2 Amuleina 19:26 - Bible azumeina

²⁶ Suma kuruma ad’engêzi ndak á tchol avorong ngi. A le mandarâ ngola, a mungôr mi. Azi mbut ni d’igi asu ma abageina na, azi mbut ni d’igi asu ma d’uf akulo awilina na, azi ni d’igi geme ma deî yam gongîyona akulo ma mi so woi bei mi tin tengêlem ba na mi.

2 Amuleina 19:26 ပူးပေါင်းရင်းမြစ်များ

Ad’u Tinda 41:23

Bugola, awu ma ding ma mogo ma bei irâ kid’iziya mi tchuk kei ata akei d’a tud’a mi. Mi so woi abo simet ma abo ma yorogonina.

Ad’u Tinda 41:6

Bugola, awu ma dingâ kid’iziya, mi tchuk yam mogod’a, mi so woi abo simet ma tcholï abo ma yorogonina.

Sawal la giled’a 102:11

Kur ayî mangâ ki hur mang ma zal ma gugulu’â, ang hlan gan ndei dei ki sed’engû.

Sawal la giled’a 127:1

Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

Sawal la giled’a 92:7

Sama bei ned’a mi ndak á wat ad’ut ti, sama lilid’a mi ndak á humut tuo mi.

Isai 13:8

A mba le mandarâ, ndaka ki pupuluka hi hliu tad’id’a mba d’i laziya, a mba tcha tata d’igi atcha d’a nga d’i tcha tata á vutid’a na, a mba gol ir tazi ki mandarâ, irazi mba d’i tchor hleud’a d’igi akud’a na.

Jeremi 37:10

Ladjï agi durugi ayîna ki azigar suma Babilon suma a nga durugi ayînina, ladjï arî suma agi dagazina go pî, nge nge pî kur zlub’u mamba mba mi hulong mi tchol mi ngal azì ma ngol ma wana woi kakud’a!

Jeremi 51:30

Suma dur suma Babilon-na a ar bei dur ayîna, a ar kaka kur azì ma ad’eng ma ngunguna. Mazi suma gangrangâ a mbut amangeîd’a, a mbut ni d’igi aropma na. Suma djangûna a nga dozi aziyazi akud’a, a kus kawei mam ma murgulina woi mi.

Jeremi 51:32

A hle wa yima a djak mbina kuana, yi mazi ma ad’eng ma ngunguna a ngalam wa woyo, suma dur ayîna a mbut mandarâ.

Ndumba 11:23

Ma didina mi hulong de mi Moise ala: Na ni an kid’ak su? Ki tchetchemba, ang mba we zla d’a an data mba d’i le d’oze mba d’i le d’uo, ang mba we.

Ndumba 14:9

Wani agi sogi vuna á kak djangûna ki Ma didina d’i, agi lagi mandara suma kur ambas ndatina d’uo mi, kayam azi mba mbut ni te meina. Ma ndjunuzi nga d’i, wani Ma didina mi nga ki sed’eya. Kayam ndata, agi lazi mandarazi d’i.

Matiye 10:27

Zla d’a an dagizi andjeged’a, agi dat tei faleya; vama agi humugizi gumuna, agi tchum walam mbei yam azuweina akulo.

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,