2 Amuleina 15:25 - Bible azumeina

²⁵ Peka Remaliya goroma, azigar mam ma ndjunuma, mi ndjak vunam ki azigar suma Galät-na dok vahl, a ngruvum kur azì ma amula, mi tchum zlapa ki Argop ki Ariye, mi vrak tamula blangâmu.

2 Amuleina 15:25 ပူးပေါင်းရင်းမြစ်များ

1 Amuleina 16:18

Ata yima Zimri mi wala azigarâ a hle wa azina da na, mi kal kur azì ma amula, mi do akud’a kamu, mi ngal tam mbeyo.

1 Amuleina 16:9

Azong mama a yum ala Zimri, ni ma yam pus ma dur ayî ma hiuna, mi ndjak vunam ki suma dingâ á dur ayîna ki sed’emu. Wani amulâ Ela mi nga navo Tirsa avo hi Arsa ma yam azì ma amulina, nga mi tche, nga mi gurud’a.

2 Amuleina 15:10

Salum Jabes goroma mi tchol huneîd’a ki sed’emu, mi tchum avok suma pet, mi vrak tamula blangâmu.

2 Amuleina 15:24

Mi le sun nda tchod’a avok Ma didina, mi wal nga ki tcho d’a Jerobowam Nebat goroma d’a mi lat mi zut ki Israel-lâ á le tchod’id’a woi d’i.

2 Amuleina 15:26

Sunda hi Pekahiya d’a ara kahle suma mi lazina pet, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 15:27

Kur biza d’a dok vahl yam mbà d’a Azariya amul ma Juda-na nga mi tamulid’a, Peka Remaliya goroma mi kak amula yam Israel-lâ avo Samari, mi tamula bizad’a dok mbà.

2 Amuleina 9:14

Kur biza ndata azigar suma Israel-lâ pet a nga ngom azì ma Ramot ma Galät-na abo Hazayel amul ma Siri-na. Ata yima amulâ Joram nga mi dur ayîna ki Hazayel-lâ, azigar suma Siri-na a gum mbilâ. Kayam ndata, mi i avo Jisreyel á tchil mbilimu. Jehu Josafat goroma Nimsi gorom ngolona mi ndjak vunam ki suma dingâ á dur ayîna ki Joram. Mi de mi ndrom azigar suma nglona ala: Le agi minigi tagi á ndjununu ni, agi gologi tagi djiviya, ar sa mi i ki zla d’a ei minit ka hid’a á dat mi suma avo Jisreyel-lâ d’i.

2 Amuleina 9:5

Kid’a mi mbaza d’a, mi fe azigar suma nglo suma Israel-lâ a tok nga kä á min zlad’a. Gor azong ma djok vun Alona máma mi dala: Sama ngolâ, an nga ki zlad’a á dangû. Jehu mi djobom ala: Ang min de ni mi nge adigami ge? Mi hulong dum ala: Sama ngolâ, an dangî mi ang tanga.

2 Sunda Hamuleinid’a 28:6

Kur bur ma tuna Peka Remaliya goroma amul ma Israel-lâ, mi tchi azigar suma gangrangâ aduk suma Juda-na 120.000, kayam azi ar Ma didina Alona habuyozi ngolona woyo.

Isai 7:1

Kur atchogoid’a hi Ahas Jotam gorom ma Oziyas gorom ngolona amul ma Juda-nid’a, Resin amul ma Siri-na mi i asem tazi ki Peka Remaliya goroma amul ma Israel-lâ á dur ayîna ki suma Jerusalem-ma. Wani azi ndak nga á duruzi d’i.