2 Amuleina 17:18 - Bible azumeina

¹⁸ Ata yi máma Ma didina hurum zal ngola yam Israel-lâ, mi digizi woi avoromu. Andjafâ hi Juda-na mi arî mam hol.

2 Amuleina 17:18 ပူးပေါင်းရင်းမြစ်များ

1 Amuleina 11:13

An mba ni prud’ut tei abom pet ti, wani an mba ni aram andjafâ tu, kayam azong mana David, kayam Jerusalem azì ma an manama mi.

1 Amuleina 11:32

An mba ni aram andjafâ tu, kayam azong mana David, kayam Jerusalem azì ma ngol ma an manam aduk andjafâ hi Israel-lâ petna mi.

1 Amuleina 11:36

Wani an mba ni ar andjafâ mi goroma tu, kayam zla azong mana David ad’u andjavam mi tamula avoron teteu avo Jerusalem kur azì ma an manam á kak adigazi kuana.

1 Amuleina 12:20

Ata yima Israel-lâ a hum ala Jerobowam mi hulongî wa na, a yi tazi kur tok mazid’a, a yumï adigaziya, a tinim amula yam Israel-lâ. Nandjafâ hi Juda-na hol ba, mi ar zlapa kandjafâ hi David-na.

1 Amuleina 8:46

Fata Israel-lâ a le wa tchod’a avorong kayambala sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba kur andaga mazi d’a deid’a, d’oze kur andaga mazi d’a god’a,

2 Amuleina 13:23

Wani Ma didina mi wazi hohowoziya, mi vat hurum mbei kaziya, kayam vun ma djin ma mam djinim ki Abraham ki Isak ki Jakob-ma. Mi min b’lagazi woi d’i gak ini mi arazi nga woi d’uo mi.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 21:14

An mba ni noî man suma a arâ woyo, an mba ni hazi abo mazi suma djangûna, a mba hurumuziya, a mba yozi ahle mazina pet mi.

2 Amuleina 23:27

Ma didina mi dala: An mba ni dik suma Juda-na woi avoron d’igi an dik Israel-lâ woi avoron na mi. An mba ni ge Jerusalem azì ma an manama ki gong nga ngol la an djin vunan kat ala: Ni kua ba, an mba ni tak simiyên ndeyo d’a woyo.

2 Amuleina 24:3

Ahle ndazina a mba hina ni yam vun ma hed’a hi Ma didinina tamba. Mi min dik suma Juda-na woi avoromu, yam tcho d’a pet ta Manase mi lata,

Sawal la giled’a 51:13

Ang zud’un ndei dei ki sed’eng ngi, ar Muzuk mang ma bei tchod’ina mi wal lei dei ki sed’en nduo mi.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 52:3

Ahle suma a le ndazina a djiu ayîna hi Ma didinina á kak djangûna ki suma Jerusalem-ma ki suma Juda-na gak mi digizi woi dei avoromu. Sedekiyas mi tchol huneîd’a kamul ma Babilon-na.

Jeremi 7:15

An mba ni digigi woi avoron dei d’igi an dik b’oziyogina andjafâ hi Efraim-ma woi na mi.

Wana ni mbaktumba hi Oze-d’a 12:3

Ma didina mi nga ki zlad’a ki suma Juda-na. Mba mi mba á ngop suma hi Jakob-ma yam tit mazi d’a tchod’a, mba mi wuragazi yam sun nda tcho d’a azi lata.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Gat ta a hat á mbàd’id’a 32:20

Mi dala: An mba ni ngei tan ndei avoroziya! An mba ni we vama mba mi mba kazina! Kayam azi ni suma tchona, ni gro suma ang tin hurung kazi d’i.

Josue 23:13

agi wagi woi ala Ma didina Alo magina mba mi dik andjaf suma wana woi avorogi gagak kuo d’a. Azi mba mbut ni d’igi abeid’a d’oze dauna d’oze blaf ma togi ki fefed’egina d’oze awei d’a tchogogi iragid’a na, gak agi dabagi woi yam andaga d’a djivi d’a Ma didina Alo magina mi hagizid’a.

Josue 23:15

D’igi Ma didina Alo magina mi ndak vun ahle suma djivi suma mam hle vunam kazina pet na, hina mi, mam mba mi ngobogi gagak, mba mi dabagi woi yam andaga d’a djivi d’a mam hagizid’a na mi.

Suma ka sariyad’a 18:30

Suma hi Dan-na a tin agu ma tchet máma mi aziya. Jonatan Gersom gorom ma Moise gorom ngolonina azi ki groma ni suma ngat buzuna mandjafâ hi Dan-na gak mba kur atchogoi d’a a yo suma kur ambasa a izi magombid’a.