2 Amuleina 19:7 - Bible azumeina

⁷ An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

2 Amuleina 19:7 ပူးပေါင်းရင်းမြစ်များ

2 Amuleina 19:28

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djumad’a avunang mi, an mba ni tanang ni hulongông avo hatang kur lovot ta ang hlad’ïd’a.

2 Amuleina 19:33

Wani Sanakerip mba mi hulong avo hatam ki lovot ta mam hlad’ïd’a, mba mi kal kur Jerusalem mbi. An Ma didina ni de na.

2 Amuleina 7:6

Kayam Salad’a mi mal hum suma kur kang ma Siri-na á hum asem azigar suma ad’engâ tchina kakulumeina ki pus mazi ma dur ayîna mi. Suma Siri-na a nga de tazi ala: Amul ma Israel-lâ mi wura’î suma Het-na ki suma Ezipte-na. Kayam ndata, azi sunï azigar mazina á duri wana.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

Wana ni mbaktumba hi Job-pa 15:21

Siwel la nga d’i mbut suma mandarid’a, nga d’i siwel humamu, ata yima b’leng nga halasa nga na, ma b’lak yina nga mi mba kamu.

Wana ni mbaktumba hi Job-pa 4:9

Alona mba mi tchazi woi ki fo mamba, mba mi ngalazi woi ki simetna hayî mam ma bibiliunina.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Sawal la giled’a 94:23

Mam mba mi hulongôzi tcho mazid’a kaziya, mam mba mi b’lagazi woi yam zla mazi d’a asa’at ta azi lata. Ma didina Alo meina mba mi dabazi woi ki irazi fafat.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Jeremi 49:14

An hum zlad’a tcholï avun Ma didina. Mi ge sunda aduk suma ala: Agi togogïya, agi mbeï durugi suma Edom-ma. Agi tchologi akulo á dur ayîna!

Jeremi 51:1

Ma didina mi dala: Gola! An nga ni tchol ki simet ma b’lak yina yam azì ma Babilon-na, yam suma a nga kaka kuruma mi.

Jeremi 51:46

Ar vunadigagi d’i pat ti, ar agi lagi mandarâ abo gandjau d’a mba d’i le kur ambasid’a d’i. Kayam biza d’a wanda, gandjaud’a mba d’i le kur ambasa; biza d’a avok hid’a, gandjaud’a mba d’i le kua d’ei, murud’umba mba d’i te yam ambasa, ma te yamba mba mi tchol dur ki ma te yam ma dingâ mi.

Abdiyas 1:1

Wana ni vama Salad’a Ma didina mi ndum mbei mi Abdiyas yam zla d’a mi dat mi suma Edom-mid’a: Ami humumi zlad’a tcholï ata Ma didina; mi sun sana aduk andjaf suma, mi dala: Agi tchologi akulo, ei i ndeï suma Edom-ma durâ.