2 Amuleina 17:36 - Bible azumeina

³⁶ Wani ar agi lagi ni mandaran an Ma didin ma ni buzugugï woi kur ambas sa Ezipte-d’a ki sib’ik man nda kal teglesa ki bigan nda zid’a woi akulo kan zid’a, ar agi grivigi ni kä navoron an tu, ar agi han ahle suma ngat buzuna mi.

2 Amuleina 17:36 ပူးပေါင်းရင်းမြစ်များ

1 Amuleina 8:42

kayam mi wala simiyêng ni Ma kal teglesâ, abongî ma ad’engâ, bigang nga zid’a akulo kang zi mi, le mi tcheneng kur gong nga wanda ni,

2 Amuleina 17:39

Ar agi lagi ni mandaran an Ma didina Alo magina. Hina wani, an mba ni sud’ugi woi abo magi suma djangûna pet.

Sawal la giled’a 136:12

Kabom ma ad’engâ ki bigam mba zid’a kam akulo zid’a mi sud’uzi woyo, kayam o mamba nga d’i dap pi.

Buzuk ka Abud’a 14:15

Ma didina mi de mi Moise ala: Ni kayam me ba, ang tchi tchi máma kan hina ge? Ang de mi Israel-lâ a tchuk tazi tita.

Buzuk ka Abud’a 6:6

Kayam ndata, ang i de mi Israel-lâ ala: Alona mi dala: An Ma didina nga ni pad’agi woi kur sun nda anek ka Ezipte-na a tinigizi kagid’a, an nga ni pad’agi woi kur magom mba a nga lagizid’a mi. An mba ni ngobozi ngop pa tchod’a, an mba ni prud’ugi woi ki bigan nda zid’a kan akulo zid’a,

Buzuk ka Abud’a 9:15

Ki tchetchemba, ladjï an tumung ang ki sum mangâ ni ki tugud’ei d’a tcho d’a tchi matna ni, ang ki sum mangâ agi dabagiya wa woi yam andagad’a da’.

Jeremi 32:21

Ang buzugï mang suma Israel-lâ woi kur ambas sa Ezipte-d’a kahle suma yoyouna kahle suma atchapma ki sib’ik mang nga kal teglesa ki bigang nga zid’a kang akulo zid’a, ang lahle suma mbut suma mandarâ mi.

Sunda hi suma hi Levi-nid’a 19:32

Ang tchol akulo avok sama mamarâ, ang hum ngola, ang ring mandara an Alo mangâ, kayam an ni Ma didina.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Sunda hi suma a sunuzinid’a 4:30

Ang mat abong á sut suma tugud’eid’a, á lahle suma simata kahle suma ndandalâ ki simiyê azong mang ma bei tchod’a ba na Jesus.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 5:15

Ang djib’er ala ang ei ni magomba kur ambas sa Ezipte-d’a, ni an Ma didina Alo mangâ ba, ni ndangî woi kabon ma ad’engâ ki bigan nda zid’a kan akulo zid’a mi. Ni kayam ndata ba, an Ma didina Alo mangâ ni hang vuna á tuk tad’a wana.

Gat ta a hat á mbàd’id’a 6:12

fata agi tagizi agi hobogi ki sed’ezid’a, agi gologi tagi djiviya! Ar agi maragi yam Ma didin ma pad’agi woi kur ambas sa Ezipte-d’a kur yima a lagi magomba kuana d’i.

Gat ta a hat á mbàd’id’a 6:13

Agi lagi mandara Ma didina Alo magina, agi lum sunda ni mam tu go, agi gunugi tagi ni ki simiyêm hol mi.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.