2 Amuleina 17:9 - Bible azumeina

⁹ Azi lahle suma ding suma tcho suma sana mi ndak á lazi d’uo na gumun avok Ma didina Alo mazina. Azi min yima ndingâ kur azì mazi ma nglo ma lara ge pet, tinï ad’ud’a avun azì ma azigarâ a nga kak ndjola kuana, gak mba avun azì ma nglo ma ad’eng ma ngunguna mi.

2 Amuleina 17:9 ပူးပေါင်းရင်းမြစ်များ

2 Amuleina 18:8

Mi tchi suma Filistê-na gak mi i kur azì ma ngol ma Gaza-na, mi b’lak andaga mazid’a woi tinï ad’ud’a ata yima azigarâ a kak ndjola kuana dei gak mba kur azì ma nglo ma ad’eng ma ngunguna mi.

Wana ni mbaktumba hi Job-pa 31:27

le hurun mi le d’od’oka gumun á kud’uroziya ni,

Sawal la giled’a 78:58

Azi nga zalam hurum ki tuwal la azi nga tuwal alona handjaf suma bei dingîd’a, azi nga zalam hurum ngola heî ki filei ma azi nga tcholom ata yina tetengâ.

Isai 29:15

Ni zla d’a hohoud’a yam suma a nga ngei nga hur mazina kä avok Ma didina suma a nga le sunda kur nduvunda suma a nga dala: Ni nge mi golei mi wei ge na.

Ezekiyel 20:28

An i ki sed’ezi yam ambas sa an hlabon akulo ni gun tan kat á hazizid’a. Ata yi máma azi we yima ndingâ kagu ma d’ufa. Ni kua ba, azi nga ngat ahle suma ngat buzu mazina, a nga he he d’a hawad’a kua á zalan ki hurunu, a nga ngal mbul ma his ma afufuîna, a nga he he d’a hawa d’a süm guguzlud’a mi.

Ezekiyel 8:12

Mi dan kua ala: Ang gor sana, ang nga wahle suma suma nglo suma Israel-lâ a nga lazi kur nduvunda wana zu? Nge nge pî filei ma tcheta mi nga oîd’a kur gong mamba! Kayam azi nga dala: Ma didina nga mi wei d’i, Ma didina mi ar wa ambas sa wanda woyo.

Wana ni mbaktumba hi Oze-d’a 12:11

An de zla manda mi suma djok vuna, an ar ahlena a nde tazi woi irazi teteng, an de zlad’a woi ki d’ogolâ mi suma djok vuna mi.

Gat ta a hat á mbàd’id’a 13:6

Le wiyeng ma asungâ d’oze gorongâ d’oze goronga d’oze amang nga nga zlapa ki sed’enga d’oze banang ma ang le kam d’igi ang tanga na na, mi lobong gumun ala: Ar ei i kud’orei alo ma ding ma tetengâ, nala, alo ma ang kabuyong ngolo wum nga d’uo

Gat ta a hat á mbàd’id’a 27:15

Sama mi langus vama tcheta mi yor kawei mala ni sun nda ndjendje d’a sana mi lat kabom kur d’al mamid’a ba, mi tinit nga gumun á kud’urod’u ni, Ma didina mi gum vuna! Ablau suma petna a hulong ded’a ala: Amin!

Gat ta a hat á mbàd’id’a 29:25

A mba hulongôzi zla d’a ded’a ala: Ni kayam ba, azi but vun ma djin ma Ma didina Alona habuyozi ngolona mi djinim ki sed’ezi kid’a mi buzuguzï woi avo Ezipte-d’a woid’a.