2 Amuleina 1:14 - Bible azumeina

¹⁴ An we akud’a ti tcholï akulo, ti ngal azigar suma nglo suma mbà suma a mba avo’â woi kades mazi ma dok vahl dok vahlâ mi. Kayam ndata, an nga ni tcheneng ki hud’a, ang tchan ndi.

2 Amuleina 1:14 ပူးပေါင်းရင်းမြစ်များ

2 Amuleina 1:13

Á hindid’a amulâ Ahaziya mi sun ma ngol ma ding ma azigarâ abom dok vahlâ ki mam suma dok vahlâ. A djak akulo yam ahinad’a. Ata yima a mbaza go ki Elie-na, ma ngol máma mi tchuk guguvam kä avok Elie, mi tchenem ki hud’a ala: Ma djok vun Alona, ang tchan ki man suma dok vahlâ d’i; ami ni d’igi azungeî mangâ na.

2 Amuleina 1:15

Malaikana hi Ma didinina mi de mi Elie ala: Ang lum mandaram mbi. Ang tchuk aseng kä, ang i ki sed’emu. Elie mi tchugï asem kä ki azigar ma ngol máma, mi i gen amulâ.

Sawal la giled’a 116:15

Ma didina hurum nga mi hat yam matna hi suma a hum gagazinina heî.

Sawal la giled’a 49:8

Sana mi ndak á wurak Alona yam ndrama á sud’um mbi, mam tam mi ndak á wurak yam tam mbuo mi.

Sawal la giled’a 72:14

Mam mba mi prud’uzi woi abo suma a nga djobozi vunazina, ki suma a nga lazi murud’umbina, kayam azi ni vama kal teglesâ iramu.

Zla d’a d’ogolâ 6:26

Atcha d’a gaulangâ ti te ni sana abomu, ti aramî bubuk avuna, atcha d’a d’umba hi sanid’a ti gunungî dauna avorong kä á bang ari manga woyo.

Sunda hi suma a sunuzinid’a 20:24

Wani an gol tan ni vama kal tegles si, á ndak vun tit manda ki sun nda Salad’a Jesus mi handjid’a, nala, á tchi wal Zla d’a Djivi d’a yam sumad’a hAlonid’a.

1 Samuel 26:21

Saul mi dala: An le tchod’a! Gorona, ang mbeya; an dok lang va d’uo d’a, kayam ang we ini ari manda zlat ngola irangû. An ni lahlena ni d’igi sama lilid’a na, an le tcho d’a ngola.

1 Samuel 26:24

D’igi ari manga zlat ngola iran na, Ma didina mba mi we ari manda zlat ngola iram hina mi, mba mi pad’an ndei kur ndak ka lara ge pet mi.