2 Amuleina 19:4 - Bible azumeina

⁴ Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

2 Amuleina 19:4 ပူးပေါင်းရင်းမြစ်များ

Ad’u Tinda 22:14

Abraham mi yi yi máma ala Ma didina nga mi he. Kayam ndata gak ini suma a nga dala: Ni yam ahinad’a hi Ma didinid’a ba, mam mba mi he.

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

2 Amuleina 18:13

Kur biza d’a dogo yam fid’i d’a Ezekiyas nga mi tamulid’a, Sanakerip amul ma Asiri-na mi mba á dur ayîna kazì ma nglo ma Juda ma ad’eng ma ngunguna pet, mi yomu.

2 Amuleina 19:16

Ma didina, ang tin humang ang huma! Ma didina, ang mal irang, ang gola! Ang hum ngul la Sanakerip mi ngulung ang Alo ma bei matnina.

2 Amuleina 19:22

Ang ngulî nge? Ang kra’î nge? Ang er ad’ung akulo á lazî nge? Ang hle yang akulo ni yam nge? Ni mi an Alo ma tin tan irat vat yam Israel-lîna.

2 Amuleina 19:23

Ang tchugï mang suma sunda á ngulun an Ma didina. Ang dala: Ki pus man ma dur ayî ma ablauna an djak akulo yam ahuniyôna yazi d’a ked’iwurenga gak ni i Liban yat ta dabid’a. An ka agu mat ma fuyogei ma sedrena kagu mat ma sipre ma djivi ma kal teglesâ woyo. An i dabi naduk agu mat ta ndindik ka sa nga mi kal kua d’uo d’a mbeî.

2 Amuleina 19:3

Azi dum ala: Ezekiyas mi dami ala ami dang ala: Ini ni bur ma yor tad’a, ni bur ma ngopa, ni bur ma zulona mi. Ki tchetchemba, ei ni d’igi atcha d’a ti nde vuta wani ti ndak nga á vut gorotna woi d’uo d’a na.

2 Amuleina 19:30

Suma a sut tei aduk suma Juda suma a mba ar kakina, sideyezi mba mi sir kä aduk andagad’a d’igi aguna na, a mba vut ngola.

2 Amuleina 19:31

Kayam suma a arâ a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.

2 Amuleina 19:5

Suma Ezekiyas mi sunuzina a mbaza gen Isai.

2 Sunda Hamuleinid’a 32:20

Amulâ Ezekiyas ki ma djok vun Alona Isai Amot goroma, a nde tchen Alona ki delezi akulo ala mi ndjunuziya.

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Sawal la giled’a 50:21

Wana nahle suma ang lazina, an nga kaka mudjuk. Kayam ndata, ang djib’er ala an ni d’igi ang na. Wani an nga ni ngobongû, an mba ni tagangzi woi irang pid’ak mi.

Sawal la giled’a 74:18

Ma didina, ang djib’era! Ma djangûna nga mi ngulungû, andjaf ma lilid’a nga mi panang simiyêngû.

Isai 1:9

Ladjï Ma didin ma ad’engêm kal petna mi ngomei ad’ui d’a ar nded’a d’uo ni, ei mbud’i wa ni d’igi Sodom na, ei mbud’i wa ni d’igi Gomor na mi.

Isai 10:6

An sunuzi ata andjaf ma le sun nda ndjendjed’ina, an hazi lovota á kak djangûna ki suma a nga zalan huruna á hurumuzi ahligiyeziya, á yozi ahligiyezi kad’enga, á mired’ezi kä d’igi suma a miret lubuna kä kasezi na mi.

Jeremi 23:36

Wani agi mba yagi zla d’a aneka hi Ma didinid’a ala: Wana ni zla d’a aneka hi Ma didinid’a d’uo d’a. Zla d’a aneka hi Ma didinid’a mba d’i arî zlad’a hi nge nge pî ki yamu, kayam agi b’lagagi zlad’a hAlo ma bei matna Ma didin ma ad’engêm kal petna, Alo meinid’a woyo.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Jeremi 42:9

Mi dazi ala: Ma didina Alona hi Israel-lâ ma agi sunun gevem ala an i ki tchen magi d’a hud’a avoromu na mi dala:

Ezekiyel 36:37

Gola! Salad’a Ma didina mi dala: An mba ni ar lovota mi Israel-lâ a mba yan á ndjunda, an mba ni hulongôzi humba, an mba ni zuluzi d’igi d’uwarâ na mi.

Romê-na 11:5

Ni na mi, kur atchogoi d’a tchetchem wanda, suma hiu suma Alona mi manazi yam suma mambina a nga.

Romê-na 9:27

Isai mi de ki delem akulo yam Israel-lâ ala: Ndumba hi gro Israel-lîd’a, ti le ni d’igi les ma avun alum ma ngolîna na pî, nad’uzi d’a ara ba, a mba fe suta.

Gat ta a hat á mbàd’id’a 32:36

Ma didina mba mi ka sariyad’a yam sum mama, wani mba mi we hohowa azungeî mama ata yima mi wazi ad’engêzi d’i nga d’uo na, ata yima sama mi vazi kä d’oze mi tchuguzi akulona nga d’uo na mi.

Josue 14:12

Kayam ndata, ang han azì ma yam ahinad’a ma Ma didina mi dum zlam kur bur mámina. Kayam ang hum kur bur máma tamba ala suma Ana’â a nga kua, azì ma nglo ma ad’eng ma ngunguna, mi nga kua mi. Le Ma didina mi nga ki sed’enu ni, an mba ni digizi woi d’igi mam de na.

Josue 3:10

Mi dazi kua ala: Agi mba wagi woi ala Alo ma bei matna mi nga adigagiya, mba mi dik suma Kanan-na, suma Het-na, suma Hef-fâ, suma Peris-sâ, suma Girgas-sâ, suma Amor-râ ki suma Jebus-sâ woi avorogiya.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

1 Samuel 17:10

Goliyat mi de kua ala: Agi azigar suma Israel-lâ, an ndagi ayîna ini. Le agi ndagagiya ni, agi gandï sana tu ami durumi ayîna.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:45

David mi hulong dum ala: Ang mbei atan ki mbigeu d’a fiyaka ki djamba kasapa; an mba atang durâ ni ki simiyê Ma didin ma ad’engêm kal petna, Alo ma b’ranga hi Israel ma ang nguluma.