2 Amuleina 11:19 - Bible azumeina

¹⁹ Jehojada mi yo azigar suma nglo suma avok azigar suma kikisâ ki suma Keret-na ki azigar suma ding suma ndjola ki suma kur ambasina pet, á tcholï kamulâ kur gong nga kud’ora hi Ma didinid’a á tinim avo kur azì ma amula. A hle lovot ta avun agrek ma suma ndjola a nga kuana. Ata yi máma Jowas mi kak yam zlam mam mba amula.

2 Amuleina 11:19 ပူးပေါင်းရင်းမြစ်များ

Ad’u Tinda 37:36

Wani suma Madiyan-na a gus Josef fei Ezipte abo Potifar azong ma ngolâ hi Faron-na, ni ma ngolâ hi azigar suma a nga ngom amulîna mi.

1 Amuleina 1:13

Ndak i gen amulâ David, ndak dum ala: Salana amulâ, ni ang ba, hlan vunang ala gorona Salomon mba mi vrak blangâng mi kak yam zlam mang nga amula d’uo zu? Ni nana ba, Adoniya mi mbut wa amulâ ge?

1 Amuleina 14:27

Wani amulâ Robowam mi yor mboriyo suma kawei ma hleuna, mi vragazi balumu, mi hazi abo azigar suma nglo suma a ngom vun agre’â hamulîna.

1 Sunda Hamuleinid’a 29:23

Salomon mi kak amula yam zlam mba amul la Ma didina mi tinim kat balum abum David-ta. Sun mamba nga d’i le djivid’a; Israel-lâ pet a ge yazi kä ad’um mi.

2 Sunda Hamuleinid’a 23:19

Mi tin suma ndjola avun gonga hi Ma didinid’a ala ar sama ndjendjed’a mi kal kur ri.

2 Sunda Hamuleinid’a 23:20

Jehojada mi yo azigar suma nglona ki suma nglona ki suma te yam suma kur ambasina kablau d’a peta á tcholï kamulâ kur gong nga kud’ora hi Ma didinid’a á tinim avo kur azì ma amula. A hle lovot ta avun agrek ma akulo ndingâ, a i kur gong nga amula, a tin amulâ Jowas yam zlam mba amula mi.

2 Sunda Hamuleinid’a 23:5

ades ma mbàna mi tchol ndjola kur gong nga amula, ades ma hindina mi tchol ndjola avun agrek ma a yum ala Jesot-na. Ablau suma petna a tchol kur gulumuna hi gong nga kud’ora hi Ma didinid’a.

Jeremi 17:25

ata yi máma amuleina ki suma nglo suma a nga kaka yam zlam mba amula hi David-ta suma a nga kur pus ma dur ayîna d’oze a nga nga yam akulumeinina ki mazi suma nglona ki suma Juda-na ki suma a nga kaka avo Jerusalem-ma pet, a mba kal avun agre’â hazì mámina. Suma a mba kak kur azì máma burâ ki burâ mi.

Jeremi 22:30

Mi dala: Ar a b’ir sa máma d’igi sama bei grona na, ni sama mi fe nga djivid’a kur kak mamba d’uo na. Andjavam tu pî mba mi fe lovota á kak yam zlam mba amula hi David-ta d’i, tu pî mba mi fe lovota á te leud’a yam azì ma Juda-na d’uo mi.

Jeremi 22:4

Kayam le agi lagi sunda yam zla ndata ni, amulei suma a nga kaka yam zlam mba amula hi David-tina ki mazi suma nglona ki sum mazina a mba djak kur pusâ, a mba nga yam akulumeina, a mba kal ata vun agrek ma amul ma wana mi.

Matiye 19:28

Jesus mi hulong dazi ala: Gagazi, an nga ni dagiya, fata Alona mba mi mbut ahlena pet awilid’a ata yima an Gor Sana mba ni kak yam zlam manda suburina, agi suma dogo yam mbà suma nga tid’igi ad’una, agi mba kagagi yam zlumiyô suma amula á ka sariyad’a yam andjafâ hi Israel ma dogo yam mbàna mi.

Matiye 25:31

Jesus mi had’azi kua ala: Fata an Gor Sana mba ni mbeï kamul manda zlapa ki malaikana peta, ata yi máma, an mba ni kak yam zlam man nda amul la subura.