2 Amuleina 14:24 - Bible azumeina

²⁴ Mi le sun nda tchod’a avok Ma didina, mi wal nga ki tcho d’a Jerobowam Nebat goroma d’a mi lat mi zut ki Israel-lâ á le tchod’id’a woi tu d’i.

2 Amuleina 14:24 ပူးပေါင်းရင်းမြစ်များ

Ad’u Tinda 38:7

Juda gorom ma ngolâ Er ni sama tchona avok Ma didina; mi tchum mbeyo.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

2 Amuleina 13:11

Wani mi le sun nda tchod’a avok Ma didina, mi wal nga ki tcho d’a Jerobowam Nebat goroma d’a mi lat mi zut ki Israel-lâ á le tchod’id’a woi d’i.

2 Amuleina 13:2

Mi le sun nda tchod’a avok Ma didina, kayam mi tit ni bugol tchod’a hi Jerobowam Nebat goroma d’a mi lat mi zut Israel-lâ á le tchod’id’a, mi arat nga woi hina nde d’i.

2 Amuleina 13:6

Hina pî, azi wal nga ki tcho d’a suma hi Jerobowam-ma a lat a zut ki Israel-lâ á le tchod’id’a woi d’i, a ar nga ahina d’a a tched’et ta a yat ala Asera-d’a nga tchola avo Samari tua mi.

2 Amuleina 14:23

Kur biza d’a dogo yam vahl hla Amasiya Jowas gorom ma amul ma Juda-na nga mi tamulid’a, Jerobowam Jowas goroma mi kak amula yam Israel-lâ avo Samari, mi tamula bizad’a dok fid’i yam tu.

2 Amuleina 14:25

Mi yo andagad’a hi Israel-lîd’a, tinï ad’ud’a Hamat abo ma norâ dei gak mba avun apo d’a Matna abo ma sutna, d’igi Ma didina Alona hi Israel-lîna mi dat avun ma djogom vunama Jonas Amitai gorom ma Gat-Hefer-râ na.

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Amuleina 3:3

Wani mi wal nga ki tcho d’a Jerobowam Nebat goroma d’a mi lat mi zut ki Israel-lâ a le tchod’id’a woi d’i.

Sawal la giled’a 106:20

Azi vrak Alo mala ni subur mazid’a na kangus gor amuhl ma te hatna.

Amos 7:10

Amasiya ma ngat buzu ma Betel-lâ, mi ge sunda mi de mi Jerobowam amul ma Israel-lâ ala: Amos mi ndjak vuna kang aduk Israel-lâ. Suma kur ambasa a ndak á ve tazi yam zla mam ndata pet ti.

Amos 7:13

Wani ang djok vuna ka hî avo Betel gagak ki, kayam ni gong nga kud’ora hamulîd’a, nazì ma amul mi.

Amos 7:16

Ki tchetchemba, ang Amasiya, ang hum zlad’a hi Ma didinid’a. Ang mala an djok vuna mi Israel-lâ d’uo an ngir hum andjafâ hi Isa’â d’uo mi na.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Gat ta a hat á mbàd’id’a 9:18

Moise mi de kua ala: Bugol ahle ndazina, an grif kä avok Ma didina, an le burâ dok fid’i falei kandjege d’igi an ladjeu na bei ni te tena, bei ni tche mbina ba, kayam tcho d’a pet ta agi lata, kahle suma tcho suma agi lazi avok Ma didina á zalam huruma.