2 Amuleina 11:11 - Bible azumeina

¹¹ Azigarâ nge nge pî mi tchol kahle suma sïna abomu, tin ad’ud’a ata gonga abot ma ndjufâ dei gak mba ata gonga abot ma gulana go ki yima ngal ahle suma ngat buzuna go ki gong nga kud’ora, a ngui amulâ kä d’uhl.

2 Amuleina 11:11 ပူးပေါင်းရင်းမြစ်များ

2 Amuleina 11:10

Ata yi máma Jehojada mi hasubiyona ki mboriyo suma amulâ David mi tchuguzi kur gong nga kud’ora hi Ma didinid’ina abo azigar suma nglo ndazina.

2 Amuleina 11:12

Ma ngat buzuna Jehojada mi ndeï kamulâ goroma Jowas sei abua, mi kulubum djum mba amula kamu, mi ndeï ki vama glangâsâ woi kam mi. A tinim amula, a vom mbulâ kamu, a tchaboziya, a dala: Amulâ, ar va mi lang ngi!

2 Amuleina 11:8

Agi yogi ahle suma sïna abogiya, agi nguyugi amulâ kä. Sama lara ma mi min kal kur gongina, agi tchum mbeyo. Ata yima amulâ mi ndabuna, ata yima mi kal avona mi, agi gologizi ped’et.

2 Sunda Hamuleinid’a 6:12

Salomon mi tchol akulo avok yima ngal ahle suma ngat buzuna hi Ma didinina avok ablaud’a hi Israel-lîd’a pet, mi yo abom akulo.

Buzuk ka Abud’a 40:6

Ang tin yima ngal ahle suma ngat buzu suma ngala avun zlub’u d’a ngaf ta d’a a tinit irat vata.

Ezekiyel 8:16

Mi in hur atrang nga krovo d’a avun gong mam mba kud’orid’a. Gol wani, andjofâ d’igi dok mbà yam vahl na a nga tchola avun gong nga kud’or ndata aduk yima kala ki yima ngal ahle suma ngat buzuna. A he huyogozi mi gong ndata, a mbut irazi abo ma yorogona, a grif kä abo ma yorogona avok afata.

Joel 2:17

Ar suma ngat buzu suma a le sunda mi Ma didinina a tchi kur gong mam mba kud’ora aduk vun agre’â ki yima ngal ahle suma ngat buzuna, ar a dala: Ma didina, ang ngom sum mangâ, ar suma ang tazi djonina a mbut zulona tala andjaf suma dingâ a te kaziya d’a d’i. Ni kayam me ba, a mba de kazi aduk andjaf suma dingâ ala: Alo mazina mi nga ni lara ge ge?

Matiye 23:35

Hina wani, buzu suma d’ingêrâ pet ma djang ngei yam andagad’ina, mi hulong kagiya, tinï ad’ud’a ata matna hi Abel ma d’ingêrâ dei, gak mba ata matna hi Zakari Barasi gorom ma agi tchum aduk yima a tinim iram vam mAlonina ki yima ngal ahle suma ngat buzunina.

Wana ni Zla d’a Djivi d’a Luc mi b’irita 11:51

tinï ad’ud’a ata matna hi Abel-lâ dei gak mba ata matna hi Zakari ma azi tchum aduk yima ngal ahle suma ngat buzuna ki yima a tinim iram vam mAlonina. Gagazi, an nga ni dagiya, Alona mba mi ka sariyad’a yam suma kur atchogoi d’a wandina yam matna hi sum ndazina pet.