2 Amuleina 19:25 - Bible azumeina

²⁵ Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni ndagazi vunazi wana. Ni an ba ni hang lovota á to azì ma nglo ma ad’eng ma ngunguna kä woyo.

2 Amuleina 19:25 ပူးပေါင်းရင်းမြစ်များ

Sawal la giled’a 33:11

Wani nga hurâ hi Ma didinina mi nga burâ ki burâ, djib’er ra kurum krovod’a ti nga ni kur atchogoi d’a lara ge pet mi.

Isai 10:15

Na ni andjetna mi subur tam yam sama nga mi le sunda ki sed’ema zu? D’oze sïna mi le yam mba ad’enga ki sama mi ngat aguna ki sed’ema zu? Le ni na ni, ni d’igi totogod’a ti giget sama nga mi hlat akulona na, ni d’igi tatagama nga mi hle sama ala naguna d’uo na akulo na mi!

Isai 45:7

An le b’od’a, an le nduvunda mi. An le b’leng nga halasa, an le ndaka mi. Ni an Ma didina ba, ni lahle ndazina wan pet mi.

Isai 45:8

Ar akulod’a ti lau d’engzenga d’igi mbina mi lau woi na, ar d’ugula ti se d’ingêra d’igi alona mi se na, ar andagad’a ti mal vunat á mba ki suta, ti deî d’ingêra d’igi ahlena a deî na mi. Gola! Wana nahle suma an Ma didina ni lazina.

Isai 54:16

Gola! An min sa ma tchaf ma mi le vigina yam aku d’a kiwilîna, ni ma mi zle ahle suma sïna ki d’al mamina. Wani an min wa ma b’lak ahle suma sï ndazina woina mi.

Mise 1:6

Ma didina mi dala: Kayam ndata, an mba ni mbut azì ma ngol ma Samari-na d’igi mola hahina d’a kur asinenid’a na, an mba ni mbud’umî yima pe guguzlud’a, an mba ni durum ahina mamba woi kur hora, an mba ni aram ad’um mba ged’a woi abu mi.