2 Amuleina 12:4 - Bible azumeina

^4-5 Bur tu Jowas mi de mi suma ngat buzuna ala: Agi vagi beged’a pet ta a nga mba ki sed’et kur gong nga kud’ora hi Ma didinid’a á le sunda hi Ma didinid’a, nala, bege d’a a nga vat abo sumid’a ki bege d’a sana mi hat kur min mambid’a. Agi vagi bege ndata abo suma agi wazina, agi lagi sunda ki sed’et á minigi ki gong nga kud’ora hi Ma didinid’a yat ma b’lak keina akulo pet.

2 Amuleina 12:4 ပူးပေါင်းရင်းမြစ်များ

1 Amuleina 3:2

Suma a nga hahle suma ngat buzuna nata yima teteng ma akulo ndingâ, kayam Salomon nga bei min gong nga kud’ora hi Ma didinid’a tua.

1 Amuleina 3:3

Salomon tamba mi le yam Ma didina, mi nga tit yam vun ma he ma abum David mi humzina. Wani mi hahle suma ngat buzuna mAlona ki dubang ma his djivid’ina nata yima teteng ma akulo ndingâ.

1 Amuleina 7:1

Salomon mi min gong mam mba amula mi. Mi le bizad’a dogo yam hindi mi dap gongîyona minda pet.

2 Amuleina 12:18

Ata yi máma na wat, Jowas mi yo ahle suma mam kabuyom ngolo amulei suma Juda-na Josafat ki Joram ki Ahaziya a tinizi irazi vazina pet ki lor ra nga tinda kur gong nga ngom ndjondjoî d’a kur gong nga kud’ora hi Ma didinid’a ki d’a nga kur azì ma amulid’a pet mi. Mi yot mi it mamulâ Hazayel pet. Ni kayam ndata ba, Hazayel mi ar Jerusalem bei durâ.

2 Amuleina 14:4

Hina pî mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Amuleina 15:4

Wani mi to nga yima nding ma a tinim iram vam ma suma a nga hahle suma ngat buzuna ki dubang ma his djivid’ina kuana kä woi d’i.

2 Amuleina 16:4

Mi hahle suma ngat buzuna ki dubang ma his djivid’ina yam yima ndingâ, yam ahuniyôna, ad’u agu ma lara ma angusâ mi.

2 Amuleina 17:11

Azi ngal dubang ma his djivid’ina yam yima nding máma ata yima lara ge pet, d’igi andjaf suma Ma didina mi digizi woi avorozi á arazi yinina na. Azi le sun nda tcho d’a lara ge pet á zal hur Ma didina.

2 Amuleina 22:4

Mi dum ala: Ang fe ma ngol ma ngat buzuna Hilkiya, ang dum ala mi ndum bege d’a suma ngat buzu suma a nga ngom vun gonga a nga vat abo suma yam gong nga kud’ora hi Ma didinid’ina.

1 Sunda Hamuleinid’a 18:11

David mi tinizi irazi vazi mi Ma didina zlapa ki kawei ma hapma ki lora suma mam yozï abo andjaf suma pet suma mam kus kazina, nala, suma Edom-ma, suma Mowap-ma, suma Amon-na, suma Filistê-na ki suma Amale’â mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

2 Sunda Hamuleinid’a 15:18

Nga mi mba ki he d’a hawa d’a abum mi tinit irat vata ki he d’a hawa mamba tata kur gong nga kud’ora hAlonid’a, nala, kawei ma hapma ki lora kahle suma djivi suma kal teglesâ teteng mi.

2 Sunda Hamuleinid’a 31:12

Burâ ki burâ a nga mba kahle suma a pad’azi vunazi dimina kahle suma a tinizi irazi vazina. A tin Konaniya ma ad’u andjafâ hi Levi-na yam ahle ndazina zlapa ki wiyema Simei ma kam á mbàd’ina.

2 Sunda Hamuleinid’a 35:2

Mi tin suma ngat buzuna kur sun mazid’a, mi hazi ad’enga á le suna gong nga kud’ora hi Ma didinid’a.

Esdras 1:6

Ndrozi sumazina a ndjunuzi kahle suma sunda, lora kahlena teteng, d’uwarâ kahle suma guzuzi ngolina bei ndum he d’a hawa d’a kur min mazid’id’a ba mi.

Esdras 2:69

A hahle suma guzuzi kal teglesâ ndak yam ad’eng mazid’a á min ki gong ndata, ndak ir bege d’a lora 61.000 ki kilona hi bege d’a hapa 2500; a he baru d’a suma ngat buzuna a tchugut atazid’a 100 mi.

Esdras 7:16

Ang i ki bege d’a hapa ki lora pet suma ang mba fazi yam andaga d’a Babilon-ndina, ki he d’a hawa d’a suma ki suma ngat buzuna a mba hat kur min mazid’a yam gong nga kud’ora hAlo mazina d’a nga Jerusalem-mba mi.

Buzuk ka Abud’a 35:22

Andjofâ karopma pet suma huruzi djivid’ina, a mba ki ngangam ma humba ki ma atchina ki ma abona ki ma kela kahle suma a lazi ki lorina pet, a hazi he d’a hawa d’a tak ka a tinit irat vata mi Ma didina.

Buzuk ka Abud’a 35:29

Israel-lâ ki zla tazi pet, andjofâ karop suma huruzi djivid’a á le sun nda Ma didina mi he vuna kat mi Moise-sina, a mba ki he d’a hawa d’a azi hat kur min mazid’id’a mi Ma didina.

Buzuk ka Abud’a 35:5

Agi pad’agi vun ahle magina mi Ma didina. Suma pet suma a nga ki hur ma djivinina a mba ki he d’a hawa d’a teteng nga azi pad’at mi Ma didina ndata, nala, lora, kawei ma hapma, kawei ma hleuna,

Buzuk ka Abud’a 36:3

Azi mba a yo he d’a hawa d’a Israel-lâ a hat á le ki sunda hi zlub’u d’a kud’orid’a woi avok Moise. Yorogo d’a lara ge pî suma a nga mba ki he d’a hawa d’a kur min mazid’id’a.

Sunda hi suma hi Levi-nid’a 27:31

Le sana mi min mi mbut vama mam handji dimina ni, mi wurak gusa hi va mámid’a, mi hle bege d’a ding nga ndak ir gusa hi va máma d’a ma ngat buzuna mi ngata, mi walat kä ad’u vahl, mi hle tu, mi tinit yam gusa hi va mámid’a kua.

Wana ni Zla d’a Djivi d’a Luc mi b’irita 21:4

kayam suma a tchuk kur zandu’â petna a tchu’î bege mazi d’a zul atazid’a, wani ndat kur hohou mata ti tchu’î ahle suma ndat nga d’i ngom ki tatna pet.