2 Amuleina 12:18 - Bible azumeina

¹⁸ Ata yi máma na wat, Jowas mi yo ahle suma mam kabuyom ngolo amulei suma Juda-na Josafat ki Joram ki Ahaziya a tinizi irazi vazina pet ki lor ra nga tinda kur gong nga ngom ndjondjoî d’a kur gong nga kud’ora hi Ma didinid’a ki d’a nga kur azì ma amulid’a pet mi. Mi yot mi it mamulâ Hazayel pet. Ni kayam ndata ba, Hazayel mi ar Jerusalem bei durâ.

2 Amuleina 12:18 ပူးပေါင်းရင်းမြစ်များ

1 Amuleina 14:26

Mi yo ndjondjoî d’a kur gong nga kud’ora hi Ma didinid’id’a ki ndjondjoî d’a kur azina hamulîd’a pet, mi yo mboriyo suma lor suma Salomon mi yorozina pet mi.

1 Amuleina 15:18

Kayam ndata Asa mi yo kawei ma hapma ki lora suma a nga kur gong nga ngom ndjondjoîd’a kur gong nga kud’ora hi Ma didinid’ina, ki d’a nga kur azì ma amulid’a, mi hat abo azungeî mama á it mi Ben-Hadat Tabrimon gorom ma Heziyon gorom ngolona amul ma Siri ma nga kaka Damas-sâ, mi hum sun ndata, mi dum ala:

2 Amuleina 12:19

Sunda hi Jowas sa ara kahle suma mi lazina pet a b’irizi nga kä kur Mbaktum mba de zlad’a yam Sunda hAmulei suma Juda-nid’a.

2 Amuleina 12:4

Bur tu Jowas mi de mi suma ngat buzuna ala: Agi vagi beged’a pet ta a nga mba ki sed’et kur gong nga kud’ora hi Ma didinid’a á le sunda hi Ma didinid’a, nala, bege d’a a nga vat abo sumid’a ki bege d’a sana mi hat kur min mambid’a. Agi vagi bege ndata abo suma agi wazina, agi lagi sunda ki sed’et á minigi ki gong nga kud’ora hi Ma didinid’a yat ma b’lak keina akulo pet.

2 Amuleina 14:14

Mi yo lora ki kawei ma hapma kahle suma a fazi kur gong nga kud’ora hi Ma didinid’ina kahle suma a fazi kur azì ma amulina, mi yo suma dingâ balâ, mi hulong avo Samari.

2 Amuleina 16:8

Ata yi máma mi yo kawei ma hapma ki lora suma a nga kur gong nga kud’ora hi Ma didinid’ina ki suma a nga kur gong nga ngom ndjondjoî d’a kur azì ma amulid’ina, mi sunuzi he d’a hawad’a mamul ma Asiri-na.

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

2 Sunda Hamuleinid’a 16:2

Kayam ndata, Asa mi yo kawei ma hapma ki lora suma nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur azì ma amulina, mi sun ki suma mi Ben-Hadat amul ma Siri ma nga kaka Damas-sâ,

2 Sunda Hamuleinid’a 24:17

Bugol matna hi Jehojada-na, suma nglo suma avok suma Juda-na a mba grif kä avok amulâ, a tchenemu; mam humuzi mi.

Joel 3:5

Agi yogi kawei man ma hapma ki lor manda kahle man suma djivi suma guzuzi kal teglesâ, agi igi ki sed’ezi kur gongîyo magi suma tuwal fileina mi.