2 Amuleina 10:11 - Bible azumeina

¹¹ Kayam ndata, Jehu mi tchi suma hi Ahap suma a nga kaka Jisreyel-lâ woi pet ki ndrom suma nglo suma sunda ki buniyôma ki mam suma ngat buzuna woi pepet; mi ar nga sa tu á sut ti.

2 Amuleina 10:11 ပူးပေါင်းရင်းမြစ်များ

1 Amuleina 14:10

Kayam ndata, an nga ni mba ndaka yam sum mangâ, an nga ni dap sumala ni simiyêngû na magumeina d’oze gro vuta woi aduk Israel-lâ, an mba ni yagang andjavang ngei d’igi suma a yak djimgilâ woi na.

1 Amuleina 15:29

Kid’a mi kak amulid’a, mi tchi andjafâ hi Jerobowam-ma woi pet, mi ar nga gorom ngolo tu d’i, mi tchazi woi pet d’igi ma djok vun Alona Ahiya ma Silo-na mi de zla d’a tcholï avun Ma didinid’a na.

1 Amuleina 16:11

Kid’a mi vrak tamula vraka, mi tchi suma hi Bäsa-na woi pet, mi ar nga sa tu d’i, andjavam mboze banam mbuo mi.

1 Amuleina 18:19

Wani ki tchetchemba, ang tchuk sunda kur ambasa, kayam Israel-lâ pet a togï geven ka hî yam ahina d’a Karmel-la, zlapa ki suma kikis fid’i yam dok vahl suma a nga djok vun alo ma a yum ala Bäl-lâ ki suma kikis fid’i suma a nga djok vun alo d’a a yat ala Asera-d’a suma amula Jezabel nga d’i hazi tenina.

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

1 Amuleina 21:22

an mba ni b’lak sum mangâ woi d’igi an b’lak suma hi Jerobowam Nebat goromina woi na, d’igi an b’lak suma hi Bäsa Ahiya goromina woi na mi, kayam ang zalan hurun ngola, ang zut Israel-lâ á le tchod’a.

1 Amuleina 21:29

Ang gola! Ahap mi ge wa yam kä avoronu. Kayamba mi ge yam kä d’a, an mba ni mba ndaka yam sum mama kur atchogoi mamba d’i, wani an mba ni mbat ni kur atchogoid’a hi goromid’a.

1 Amuleina 22:6

Amul ma Israel-lâ mi tok mam suma djok vun Alona, a ni go kikis fid’i, mi djobozi ala: Na ni an i dur ayîna á hleï azì ma Ramot ma Galät-na d’oze an i d’uo zu? Azi dum ala: Ang iya. Ma didina mba mi hang azì máma abongû.

2 Amuleina 10:12

Jehu mi tchol á i Samari. Kid’a mi mbaza Bet-Eket ta hi suma polid’a,

2 Amuleina 23:20

Mi ngat suma ngat buzu suma a nga le sunda yam yima nding ma teteng mámina, mi ngalazi akulo yam yima ngal ahle suma ngat buzu ma teteng máma, mi ngal asok suma dingâ yam yi máma mi. Bugola, mi hulong avo Jerusalem.

2 Amuleina 9:7

Ni ang ba, mba tchi andjafâ hi salang ma adjeuna Ahap-ma woyo. An mba ni sä atchugul azungeî mana pet, nala, man suma djok vuna ki suma ding suma Jezabel ti tchazina mi.

2 Amuleina 9:9

An mba ni le ki sum mama d’igi an le ki suma hi Jerobowam Nebat goromina na, d’igi an le ki suma hi Bäsa Ahiya goromina na mi.

2 Sunda Hamuleinid’a 22:7

Kur minda hAlonid’a mi zut Ahaziya mi i á d’u Joram á bam mbeyo. Ata yima mi mbazina, a i ki Joram á ngaf ki Jehu Nimsi gorom ma Alona mi tinim iram vam á dap suma hi Ahap-ma woina.

2 Sunda Hamuleinid’a 22:8

Ata yima Jehu nga mi ka sariyad’a yam suma hi Ahap-mina, mi fe suma nglo suma Juda-na ki Ahaziya b’oziyoma grozi suma a nga le sunda hi Ahaziya-d’ina, mi tchazi woyo.

Wana ni mbaktumba hi Job-pa 18:19

Mi mba mi ar gorom mboze gorom ngolo aduk sum mama d’i, sa mba mi ar ki iram ata yima mam nga kaka kuana d’uo mi.

Sawal la giled’a 109:13

Ar andjavam mi dap peyo, ar simiyêm mi sil lei kur atchogoi d’a nga d’i mbad’a!

Sawal la giled’a 125:5

Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!

Zla d’a d’ogolâ 13:20

Sama tit ki suma ned’ina mba mi mbut ni sama ned’a, wani sama mi te ki suma lilid’ina mba mi nde kur tchod’a.

Wana ni mbaktumba hi Oze-d’a 1:4

Ma didina mi dum ala: Ang yum ala Jisreyel, kayam ar ndjö an nga ni mba á ngop andjafâ hi Jehu-na yam mat ma mi tchum avo Jisreyel-lâ. An mba ni d’el leu d’a ted’a aduk andjafâ hi Israel-lâ.

Josue 10:30

Ma didina mi hazì máma kamul mama abo Israel-lâ. A tchi suma kuruma woi pet bei ar sa tu ba, a le kamul máma ni d’igi a le kamul ma Jeriko-na na mi.

Josue 11:8

Ma didina mi hazi abo Israel-lâ. A duruzi abo ma norâ gak a mbaza Sidon kur azì ma ngolâ, gak a mba Misrefot-Mayim, gak a mba kur hor ra Mispa-d’a abo ma yorogona. A tchazi tchi d’a tchod’a bei ar sa tu ba.

Josue 15:56

Jisreyel, Jakdeyam, Zanowa,

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.