2 Amuleina 16:10 - Bible azumeina

¹⁰ Amulâ Ahas mi i Damas á ngaf ki Tiglat-Pileser amul ma Asiri-na. Kid’a Ahas mi we yima ngal ahle suma ngat buzu ma Damas-sîd’a, mi sun á vad’ud’a yam ahlena teteng suma a min ki yi mámina ki vama taka mi Uri ma ngat buzuna avo Jerusalem.

2 Amuleina 16:10 ပူးပေါင်းရင်းမြစ်များ

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

2 Amuleina 16:11

Uri mi min yima ngal ahle suma ngat buzu ma dingâ d’igi Ahas mi sunumï vad’ud’a kam Damas na, mi dabam minda avok tchol la Ahas mi tcholï Damas mi mbad’a.

2 Amuleina 21:4

Mi min yima ngal ahle suma ngat buzuna teteng á kud’or fileina kur gong nga kud’ora hi Ma didina d’a Ma didina mi de kat ala: Ni kur Jerusalem ba, simiyên mba mi kak kua d’a.

1 Sunda Hamuleinid’a 28:19

David mi dala: Ma didina mi tagan nga d’a pet ta mam b’irindji kabomba tala an le sunda yam nga d’a mam ngata d’a.

Sawal la giled’a 106:39

Azi mbut ni suma ndjendjed’a ki sun mazi d’a led’a, azi mbut ni suma gaulangâ ki sun mazi ndata mi.

Buzuk ka Abud’a 24:4

Moise mi b’ir ahle suma Ma didina mi dumzina pet. Mi tchol ki yorogo tcholola, mi min yima ngal ahle suma ngat buzuna ad’u ahinad’a kä, mi ndjar ahinad’a dogo yam mbà akulo kad’ut ngad’a yam andjafâ hi Israel ma dogo yam mbàna.

Buzuk ka Abud’a 39:43

Moise mi gol sun ndata pet, mi wat wani, a lat ni d’igi Ma didina mi hum vuna na. Ata yi máma mi b’e vunam kaziya.

Isai 8:2

An yo suma glangâs suma iratna mbà ki sed’enu, nala, ma ngat buzuna Uri ki Zakari Berekiya goroma.

Jeremi 10:2

Ma didina mi dala: Ar agi tid’igi bugol andjaf suma dingâ d’i, ar agi lagi mandarâ abo ahle suma simat suma a tcholï akulona d’igi andjaf suma dingâ a nga le mandarâ abozi hina d’i.

Ezekiyel 16:28

Ndak le gaulangâ ki suma Asiri-na, kayam d’od’ok maka dap nga d’i, ndak le gaulangâ ki sed’ezi hina pet pî, ndagak nga d’uo tua.

Ezekiyel 43:11

Le azi nga le zulona yam tcho mazi d’a led’a gagazi ni, ang tagazi mbaktum mba ngad’a yam yina hi gong mandina, ang vazi ad’ud’a yam gongîyo suma tetengâ ki huruzi ma krovona, yam vun agrek ma kala ki ma a buzuk ki woi abuna, yam nga mamba ki zla tat pet mi. Ang b’ir gata ki vun ma hed’a yam ahle ndazina kä irazi na, ang tagazizi djiviya, kayam azi laziya, a tit kazi mi.

Ezekiyel 43:8

Amulei mazina a min vun gong mazid’a ki yi mazi ma ndjendjek ma a djak kakulo avun gonga hazì mazinina go ki vun gong manda, go ki yi man ma ndjendjek ma a kal ki krovo kur gong man nda kud’orina mi. Wani ni gulumuna ba, mi walami adigami woi kaziyaziya. Ni hina ba, a mbud’un simiyên Ma bei tchod’a ba na ndjendjed’a. Ni kayam ndata ba, an b’lagazi woi kayî mana wana.

Ezekiyel 44:12

Wani kayamba azi le sun nda ngat buzuna avok fileina á tchuk Israel-lâ kur tchod’id’a, ni kayam ndata ba, an hlabon akulo an gun tan ala: Sum ndazina a mba zi aneka hi tcho mazid’id’a kaziya. An Salad’a Ma didina ni de na.

Matiye 15:6

Kayam ndata, agi mbud’ugi Zlad’a hAlonid’a woi vama hawana yam hata hi simiyêgi suma adjeunid’a.

Matiye 15:9

A nga kud’uron ni ki vunazi hawa yak, kayam hat ta azi nga hat ki sumid’a ni gata hi sumid’a.

Romê-na 12:2

Ar agi mbud’ugi tagi d’igi suma kur duniya d’a wandina na d’i, wani ar Alona mi mbud’ugi djib’er magid’a memet. Hina wani, agi mba wagi minda hAlonid’a ala wana ni vama djivi ma lum tam djivid’a ma ndak memetna.

Gat ta a hat á mbàd’id’a 12:30

Wani le mi dabaziya woi da ni, agi gologi tagi djiviya, ar agi tid’igi blogozi á tuwal filei mazina d’i, ar agi djobogi ad’u filei mazina ala: Andjaf sum ndazina a kud’or filei mazina ni nana ge, tala ami pî mba lami d’igi azi na mi d’a d’uo d’a.

Josue 22:28

Ami dami ala: Le a mba de zla d’a hina d’a avin mi ami d’oze mandjavamiya ni, ami mba hulongôzi ded’a ala: Agi gologi yima ngal ahle suma ngat buzuna hi Ma didina ma abuyomi a minima ba wana. Wani nga ná hahle suma ngat buzu suma ngala d’oze ahle suma ngat buzuna kam mbi. Wani ni vama glangâsâ adigami ki agiya.

1 Pierre 1:18

Kayam agi wagi ala a wurak kagi ni ki vama b’lak kei ma d’igi kawei ma hapma d’oze lora d’oze sun nda hawa yaka d’igi vama djo ma abuyogi ngolo a hagizina na d’i.