2 Amuleina 19:37 - Bible azumeina

³⁷ Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ tu a yum ala Esar-Hadon mi vrak tamula blangâmu.

2 Amuleina 19:37 ပူးပေါင်းရင်းမြစ်များ

Esdras 4:2

a mba gen Zorobabel ki suma nglo sumazina, a dazi ala: Ar ami minimi gong nga kud’ora ki sed’egiya, kayam ami nga kud’uromi Alo magina d’igi agi nga kud’urom na mi. Ami nga hum he d’a hawad’a ni kur atchogoi d’a Esar-Hadon amul ma Asiri-na mi mbami ka hid’a dei.

Ad’u Tinda 8:4

Batod’a ti mba kak kä yam ahuniyô suma Ararat-na kur bur ma dogo yam kid’iziyana hi til ma kid’iziyanina.

Jeremi 51:27

Agi pagi drapo d’a taka akulo kur ambasa, agi bugi adifa aduk andjaf suma, agi minigi andjaf suma á durud’u, agi yagï suma kur leu d’a Arat-ta, kur ra Mini-d’a, kur ra Askenas-sa mi. Agi i yagï nglo suma dur ayîna á durud’u, agi aragi akulumeina a pir kurut d’igi djera ti pir na.

2 Amuleina 19:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

2 Sunda Hamuleinid’a 32:19

A nga de zlad’a yam Alo ma Jerusalem-ma d’igi a nga de zlad’a yam alo ma tetengâ hi suma yam andagad’a ma sana mi lum kaboma na.

2 Sunda Hamuleinid’a 32:14

Nalo ma lara ma aduk alona handjaf suma abuyon ngolo a dabazi woina, mi ndak á prut sum mama woi abon ba, Alo magina mba mi prud’ugi woi abon nge?

2 Amuleina 19:10

Kayam ndata, mi ge sun nda dinga ata Ezekiyas amul ma Juda-na, mi dum ala: Ar Alo mang ma ang tin hurung kam heîna mi lobong vunang ala an mba ni hle Jerusalem mbuo d’i.

2 Amuleina 18:30

Nga mi dala: Ma didina mi ndak á ei tini huri kamu. Mba mi sud’i woyo, mba mi ar amul ma Asiri-na mi hlazì mei ma ngolâ d’i.

2 Amuleina 18:5

Ezekiyas mi tin hurum yam Ma didina Alona hi Israel-lîna kal amulei suma Juda suma tamula avoroma ki suma vrak blogoma pet mi.

Gat ta a hat á mbàd’id’a 32:31

Kayam ahina mazi d’a ndjunda nga d’igi an Ahina d’a ndjunda hi Israel-lîd’a na d’i, mazi suma djangû tazid’a pî, a we na mi.

2 Amuleina 17:31

suma Ava-na a min alo ma a yum ala Nibas-sâ ki ma a yum ala Tarta’â mi. Suma Sefarvayim-ma tazid’a a ngal grozina woi kakud’a d’igi vama ngat buzu ma ngala na malo mazi ma a yum ala Adramele’â ki ma ding ma a yum ala Anamele’â.

2 Amuleina 19:17

Ma didina, gagazi, amulei suma Asiri-na a tchi andjaf suma dingâ woyo, a b’lagazi andaga mazid’a woi mi.

2 Amuleina 19:31

Kayam suma a arâ a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.