2 Amuleina 15:32 - Bible azumeina

³² Kur biza d’a mbà d’a Peka Remaliya gorom ma amul ma Israel-lâ nga mi tamulid’a, Jotam Azariya goroma mi kak amula yam suma Juda-na.

2 Amuleina 15:32 ပူးပေါင်းရင်းမြစ်များ

2 Amuleina 14:21

Azariya Amasiya goroma bizamî dogo yam karagaya, suma Juda-na a manam a tinim amula balum abumu.

2 Amuleina 15:1

Kur biza d’a dok mbà yam kid’iziya d’a Jerobowam amul ma Israel-lâ nga mi tamulid’a, Azariya Amasiya goroma mi kak amula yam suma Juda-na.

2 Amuleina 15:13

Kur biza d’a dok hindi yam zlengâ d’a Azariya amul ma Juda-na nga mi tamulid’a, Salum Jabes goroma mi kak amula yam Israel-lâ, mi tamula avo Samari ni tilâ tu go.

2 Amuleina 15:17

Kur biza d’a dok hindi yam zlengâ d’a Azariya amul ma Juda-na nga mi tamulid’a, Menahem Gadi goroma mi kak amula yam Israel-lâ, mi tamula avo Samari bizad’a dogo.

2 Amuleina 15:23

Kur biza d’a dok vahl hla Azariya amul ma Juda-na nga mi tamulid’a, Pekahiya Menahem goroma ki kak amula yam Israel-lâ avo Samari, mi tamula bizad’a mbà.

2 Amuleina 15:27

Kur biza d’a dok vahl yam mbà d’a Azariya amul ma Juda-na nga mi tamulid’a, Peka Remaliya goroma mi kak amula yam Israel-lâ avo Samari, mi tamula bizad’a dok mbà.

2 Amuleina 15:30

Ose Ela goroma mi ndjak vunam yam amulâ Peka, mi tchumu, mi vrak tamula blangâmu. Ni kur biza d’a dok mbà d’a Jotam Azariya goroma amul ma Juda-na nga mi tamulid’a.

2 Amuleina 15:31

Sunda hi Peka d’a ara kahle suma mi lazina pet, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 15:33

Kid’a mi kak amulid’a, bizamî dok mbà yam vahl. Mi tamula avo Jerusalem bizad’a dogo yam karagaya. Asum a yat ala Jerusa ni Sadok goromba.

2 Amuleina 15:5

Ma didina mi tum Azariya ki libina. Mi kak kur azì ma dingâ woi vam gak mat mama. Goroma Jotam mi kak kur azì ma amula, nga mi te yam suma kur ambasina.

2 Amuleina 15:7

Azariya mi mit mi i azulei kä ad’u abuyom ngolo. A tozom gevezi kur Azì ma ngolâ hi David-na. Goroma Jotam mi vrak tamula blangâmu.

1 Sunda Hamuleinid’a 3:12

Jowas mi vut Amasiya, Amasiya mi vut Azariya, Azariya mi vut Jotam,

1 Sunda Hamuleinid’a 5:17

A b’irizi simiyêzi kä pet kur atchogoid’a hi Jotam amul ma Juda-na katchogoid’a hi Jerobowam amul ma Israel-lîd’a mi.

Isai 1:1

Mbaktum ndata nga d’i de zla sun nda teteng nga Alona mi ndat tei ir Isai Amot goroma yam leu d’a Juda-d’a kazì ma ngol ma Jerusalem-mid’a. Mi ndumuzi woi ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a.

Mise 1:1

Wana ni zla d’a Ma didina mi dat mi Mise ma Moreset-na kur atchogoid’a hi Jotam ki Ahas ki Ezekiyas amulei suma Juda-nid’a, mi ndum ad’u zla d’a yam azì ma ngol ma Samari-nid’a, ki d’a yam azì ma ngol ma Jerusalem-mid’a woyo.

Matiye 1:9

Oziyas mi vut Jowatam, Jowatam mi vut Ahas, Ahas mi vut Ezekiyas,