2 Amuleina 11:4 - Bible azumeina

⁴ Kur biza d’a kid’iziyad’a, ma ngat buzuna Jehojada mi yï azigar suma nglo suma avok azigar suma kikis suma Keret-na ki azigar suma ding suma ndjola, mi i ki sed’ezi kur gong nga kud’ora hi Ma didinid’a, mi djin vunam ki sed’eziya; a gun tazi mi. Ata yi máma mi tagazi amulâ goroma.

2 Amuleina 11:4 ပူးပေါင်းရင်းမြစ်များ

Ad’u Tinda 50:25

Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.

2 Samuel 20:23

Jowap ni ma te yam azigar suma Israel-lâ petna. Benaya Jehojada goroma ni ma te yam suma Keret-na ki suma Pelet-nina.

2 Samuel 8:18

Benaya Jehojada goroma ni ma ngolâ hi suma Keret-na ki suma Pelet-na. David groma a nga kad’enga yam ahlena teteng mi.

1 Amuleina 14:27

Wani amulâ Robowam mi yor mboriyo suma kawei ma hleuna, mi vragazi balumu, mi hazi abo azigar suma nglo suma a ngom vun agre’â hamulîna.

1 Amuleina 18:10

An nga ni dang ngei avok Alo mang Ma didin ma bei matna ba na. Ambas sa ar hawa bei salana mi sun kur á halanga nga d’i. Ambasa suma kurutna le a dala: Mi nga hatami d’uo d’a, a gun ni tazi mbeî ala azi wang nga d’uo.

2 Amuleina 11:17

Jehojada mi mba ki vun ma djinda aduk Ma didina kamulâ ki sumuna, a djin vunazi ala ar azi ka’î suma hi Ma didinina. Mi mba ki vun ma djinda aduk amulâ ki sumuna mi.

2 Amuleina 11:19

Jehojada mi yo azigar suma nglo suma avok azigar suma kikisâ ki suma Keret-na ki azigar suma ding suma ndjola ki suma kur ambasina pet, á tcholï kamulâ kur gong nga kud’ora hi Ma didinid’a á tinim avo kur azì ma amula. A hle lovot ta avun agrek ma suma ndjola a nga kuana. Ata yi máma Jowas mi kak yam zlam mam mba amula.

2 Amuleina 11:3

Jowas mi ar kaka ki Joseba kur gong nga kud’ora hi Ma didinid’a ngeid’a gak bizad’a karagaya. Wani Atali nga d’i tamula yam ambasa.

2 Amuleina 11:9

Azigar suma nglo suma avok azigar suma kikisâ a lahlena pet suma ma ngat buzuna Jehojada mi hazi vuna kazina. Azi nge nge pî, mi yo sum mama, suma a kal á le sunda kur bur ma sabatnina ki suma sun mazid’a dap kur bur ma sabatnina mi, a i gen Jehojada.

2 Amuleina 12:7

Jowas mi yi Jehojada ki suma ngat buzu suma dingâ, mi djobozi ala: Ni kayam me ba, agi minigi gong nga kud’ora hi Ma didinid’a yat ma b’lak keina akulo d’uo ge? Ki tchetchemba, ar agi vagi beged’a abo suma agi wagizina d’uo d’a, wani agi arat á min ki gonga hi Ma didinid’a yat ma b’lak keina akulo.

2 Amuleina 23:3

Amulâ mi ar tchola akulo ata yam ata yima nding ma a minim á de zlad’ina, mi djin vunam ki Ma didina á tit yam vun ma he mama, yam gat mam mba tetenga ki hurun tu ki tam pet mi, á tit yam zlad’a hi vun ma djin mam ma a b’irim kur mbaktum ndatina mi. Suma pet a djin vunazi yam zla ndata mi.

2 Sunda Hamuleinid’a 15:12

A hle vunazi kur bur máma ala azi le minda hi Ma didina Alona habuyozi ngolona ki hur ma tuna ki tazi pet mi.

2 Sunda Hamuleinid’a 29:10

Ki tchetchemba, an nga ki djib’era kurun krovo á djin vunan ki Ma didina Alona hi Israel-lîna, kayambala kur ayî mam ma bibiliuna ar hurum b’leng ngei keya d’a.

Nehemi 10:29

a zlap tu ki b’oziyozi suma simiyêzi nga mi yï adigazina. A hle vunazi ki gun tad’a á tit yam Gata hAlona d’a mi hat mazong mama Moise-sa á ngom vun ma hed’a hi Salei Ma didina ki hat mamba, á le sunda kazi mi.

Nehemi 5:12

Ata yi máma a hulong dan ala: Ami mba lami d’igi ang de na, ami mba hulongôzi ahle suma ami yozina, ami mba vami va abozi tu d’uo d’a. Kayam ndata, an yi suma ngat buzuna, an gun suma a he balâ mi sumina ala ar a tchol yam vun mazi ma hle ma azi hluma.

Nehemi 9:38

A de kua ala: Kayam ndata, ami hami tamiya, ami djinimi vunamiya, ami b’irim kä. Mami suma avok sumina, mami suma hi Levi-na ki mami suma ngat buzuna a tin simiyêzi kur mbaktumba, a tum tampongâ kua mi.

Sunda hi suma a sunuzinid’a 5:24

Ata yima azi hum zla ndatina, ma ngolâ hi suma a ngom gong nga kud’ora hAlonid’ina ki nglo suma ngat buzuna a nde tcha tata yam b’raud’a hi suma a sunuzinid’a. A nga djop tazi ala: Zla ndata mba d’i le ni nana ge?

Sunda hi suma a sunuzinid’a 5:26

Ata yi máma, ma ngolâ hi suma a ngom gong nga kud’ora hAlonid’ina ki sum mama a iya, a yoï suma a sunuzina, wani ni kad’enga d’i, kayam azi nga le mandara suma ala dam a mba duruzi kahinad’a kla ge.

Josue 24:25

Kur bur ma Josue mi gun ablaud’a kAlonina, mi hazi gata ki vun ma hed’a avo Sikem.

1 Samuel 18:3

Wani Jonatan azi ki David a djin vunaziya, kayam Jonatan mi le kam d’igi mam tamba na.

1 Samuel 23:18

Azi djak a djin vunazi avok Ma didina. David mi ar kaka aduk agud’a; Jonatan mi hulong avo.