2 Amuleina 2:1 - Bible azumeina

¹ Ata yima Ma didina mi min á hle Elie akulo ki mbirlimbina, wana nahle suma a lena: Elie azi ki Elise a tcholï Gilgal ad’u tazi djak.

2 Amuleina 2:1 ပူးပေါင်းရင်းမြစ်များ

Ad’u Tinda 5:24

Enok mi tit zlapa kAlona; sa fum nga d’i, kayam Alona mi hlum sä akulo gevemu.

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

1 Amuleina 19:11

Ata yi máma Ma didina mi dum ala: Ang nde woyo, ang tchol akulo yam ahinad’a avoronu. An nga ni kala. Ata yi máma na wat, simat ma ngolâ mi mba sira bibik, ahinad’a wak kei sisirak avok Ma didina, wani Ma didina tamba nga aduk simet máma d’i. Bugol simetna, andagad’a yir gigidji, wani Ma didina mi nga aduk yir ndata d’uo mi.

1 Amuleina 19:4

wani mam tamba mi i iram abagei hur fulâ, mi le burâ sop ki tita, mi i kak kä ad’u agu ma gorâ, mi tchen Alona ala mi mid’a. Mi dala: Ma didina, ki tchetchemba, an ndak wa ang hlan muzuganu, kayam an kal nga abuyon ngolo d’i.

2 Amuleina 1:18

Sunda hi Ahaziya d’a ara kahle suma mi lazina, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 2:11

Kid’a azi nga kur tita a nga yo seretnid’a, gol wani, pus ma akud’a kakulumei suma akud’a a mba a walazi adigaziya. Va máma mi hle tam d’igi pusâ na, akulumeina a nga tanamu. Ata yi máma na wat, a hle Elie sä akulo aduk mbirlimba.

2 Amuleina 4:38

Elise mi hulong, mi mba avo Gilgal. Kur biza ndata baktarad’a ti nde yam ambas ndata. Kid’a mi tok adesâ hi suma djok vun Alonina avorom kä d’a, mi de mazong mama ala: Ang tin dei ma ngolâ akua, ang yamï azlema madesâ hi suma djok vunina.

Wana ni mbaktumba hi Job-pa 38:1

Ma didina mi hulong zla d’a ded’a mi Job aduk babar ma ngolâ ala:

Wana ni Zla d’a Djivi d’a Luc mi b’irita 9:51

Ata yima burâ mba go á hle Jesus sä akulona, mi ve tam á i Jerusalem.

Sunda hi suma a sunuzinid’a 1:9

Bugol la mi de zla ndata dad’a, Alona mi hlum sä akulo. Kid’a azi nga golom tua d’a, d’ugula vid’im iraziya.

Hebre-na 11:5

Ni yam he gagazid’a ba, Alona mi hle Enok akulo bei matna. A fum nga d’i, kayam Alona mi hlum sä akulo. Avok ka bei mi hlumba, mbaktumba hAlonid’a ti le glangâsâ kam ala ni sama lAlona tam djivid’ina.

Josue 4:19

Israel-lâ a djak alum ma Jurdê-na ni kur bur ma dogona hi til ma avo’â, a ve kangâ avo Gilgal abo ma yorogona hi Jeriko-na.

Josue 5:9

Ma didina mi de mi Josue ala: Ini an pad’agi wa zulo ma ei Ezipte-na woi kagiya. Ni kayam ndata ba, a nga yi yi máma gak ini ala Gilgal.

Vama ndum mbeina 11:12

Suma djok vun Alo suma mbà ndazina a hum del la tcholï akulod’a ti dazi ala: Agi djagagï ka hî. Azi djak akulo kur d’ugula; mazi suma djangûna a nga goloziya.