1 Timote 3:3 - Bible azumeina

³ Ni ma bei gurut ki süma, ni ma bei to sana, ni ma halasâ, ni ma bei le huneîd’a, ni ma bei le yam beged’ina mi.

1 Timote 3:3 ပူးပေါင်းရင်းမြစ်များ

Zla d’a d’ogolâ 1:19

Wana ni lovota hi sama nga ki d’od’oka ngola á fe bege d’a ata yat tuo d’ina. D’od’ok mamba mba d’i bamî mam tamba woyo.

Zla d’a d’ogolâ 15:27

Sama mi le d’od’oka á fe bege d’a mbut irina mi mba ni ki ndaka yam aziyamu, wani sama nga mi noî he d’a hawa d’a mbut ira woina, mba mi kak karid’a.

Ma tchi wala 7:8

Dabid’a hi sundid’a ti kal ad’u tinda hi sundid’a; sama mi nga ve tama, mi kal sama yam mba ad’engina.

Isai 28:1

Wana ni zla d’a hohoud’a yam azì ma ngol ma Samari ma hle tam d’igi avaval la subur ra d’a suma Efraim suma a gurut ki sümina a kulubut kazina d’a. Nazì ma akulo yam yima nding ma avun hor ra tub’ad’a. Ni ma djif mama nga mi ngal wiwilik yam mam suma a nga gurut ki süma d’igi b’o d’a yak keid’a na na.

Isai 28:7

Wani azi tazid’a a nga hle titigir abo süm guguzlud’a, a vit tei abo süm ma ayîna. Suma ngat buzuna ki suma djok vuna, a nga hle titigir abo süm ma ayîna mi. Süm guguzlud’a kal kaziya, a vit tei abo süm ma ayîna. Ata yima a nga djok vun Alonina, a nga hle titigir, a nga tcha tata kur sariya mazi d’a kad’a mi.

Jeremi 6:13

Kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Jeremi 8:10

Ma didina mi dala: Kayam ndata, an mba ni hamiyôzina mi suma dingâ, an mba ni hasinezi mi suma a yozina, kayam tin ad’ud’a ata gugureina dei gak mba ata suma nglona, azi pet a nga ki d’od’oka ata ahlena hi sumina. Tin ad’ud’a ata suma djok vuna dei gak mba ata suma ngat buzuna, azi pet ni suma mbut ira.

Ezekiyel 44:21

Ma ngat buzu ma lara pî mi tche süm guguzlud’a ata yima nga mi kal hur atrang nga krovod’ina d’i.

Sunda hi suma hi Levi-nid’a 10:9

Agi ki grongâ agi tchagi süm guguzlu d’oze süm ma ayîna ata yima agi kalagi kur zlub’u d’a ngaf tad’ina d’i, kayambala agi bogi woi d’uo d’a. Zla ndata ti arî gat ta didinda yam andjavagiya,

Mise 2:11

Wani le sama ka zlad’a mi mba mi djok vuna ala: An nga ni dagi zlad’a yam süm guguzlud’a yam süm ma ayîna mi ni, sa máma mba mi arî ma djok vuna hi sum ndazinina.

Mise 3:11

Mat suma ka sariyad’a a ka sariyad’a ni yam he d’a hawad’a, mat suma ngat buzuna a nga hat suma ni yam wuraka, mat suma djok vuna a nga djok vuna ni yam beged’a. A nga de d’igi suma a deng tazi ata Ma didinina na, a nga dala: Ma didina mi nga adigei d’uo zu? Ndaka mba d’i fei d’i.

Mise 3:5

Wana ni zla d’a an Ma didina ni dat yam suma djok vun suma a nga vit sum mana woina: Le a nga ki hliuna avunaziya ni, a nga dala: B’leng nga halasa nga. Wani a nga dur ayîna ki suma a hazi nga va avunazi d’uo na.

Malatchi 1:10

Ma didin ma ad’engêm kal petna mi dala: Agiya, ni nge adigagi ba, mba mi duk vun gong man nda kud’ora akulo tala agi ngalagi akud’a yam yi man ma ngal ahle suma ngat buzuna hawa yak kuo d’a ge? Tan nga d’i lan djivid’a kagi d’i. An min ve he d’a hawa magid’a abogi d’i.

Matiye 21:13

Mi dazi ala: A b’ir kur mbaktumba hAlonid’a ala: Alona mi dala: A mba yi gong manda ala Gong nga tchen Alona, wani agi mbud’ut domina hi suma kulina.

Sunda hi suma a sunuzinid’a 20:33

An le nga d’od’oka yam beged’a d’oze lor roze baru hi sa d’i.

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

Efes-sâ 5:18

Ar agi gurud’ugi ki süma tala mi igi kur tit ta batranga d’a d’i. Wani agi oyôgi ni ki Muzu’â hAlonina.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

1 Timote 3:8

Hina mi, suma a le sunda mi Tokina a ka’î suma d’engzengâ, suma bei mbàmbàd’a, suma bei gurut ki süma, suma le bei d’od’oka á fe mbiyo ma mbut ira.

2 Timote 3:2

Kayam suma a mba le ni yam taziya, ni suma a le yam beged’a, ni suma subur tazina, suma yam mba ad’enga, suma a ngul Alona, suma bei hum vun simiyêzina, suma bei le mersina, suma bei le mandara Alona.

Wana ni mbaktum mba Paul mi b’irit mi Tit-ta 1:11

Mbeî ang d’eleziya, kayam a nga b’lak sumazina ablaud’a, a nga hat ahle suma ata yazi d’uo na á fe mbiyo ma mbut ira.

Wana ni mbaktum mba Paul mi b’irit mi Tit-ta 1:7

Mbeî ma gol Toka ni ma bei zlad’a kama, kayam mam mi sama ngom ahlena hAlonina. Ni ma bei subur tama, ni ma bei mbut ayîna atogo na, ni ma bei gurut ki süma, ni ma bei to sana, ni ma bei le d’od’oka á fe mbiyo ma mbut ira ba na.

Wana ni mbaktum mba Paul mi b’irit mi Tit-ta 2:3

Hina mi, ang de marop momorogeina a ka’î d’igi arop suma yed’etna na, a kad’u sa d’i, a gurut ki süma d’uo mi. Ang arazi a hat ni hat ta djivid’a,

Wana ni mbaktum mba Paul mi b’irit mi Tit-ta 3:2

Ar azi de zla d’a tchod’a yam sa d’i, a hal huneîd’a d’i, wani a le ni djivid’a, a ka’î luluma ki suma pet mi.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.

Jacques 4:1

Durâ ki huneîd’a suma a nga adigagina a tcholï ni lara ge? A tcholï nata d’od’ok magi d’a nga d’i dur ayîna ki hliwigid’a d’uo zu?

1 Pierre 5:2

Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

1 Samuel 8:3

Wani groma a nga tit d’igi abuzi na d’i, a nga le d’od’ok beged’a, a nga ve he d’a hawad’a gumun abo suma á ka sariya d’a ata yat tuo d’a.