2 Amuleina 16:15 - Bible azumeina

¹⁵ Amulâ Ahas mi he vuna mi ma ngat buzuna Uri ala: Ang ngal vama ngat buzu ma ngal ma yorogona ki he d’a hawa d’a afut ta fladeged’a yam yima ngal ahle suma ngat buzu ma ngolâ, zlapa ki vama ngat buzu ma ngala hamulîna ki he d’a hawa d’a afut mamba, zlapa ki vama ngat buzu ma ngolâ hi suma kur ambasina pet ki he d’a hawa d’a afut mazid’a mi. Ang vo süm guguzlu mazid’a kamu, ang yam buzuna hahle suma ngat buzu suma ngalina pet ki buzuna hahle suma ngat buzunina pet kam mi. Wani yima ngal ahle suma ngat buzu ma kawei ma hleu máma, an mba ni dum zlam tua.

2 Amuleina 16:15 ပူးပေါင်းရင်းမြစ်များ

Ad’u Tinda 44:5

Ni kayam me ba, agi kulugï kopma hi salana ma tche mbina ma nga mi we kahle suma a nga mbana ge? Agi lagi ni sun nda tchod’a.

1 Amuleina 3:4

Bur tu amulâ Salomon mi i Gabawon á hahle suma ngat buzuna, kayam yi máma mi kal yima dingâ pet. Salomon mi hahle suma ngat buzu suma ngala dubu yam yima ngal ahle suma ngat buzuna ata yi máma.

1 Amuleina 7:23

Hiram mi yor hal ma ngol ma kawei ma hleuna ngungul; bubuwamî metred’a vahl, fiyagam mba akulod’a ni metred’a mbà ki nusa, vunam ma dalal ma nguid’a ni metred’a dogo yam vahl mi.

1 Amuleina 8:64

Kur bur máma amulâ Salomon mi tin atrang nga avun gonga hi Ma didinina ped’eta irat vad’u, mi he he d’a hawa d’a ngala, mi he he d’a hawa d’a afuta ki he d’a hawa d’a mbulâ á le darigïd’a ki Ma didina ata yi máma, kayam yima ngal ahle suma ngat buzu ma kawei ma hleu ma avok Ma didinina, mi ndak nga yam ahle ndazina pet ti.

2 Amuleina 16:14

Yima ngal ahle suma ngat buzu ma kawei ma hleuna, mi nga aduk vun gong nga kud’ora hi Ma didinid’a ki yima ngal ahle suma ngat buzu ma awilina. Wani Ahas mi djogom mbei gen ma awilina abo ma norâ.

2 Amuleina 16:16

Ma ngat buzuna Uri mi lahlena pet suma amulâ Ahas mi hum vuna kazina.

2 Amuleina 18:4

Mi pleî yima ndingâ woyo, mi to ahina d’a tcheta kä woyo, mi kus agu ma murguli ma azi pum malo d’a a yat ala Asera-d’a woyo. Mi kus gugui ma kawei ma hleu ma Moise mi yoroma woi mbambak, kayam tinï ad’ud’a kur atchogoid’a hi Moise-sa dei gak kur atchogoi ndata, Israel-lâ a nga ngalam dubang ma his djivid’ina. Gugui máma a yum ala Nehustan.

2 Amuleina 3:20

Tcha ndjivin ki ler ra a hahle suma ngat buzuna kuad’a, mbina mi tcholï djangâ kur ambas sa Edom-mba, mi oî yam andaga ndata pet.

2 Sunda Hamuleinid’a 29:32

Ablau ahle suma a hazi á ngalina ba wana: Amuzleina dok kid’iziya, gamlâna kis, gro tumiyôna kikis mbà mi. Wan pet nahle suma a hazi he d’a hawa d’a ngala mi Ma didinina.

2 Sunda Hamuleinid’a 29:35

Kayam ahle suma ngat buzu suma ngala a nga ngola ki mbulâ hahle suma ngat buzu suma zlap darigïd’a zlapa ki süm guguzlu d’a ngala. Ni hina ba, mi hulong tin kud’ora kur gonga hi Ma didinid’a.

2 Sunda Hamuleinid’a 33:6

Mi he groma vama ngat buzu ma ngala kur hor ra Hinom-mba. Mi vandjaf kumana teteng, mi nga mi djop fileina, mi tin suma a nga djop ki suma azuleinina ki suma a nga de zlad’a yam vama nga mbana mi, mi le sun nda tchod’a ngola avok Ma didina á zalam hurumu.

Isai 2:6

Ma didina, ang ar mang suma hi Jakob-ma woyo, kayam azi nga tuwal fileina ngola d’igi suma abo ma yorogona na, a nga djop fileina d’igi suma Filistê-na na, kayam azi zlap darigïd’a kandjaf suma dingâ mi.

Daniel 11:31

Mba mi sunï azigarâ, a mba hle yina avun azì ma ad’eng ma ngungu ma a tinim iram vama, a mba mbud’um ndjendjed’a, a mba d’el ahle suma ngat buzu suma a hazi mAlona burâ ki burîna, a mba tin vama ndjendje ma tcho ma kal teglesâ yam yima ngal ahle suma ngat buzuna.

Daniel 12:11

A mba tin ad’ud’a kur bur ma a mba d’el ahle suma ngat buzu suma a hazi mAlona burâ ki burîna gak vama tcho ma ndjendje ma kal teglesâ a mba tinim akulo yam yima ngal ahle suma ngat buzuna, a mba le burâ 1290.

Daniel 9:21

Kid’a an nga ni de zlad’a abon keid’a, an we Gabriel ma an wum avok ata yima vana nde tam mbei irana, mi pirï atogo zak, mi mba geven ki fladege d’a suma a he he d’a hawad’id’a.

Daniel 9:27

Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.