ndazina a hum del la tcholï akulod’a ti dazi ala: Agi djagagï ka hî. Azi djak akulo kur d’ugula; mazi suma djangûna a nga goloziya.