2 Amuleina 13:22 - Bible azumeina

²² Ata yima lara ma Jowahas mi tamula yam Israel-lîna, Hazayel amul ma Siri-na nga mi kid’eyêzi irazi ngola.

2 Amuleina 13:22 ပူးပေါင်းရင်းမြစ်များ

1 Amuleina 19:17

Suma a mba prut tei avun ayîna hi Hazayel-lâ, Jehu mba mi tchaziya; suma a prut tei avun ayîna hi Jehu-na, Elise mba mi tchazi mi.

2 Amuleina 10:32

Kur atchogoi ndata tata, Ma didina mi nde mi ka andaga d’a Israel-la woyo. Hazayel amul ma Siri-na nga mi dur ki Israel-lâ ir hagad’a pet.

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

2 Amuleina 8:13

Wani Hazayel mi dum ala: Salana, an ma ndak va d’uo koko wana, an ndak á lahle suma tchotcho ndazina ni nana ge? Wani Elise mi dum ala: Ma didina mi tagan ala ang mba mbut amul ma Siri-na.