2 Amuleina 11:18 - Bible azumeina

¹⁸ Ata yi máma suma kur ambasina pet a tchuk kur gong nga kud’ora halo ma a yum ala Bäl-lîd’a, a pleyêt teyo, a to yima teteng ma ngal ahle suma ngat buzuna ki filei mazi ma teteng ma nga tchola kuana woi kakaf. A tchi Matan ma ngat buzuna hi Bäl-lâ kä woi avok yima ngal ahle suma ngat buzuna mi. Bugola, Jehojada mi tin suma nglona á ngom gong nga kud’ora hi Ma didinid’a.

2 Amuleina 11:18 ပူးပေါင်းရင်းမြစ်များ

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

2 Amuleina 10:21

azi b’rau sunda kur ambas sa Israel-la pet. Suma a kud’or Bäl-lâ pet a mba, sa arza woi tu d’i, a oî gong nga a kud’or Bäl kuad’a ndinding.

2 Amuleina 10:25

Kid’a abozi mi dapa, Jehu mi de mi azigarâ ki mazi suma nglona ala: Agi tchugugi klaviya, agi tchagi sum ndazina woyo. Ar sa adigazi tu pî mi ndabu d’i. A tchaziya, a tchuguzi mad’azi woi abua. Bugola, a tchuk klavi ata yima a tinim iram vam ma kal teglesâ kur gong nga a kud’or Bäl kuad’a.

2 Amuleina 10:26

A yoï ahina d’a tchet ta kur gonga hi Bäl-lid’a woi abua, a ngalat tei kakud’a.

2 Amuleina 10:27

Azi to ahina d’a tcheta hi Bäl-lâ kä woyo, a to gonga hi Bäl-la tata kä woi mi, a mbud’ut ni yima o sutna gak ini.

2 Amuleina 18:4

Mi pleî yima ndingâ woyo, mi to ahina d’a tcheta kä woyo, mi kus agu ma murguli ma azi pum malo d’a a yat ala Asera-d’a woyo. Mi kus gugui ma kawei ma hleu ma Moise mi yoroma woi mbambak, kayam tinï ad’ud’a kur atchogoid’a hi Moise-sa dei gak kur atchogoi ndata, Israel-lâ a nga ngalam dubang ma his djivid’ina. Gugui máma a yum ala Nehustan.

2 Amuleina 23:10

Josiyas mi b’lak yima Tofet ma nga avun hor ra Hinom-mba, kayam sa mi ngal gorom mandjuf foze gorom mba atcha kakud’a á he ngola malo ma Molo’â d’uo d’a.

2 Amuleina 23:14

Mi to ahina d’a tcheta woyo, mi kus agu ma murguli ma a pum mi Asera-na kä woyo, mi oî asok suma yam yi máma mi.

2 Amuleina 23:20

Mi ngat suma ngat buzu suma a nga le sunda yam yima nding ma teteng mámina, mi ngalazi akulo yam yima ngal ahle suma ngat buzu ma teteng máma, mi ngal asok suma dingâ yam yi máma mi. Bugola, mi hulong avo Jerusalem.

2 Sunda Hamuleinid’a 21:17

A i durâ ata suma Juda-na, a kal kur leu mazid’a, a hurum ahle suma kur gong nga amulina pet, a yo Joram groma kamiyôma pet; gorom ma arâ ni ma gorâ Ahaziya tu go.

2 Sunda Hamuleinid’a 34:4

A to yima ngal ahle suma ngat buzuna hi Bäl-lâ ma tetengâ kä woi avoromu, mi to filei ma afat ma nga kam akulo ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a kä woi ki filei ma teteng ma a tched’ema ki filei ma kawei ma teteng ma a yoroma kä woi mi, mi tozi woi kikizek, mi mbud’uzi d’igi andaga d’a gugud’upa na, mi tchuguzi sä woi yam asud’a hi suliyozi suma a ngad’azi buzunina.

2 Sunda Hamuleinid’a 34:7

Mi to yima ngal ahle suma ngat buzuna mi fileina ma tetengâ kä woyo, mi kus agu ma murguli ma teteng ma a pum malo d’a a yat ala Asera-d’a ki filei ma teteng ma a tched’ema kä woi kikizek, mi mbud’uzi d’igi andaga d’a gugud’upa na, mi to filei ma afat ma tetengâ kä woi kur ambasa pet, tua ba mi hulong avo Jerusalem.

Buzuk ka Abud’a 32:20

Mi hle amuhl ma a yoroma, mi gum aku mi ngalam mbeyo, mi lud’um mbei butna, mi yagam bud’um aduk mbina, mi orom Israel-lâ kad’enga ala a tche mbiyo máma.

Isai 2:18

Fileina ki zlam pet mba mi dap peyo.

Gat ta a hat á mbàd’id’a 12:2

Moise mi de kua ala: Agi pleyêgi yima andjaf suma agi nga digizi woi wana a nga kud’or alo mazina kuana woyo, nala, yima yam ahuniyô suma fuyogeinina, yima yam ahuniyô suma djodjohlîna ki yima ad’u agu ma d’ufina pet mi.

Gat ta a hat á mbàd’id’a 12:3

Agi pleyêgi yi mazi ma teteng ma ngal ahle suma ngat buzuna woyo, agi togi ahuniyô suma a tched’ezi a tinizi á kud’urozina woyo, agi ngalagi filei mazina woi kakud’a, agi tozi angus ahle mazi suma azi tched’ezi d’igi alo mazina na na woyo, agi blazazi simiyêzi woi yam ambas ndata.

Gat ta a hat á mbàd’id’a 13:10

Ang dur sama tcho máma kahinad’a, ang tchum mbeyo, kayam mi halî lovota á walang ngei dei ki Ma didina Alo mang ma mi ndangî woi kur ambas sa Ezipte-d’a kur yima a lagi magomba kuana.

Gat ta a hat á mbàd’id’a 13:5

Ma djok vun máma d’oze ma vana nde tam mbei iram máma, agi tchum mbeyo, kayam mi de ni zla d’a kak djangûna ki Ma didina Alo magi ma buzugugï woi kur ambas sa Ezipte-d’a ma mi tchugugi akulo woi kur azì ma a lagi magomba kuana. Sa máma mi min d’ezegi ni woi kur lovot ta Ma didina Alo magina mi hagi vuna kat á tid’igi kuad’a. Hina wani, agi mba d’elegi tcho d’a led’a adigagiya.

Gat ta a hat á mbàd’id’a 13:6

Le wiyeng ma asungâ d’oze gorongâ d’oze goronga d’oze amang nga nga zlapa ki sed’enga d’oze banang ma ang le kam d’igi ang tanga na na, mi lobong gumun ala: Ar ei i kud’orei alo ma ding ma tetengâ, nala, alo ma ang kabuyong ngolo wum nga d’uo

Gat ta a hat á mbàd’id’a 13:9

Wani mbeî ang tchum mbeyo, ang tanga hlabong adjeu kikidji á tchum mbei ni angû, ablau d’a peta ti yo abot ni bugolo.