2 Amuleina 1:15 - Bible azumeina

¹⁵ Malaikana hi Ma didinina mi de mi Elie ala: Ang lum mandaram mbi. Ang tchuk aseng kä, ang i ki sed’emu. Elie mi tchugï asem kä ki azigar ma ngol máma, mi i gen amulâ.

2 Amuleina 1:15 ပူးပေါင်းရင်းမြစ်များ

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

1 Amuleina 18:15

Wani Elie mi dum ala: An nga ni dang ngei avok Alo ma bei matna ma ad’engêm kal pet ma an nga ni lum sundina, an gunung tanu, an nga ni tak tan ndei avok Ahap ini!

2 Amuleina 1:14

An we akud’a ti tcholï akulo, ti ngal azigar suma nglo suma mbà suma a mba avo’â woi kades mazi ma dok vahl dok vahlâ mi. Kayam ndata, an nga ni tcheneng ki hud’a, ang tchan ndi.

2 Amuleina 1:3

Wani malaikana hi Ma didinina mi mba mi de mi Elie ma Tisbe-na ala: Ang i ngaf vun suma sunda hamul ma Samari-nina, ang dazi ala: Na ni Alona mi nga avo Israel luo ba, agi i djobogi Bäl-Zebup alo ma Ekron-na zu?

Sawal la giled’a 27:1

Ni sawal la David mi hlata. Ma didina ni b’o manda ni ma sud’una; ni nge ba, an mba ni lum mandaram nge? Ma didina ni ma ngomona; ni nge ba, an mba ni zlak abom nge?

Isai 51:12

Ma didina mi dala: Ni an ba ni b’lengêgi hurugiya. Angî nge ba, le mandara sama mba mi mitna d’oze sana gorom ma d’igi asuna na na ge?

Jeremi 1:17

Wani ang Jeremi, ang djin d’i’â furungû, ang tchol akulo, ang i dazi woi yam ahlena pet suma an mba ni hang vuna kazina. Ar ang zlak avorozi tala an zlagang avoroziya d’a d’i.

Jeremi 15:20

Ma didina mi de kua ala: An mba ni mbud’ungî d’igi gulumun ma kawei ma hleu ma ad’eng ma ngunguna na avoroziya. Azi mba durung ayîna, azi mba lang va d’i, kayam an nga ki sed’eng á sud’ungû, á prud’ung ngei mi.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Matiye 10:28

Ar agi lagi mandara suma a tchagi hliwigi suma ndak á tchagi muzugagi d’uo na d’i. Kal pet, agi lagi ni mandara Alo ma ndak á tchi hliu tad’a ki muzu’â djak á izi aduk aku d’a Jahanama-d’ina.

Hebre-na 11:27

Ni yam he gagazid’a ba, Moise mi ar Ezipte, mi le mandara ayîna hamulîna d’i. Mi ve tam ad’enga d’igi mam we Alo ma bei wum ki irina na.