2 Amuleina 18:24 - Bible azumeina

²⁴ Le azigar mang ma ad’engâ mi ndak á dur ki azigar ma amangeî ma kal teglesâ hi salanina d’uo ni, ni nana ba, ang tin hurung yam pus ma dur ayîna kakulumeina hi Ezipte-na ge?

2 Amuleina 18:24 ပူးပေါင်းရင်းမြစ်များ

Ad’u Tinda 50:9

Pusâ ki suma djang akulumeina a i ki sed’emu. Tok ndata ablaud’a heî.

1 Amuleina 20:10

Ata yi máma Ben-Hadat mi hulongî sunda ata Ahap ala: Ata yima an b’lak Samari-na, le gugum ma arâ mi oî wa hur abo suma a nga tit ad’una ni, ar alona mi mban ndak ka ngol la kala kanu!

2 Amuleina 18:21

Yam Ezipte zu? Wani Ezipte ni d’igi tchereu ma kus sei ma tchok abo sama mi deng tam kama na. Wana ni vama Faron amul ma Ezipte-na nga mi lum ki suma pet suma a deng tazi atama.

2 Amuleina 18:23

Agi i dagi mi Ezekiyas ala: Ki tchetchemba, an nga ni tchenengû, ang ndjak zla manga ki salana amul ma Asiri-na. Le ang ndak á hal suma djang akulumeina ni, an mba ni hang akulumeina dudubud’a mbà.

2 Amuleina 18:25

Na ni ang djib’er ala salana mi mbeï á dur andaga d’a wanda á b’lagat tei ni bei minda hi Ma didinid’a zu? Nga na d’i! Ni Ma didina ba, mi hum vuna!

Isai 10:8

A dala: Mami suma nglona a ni d’igi amulei suma nglona na d’uo zu?

Isai 30:1

Ma didina mi dala: Ni zla d’a hohoud’a yam agi gro suma bei hum vuna ba na. Kayam agi nga lagi sunda yam nga hur ma tcholï nga atan nduo na, agi nga djinigi vunagi yam zla d’a bei an kua ba d’a á tok tchod’a yam ndrat tchod’a.

Isai 31:1

Ni zla d’a hohoud’a yam suma a nga i Ezipte á hal ndjundina. Azi ni suma a deng tazi yam akulumeinina, ni suma a tin huruzi yam pus ma dur ayîna yam ablau mambina, ni suma a tin huruzi yam suma djang akulumeina ala a ad’enga heyû na. Wani azi ni suma a nga tin irazi yam Ma tin tam irat vat yam Israel-lîna d’uo suma a nga hal Ma didina d’uo mi na.

Isai 31:3

Ezipte-na ni suma, a nga nAlona d’i. Akulumei mazina a ni hliuna, a nga ni muzu’â d’i. Ata yima Ma didina mi hlabom akulona, sama mba á ndjundina mi ka nazlard’eid’a, sama mam ndjunuma mi pu’î kä mi, azi zla tazi djak a mba ba woyo.

Isai 36:6

Yam Ezipte zu? Wani Ezipte ni d’igi ped’eu d’a kus sei d’a tchok abo sama deng tam katna na. Wana ni vama Faron amul ma Ezipte-na nga mi lum ki suma pet suma a deng tazi atama.

Isai 36:9

Le azigar mang ma ad’engâ mi ndak á dur ki azigar ma amangeî ma kal teglesâ hi salanina d’uo ni, ni nana ba, ang tin hurung yam pus ma dur ayîna kakulumeina hi Ezipte-na ge?

Jeremi 37:7

Ang dazi ala: Ma didina Alona hi Israel-lîna mi dala: Agi dagi mamul ma Juda ma mi sunugï geven á djobona ala: Gola! Azigarâ hi Faron suma a mbeï á ndjunugina, a nga hulong yam ambas mazid’a avo Ezipte.

Ezekiyel 17:15

Wani amul máma mi tchol huneîd’a ki sed’emu, mi sun Ezipte ala a humï akulumeina ki suma ablaud’a. Sama mi le hina na, mba mi i avogovok mba mi sut tei zu? Ata yima mi but vun ma djinda woina, mba mi sut tam zu?

Ezekiyel 17:17

Faron ki azigar mama kablau mamba a mba ndjunum fata suma Babilon-na a mba a dur ayîna a ka tazi woi dudup á mbu andagad’a akulo ad’u azina á dap suma ablaud’a woid’a d’i.

Ezekiyel 29:6

Ezipte-na pet a mba wala an ni Ma didina. Israel-lâ a deng tazi ni kangû, wani angî d’igi tchereu ma amangeîna na.

Daniel 4:22

Amulâ, agu máma ni angû! Ang mbut ngola, ang mbut ad’enga mi. Ngol manga ti i akulo gak ti do hur alona, yam mang nga ted’a ti i gak avun dabid’a handagad’id’a mi.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Gat ta a hat á mbàd’id’a 17:16

Ni sama mi kakulumeina ablaud’ina d’i, ni sama mi sun suma á i Ezipte á guzï akulumeina ablaud’ina d’uo mi, kayam Ma didina mi dagi ala ar agi hulongôgi kur ambas ndata d’i.