2 Amuleina 17:14 - Bible azumeina

¹⁴ Wani sum ndazina a nga hum vun ndi, a le yam mba ad’enga d’igi abuyozi ngolo suma a he nga gagazid’a yam Ma didina Alo mazina d’uo na na.

2 Amuleina 17:14 ပူးပေါင်းရင်းမြစ်များ

2 Sunda Hamuleinid’a 24:19

Ma didina mi sunuzi mam suma djok vuna á hulongôzi gevemu. Mam suma djok vuna a nga lazi glangâsâ, wani azi nga tin humazi yam zla mazid’a d’i.

2 Sunda Hamuleinid’a 36:13

Mi tchol huneîd’a kamulâ Nebukanezar ma mam mi gun tam avorom ki simiyê Alonina mi. Mi ar zlad’a mi hulongî gen Ma didina Alona hi Israel-lîna ta, mi le ni yam mba ad’enga, mi b’al hurum kiki mi.

Nehemi 9:29

Ang ngobozi á hulong ata gat manga, wani azi nga i avogovok ki yam mba ad’enga, a hum nga gat manga d’i, a nga le tchod’a, a noî vun mang ma he ma sana le mi le sunda kamu ba, mi kak karid’ina woyo. A nga yo djedjerezi akulo avorongû, a nga b’al yazi woyo, a hum nga zla manga d’i.

Sawal la giled’a 106:24

Bugola, azi gol ambas sa djivid’a is, azi he nga gagazid’a yam zla mam mba ded’a d’i.

Sawal la giled’a 78:22

Kayam azi he nga gagazid’a kam mbi, a tin nga huruzi yam sut mamba d’uo mi.

Sawal la giled’a 78:32

Hina pet pî, azi ar nga bei le tchod’a d’i, azi he nga gagazid’a yam sun mam mba ndandala d’uo mi.

Sawal la giled’a 78:8

Kayam azi le d’igi abuyozi ngolo suma yam mba ad’eng suma bei hum vun suma huruzi nga ade’esa d’uo suma a nga d’engzeng avok Alona d’uo na hina d’uo d’a.

Buzuk ka Abud’a 16:28

Ata yi máma Ma didina mi de mi Moise ala: Agi mba ngomogi vun man ma hed’a ki gat manda d’uo hina gak mindja ge?

Buzuk ka Abud’a 32:9

Ma didina mi de mi Moise kua ala: An we sum ndazina; ni suma bei hum vuna.

Buzuk ka Abud’a 33:3

Agi igi yam ambas sa ambira ki mbul ayuma a nga sor kä kuad’a. Wani an nga ni i ki sed’egi tala an dabagi woi lovot tuo d’a, kayam agi ni suma bei hum vuna.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Isai 48:4

Wani an we agi ni suma yam mba ad’enga, agi ni suma delegi ad’enga d’igi kawei ma wurana na na, agi ni suma vorogi ad’enga d’igi kawei ma hleuna na na mi.

Jeremi 3:7

An de tan ala: Bugol la a lahle ndazinid’a, a mba hulongî gevenu. Wani azi hulongî nga geven ndi. B’oziyozi suma Juda suma bei d’engzengâ a we mi.

Jeremi 34:14

Bugol dabid’a hi biza d’a kid’iziyad’a, nge nge pî adigagi ar mi ge wiyem ma Hebre ma mi gus tam mbei aboma akulo. Mi lum sunda bizad’a karagaya. Bugola, mi gum akulo woi avo hatamu. Wani abuyogi ngolo a humun nga d’i, a tin nga humazi yam zla manda d’uo mi.

Jeremi 7:26

Wani a humun nga d’i, a tin nga humazi á humba d’i, a le yam mba ad’enga, a le tchod’a kal abuyozi ngolo mi.

Ezekiyel 12:2

Ang gor sana, ang nga ni kaka aduk andjaf ma bei hum vuna ma nga ki ira á gola ko ba nga mi we d’uo na, ma nga ki humba á humba ko ba nga mi hum mbuo na, kayam mam nandjaf ma bei hum vuna ba na!

Ezekiyel 2:3

Ma didina mi dan ala: Ang gor sana, an nga ni sunung gen Israel-lâ andjaf ma bei hum vuna ma kak djangûna ki sed’en d’igi abuyozi ngolo na na. Azi nga le tchod’a gak ini.

Ezekiyel 3:19

Wani le ang ge hum ma asa’at máma, le mi ar nga asa’at mamba ki tit mam mba tcho ndata woi d’uo ni, mba mi mit kur sun mam mba ata yat tuo d’a, wani ang tang mba sut tangû.

Daniel 5:20

Wani ata yima mi hle yam akulo mi b’al hurum ad’enga kiki gak mi de zla d’a subur tad’ina, a zud’um kä woi yam zlam mam mba amula, a pat subur mamba woi mi.

Wana ni mbaktumba hi Oze-d’a 11:2

Wani Israel-lâ a wal tazi woi ki an Ma ni yazina, a hahle suma ngat buzuna mi Bäl, a ngal dubang ma his djivid’ina mi fileina mi.

Sunda hi suma a sunuzinid’a 7:51

Agi suma delegi ad’engina, agi suma b’alagi hurugi suma dugugi humagi woi á hum yid’a hAlonid’ina, agi nga zud’ugi Muzuk ma bei tchod’a ba na woi teteu, agi lagi ni d’igi abuyogi ngolo a le na mi.

Gat ta a hat á mbàd’id’a 1:32

Hina pet pî, agi tinigi nga hurugi yam Ma didina Alo magi

Gat ta a hat á mbàd’id’a 31:27

Kayam an we agi ni suma so vuna, agi ni suma yam mba ad’enga. Le agi nga sogi vun Ma didina kid’a an nga ki iran adigagi tua d’a ni, bugol mat mana, agi mba lagi tchod’a kal luo zu?

Gat ta a hat á mbàd’id’a 9:13

Ma didina mi dan kua ala: An we sum ndazina ni suma yam mba ad’enga!

Hebre-na 3:12

B’oziyona, agi gologi tagi djiviya, ar sa adigagi mi kak ki hur ma tcho ma bei he gagazid’a á wal lei kAlo ma arina d’i.