2 Amuleina 18:7 - Bible azumeina

⁷ Ma didina mi nga zlapa ki sed’emu. Ahle suma mam lazina pet, mi faziya. Mi tchol huneîd’a kamul ma Asiri-na, mi ge nga yam kä ad’um mbuo d’a.

2 Amuleina 18:7 ပူးပေါင်းရင်းမြစ်များ

Ad’u Tinda 21:22

Kur atchogoi ndata, Abimelek ki Pikol ma ngolâ hi azigar mamina a mba gen Abraham, a dum ala: Ahle suma ang nga lazina pet, Alona mi nga ki sed’engû.

2 Samuel 8:14

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David mi i kuana, Ma didina mi hum ad’enga á kus ayîna yam suma pet.

2 Samuel 8:6

David mi min yima kaka hi azigar mama avo Siri d’a Damas-sa. Suma Siri-na a hulong yazi kä ad’u David, a hum tara. Ma didina mi hum ad’enga á kus yam suma pet ata yima lara ma mam nga mi i kuana.

2 Amuleina 16:7

Ahas mi ge sunda ata Tiglat-Pileser amul ma Asiri-na, mi dum ala: An mbut nazong mangâ, an mbut ni gorongâ mi. Ang mbeï sud’un ndei abo amul ma Siri-na kamul ma Israel-lâ suma a mba atan á duruna.

2 Amuleina 17:3

Salmanasar amul ma Asiri-na mi mba mi dur ayîna ki Ose. Ose mi hulong ge yam kä ad’umu, mi hum tara.

2 Amuleina 18:14

Ata yi máma Ezekiyas amul ma Juda-na mi ge sunda ata amul ma Asiri-na sä Lakis, mi dum ala: An le tchod’a avorongû, ang mba atan durâ d’i. Vama ang tinindji kana, an mba ni lumu. Amul ma Asiri-na mi ngam kawei ma hapma kam tonna zlengâ, lora kilona kikis zlengâ mi.

2 Amuleina 18:20

Ang djib’er ala zla d’a ded’a mba d’i mbut nga hur ma djivina ki ve tad’a á dur ayîna zu? Sama ang tin hurung kama ni nge ba, ang tchol huneîd’a ki sed’en nge?

2 Sunda Hamuleinid’a 15:2

Mi nde mi i fe Asa, mi dum ala: Amulâ Asa, agi ki suma Juda-na ki suma Benjamin-na pet, agi humugiya! Ata yima agi nga ki Ma didinina, mam nga ki sed’egiya. Le agi halamu ni, agi mba fumu. Le agi aram mbeyo ni, mam mba mi aragi woi mi.

2 Sunda Hamuleinid’a 31:21

Kur sun nda lara ge pet ta mam lat yam gong nga kud’ora hAlonid’id’a, mi lat ni ki ge yamba kä yam gat mamba ki vun mam ma hed’a, mi he tam á we minda hAlonid’a mi. Mi lazi hina pet ni ki hur ma tuna, mi fe djivid’a kua mi.

2 Sunda Hamuleinid’a 32:30

Ezekiyas mi tozï ir mbiyo ma Gihon ma akulo ata yima ndingîna, mi ngomï iram djangâ kä ad’u andagad’a abo ma fladegena hAzì ma ngolâ hi David-na. Ezekiyas sun mamba ti labom djivid’a pet.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Sawal la giled’a 46:11

Alona mi dala: Agi bagiya! Ar agi wagi ala an nAlona. An nga ni te yam suma, ni te yam andagad’a mi.

Sawal la giled’a 60:12

Ni ang Alo ma arami woina, ni ang ma i nga ki b’rang mamid’a avun ayîna d’uo na d’uo zu?

Isai 33:6

Wani agi suma hi Ma didinina, agi mba kagagi bei va mi lagi ba. Ned’a ki wed’a ni ndjondjoî d’a sud’ugid’a, le mandara Ma didina ni ndjondjoî magid’a mi.

Isai 36:5

Ang djib’er ala zla d’a ded’a mba d’i mbut nga hur ma djivina ki ve tad’a á dur ayîna zu? Sama ang tin hurung kama ni nge ba, ang tchol huneîd’a ki sed’en nge?

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Suma ka sariyad’a 1:19

Ma didina mi nga ki suma hi Juda-na. A hlazì ma yam ahinad’ina, wani a dik nga suma a nga kaka kur horina woi d’i, kayam azi nga ki pus ma kawei ma dur ayîna.

1 Samuel 18:14

David sun mam mba nga mi lata nga d’i labom djivid’a, Ma didina mi nga ki sed’em mi.

1 Samuel 18:5

Ata yima lara ge pet ma Saul nga mi sun David kuana, nga mi le sun mamba djivid’a. Ni hina ba, Saul mi tinim ngola yam suma dur ayîna; suma pet kazungeîna hi Saul-lâ, tazi nga d’i lazi djivid’a kam mi.