2 Amuleina 12:9 - Bible azumeina

⁹ Ma ngat buzuna Jehojada mi hle zandu’â, mi tchom vunam ndulung, mi tinim go ki yima ngal ahle suma ngat buzuna ata gonga abot ma ndjufâ ata yima suma a kal kuana. Suma ngat buzu suma a nga ngom vun agre’îna a nga tchuk bege d’a pet ta suma a nga mba ki sed’et kur gonga hi Ma didinid’a kur zanduk máma.

2 Amuleina 12:9 ပူးပေါင်းရင်းမြစ်များ

2 Amuleina 12:8

Suma ngat buzuna a ndjak vunazi ki sed’em ala azi ve beged’a abo suma d’uo mi na, a min gonga hi Ma didinid’a yat ma b’lak keina akulo d’uo mi.

2 Amuleina 22:4

Mi dum ala: Ang fe ma ngol ma ngat buzuna Hilkiya, ang dum ala mi ndum bege d’a suma ngat buzu suma a nga ngom vun gonga a nga vat abo suma yam gong nga kud’ora hi Ma didinid’ina.

2 Amuleina 23:4

Bugola, amulâ mi he vuna mi ma ngol ma ngat buzuna Hilkiya ki suma avunama ki suma ngat buzu suma a nga ngom vun gong nga kud’ora hi Ma didinid’ina ala a yo ahle suma kur gonga hi Ma didinid’a suma a nga le ki sunda mi Bäl ki Asera kahle suma akulona woi pet. A i ngalazi sä woi bugol azì ma Jerusalem-ma avun toliyon nda Kedron-nda, a yo butna, a im sä woi Betel.

2 Amuleina 25:18

Ma ngolâ hi suma a ngom yinina mi ve Seraya ma ngol ma ngat buzuna ki Sofoni ma kam á mbàd’ina ki suma hindi suma a ngom vun gong nga kud’ora hi Ma didinid’ina mi.

1 Sunda Hamuleinid’a 15:18

B’oziyozi suma a ngom vun agre’â hi gong nga kud’ora hAlonid’a suma a ndjar kazi á mbàd’ina ni Zakari, Ben, Jäziyel, Semiramot, Jehiyel, Uni, Eliyap, Benaya, Mäseya, Matitiya, Elifele, Mikneya, Obet-Edom ki Jeyel.

Sawal la giled’a 84:10

Alo mamina, angî mbarei mamid’a; ang we, ang gol ir ma ang manama.

Jeremi 35:4

An i ki sed’ezi kur gong nga kud’ora hi Ma didinid’a kur hurut ma hi Hanan groma Jikdaliya goroma sana hAlonina go ki gonga hi suma nglona akulo yam hur gonga hi Mäseya Salum goroma ma ngom vun gongina.

Jeremi 52:24

Ma ngolâ hi suma a ngom yinina mi ve ma ngol ma ngat buzuna Seraya ki Sofoni ma kam á mbàd’ina ki suma hindi suma a ngom vun gong nga kud’ora hi Ma didinid’ina mi.

Marik 12:41

Jesus mi kak gen zanduk ma suma tchuk beged’a kuana á we ni nana ba, ablau suma a nga tchuk beged’a kur zandu’â ge? Ablau suma ndjondjoîna a tchuk ngola.

Wana ni Zla d’a Djivi d’a Luc mi b’irita 21:1

Jesus mi hle iram akulo nga mi gol suma ndjondjoîna a nga tchuk he d’a hawa mazid’a kur zandu’â kur gong nga kud’ora hAlonid’a.