2 Amuleina 16:16 - Bible azumeina

¹⁶ Ma ngat buzuna Uri mi lahlena pet suma amulâ Ahas mi hum vuna kazina.

2 Amuleina 16:16 ပူးပေါင်းရင်းမြစ်များ

2 Amuleina 16:11

Uri mi min yima ngal ahle suma ngat buzu ma dingâ d’igi Ahas mi sunumï vad’ud’a kam Damas na, mi dabam minda avok tchol la Ahas mi tcholï Damas mi mbad’a.

2 Amuleina 16:15

Amulâ Ahas mi he vuna mi ma ngat buzuna Uri ala: Ang ngal vama ngat buzu ma ngal ma yorogona ki he d’a hawa d’a afut ta fladeged’a yam yima ngal ahle suma ngat buzu ma ngolâ, zlapa ki vama ngat buzu ma ngala hamulîna ki he d’a hawa d’a afut mamba, zlapa ki vama ngat buzu ma ngolâ hi suma kur ambasina pet ki he d’a hawa d’a afut mazid’a mi. Ang vo süm guguzlu mazid’a kamu, ang yam buzuna hahle suma ngat buzu suma ngalina pet ki buzuna hahle suma ngat buzunina pet kam mi. Wani yima ngal ahle suma ngat buzu ma kawei ma hleu máma, an mba ni dum zlam tua.

2 Amuleina 16:17

Amulâ Ahas mi kus kawei ma hleu ma bebed’e ma ad’u pus ma nga kur gong nga kud’ora hi Ma didinid’ina kä na woi ndjondjom, mi yo hal ma kazina kä woi mi. Mi hle hal ma kawei ma hleu ma nga tinda yam amuzlei suma a yorozi ki kawei ma hleunina kä woyo, mi djogom tinda yam atrang nga ahina d’a mam minita.

2 Amuleina 21:4

Mi min yima ngal ahle suma ngat buzuna teteng á kud’or fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua d’a.

2 Sunda Hamuleinid’a 33:4

Mi min yima ngal ahle suma ngat buzuna teteng mi fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua gak didinu d’a.

Isai 8:2

An yo suma glangâs suma iratna mbà ki sed’enu, nala, ma ngat buzuna Uri ki Zakari Berekiya goroma.

Malatchi 2:7

Kayam suma a wan an Alona nata ma ngat buzuna, suma a had’an gat manda natam mi, kayam mam mi ma an Ma didin ma ad’engên kal petna ni sunumina.

Sunda hi suma a sunuzinid’a 4:19

Wani Pierre azi ki Jean a hulong dazi ala: Na ni ni d’ingêr avok Alona tala ami gami yami kä avorogi kal la ami gami yami kä avok Alonid’a zu? Agi kagi ir zla ndata.

Sunda hi suma a sunuzinid’a 5:29

Wani Pierre azi ki suma hiu suma a sunuzina a hulong dazi ala: Le ni nana pî, ami humumi Alona kal suma.

1 Tasaloni’â 2:4

Alona mi wami ala ami ni suma d’engzeng suma ndak á hami Zla d’a Djivid’a abomina. Kayam ndata, ami nga tchami wala ná le suma tazi djivid’a d’i, wani ná lAlo ma halami hurumina tam djivid’a.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.