1 Tasaloni’â 5:24 - Bible azumeina

²⁴ Mam ma yagina ni ma d’engzengâ, mam mba mi le hina mi.

1 Tasaloni’â 5:24 ပူးပေါင်းရင်းမြစ်များ

2 Amuleina 19:31

Kayam suma a arâ a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.

Sawal la giled’a 100:5

Kayam Ma didina ni ma djivina, o mamba ni d’a gak didinda, d’engzeng mamba ti nga ni kur atchogoi d’a lara ge pet mi.

Sawal la giled’a 138:2

An nga ni grif kä kur gong mang nga kud’ora, an nga ni gileng simiyêng yam o mang nga didinda ki gagazi manga, yam vun mang ma hled’a ki simiyêng ma suma a nga yuma a kal ahlena pet akulo.

Sawal la giled’a 146:6

Ma didina mi lakulod’a kandagad’a, mi lalum ma ngolâ kahlena pet suma a nga kuruma, nga mi ngom gagazid’a teteu mi.

Sawal la giled’a 36:5

Nga mi djib’er yam mbut ira ata yam ma burâ, mi nga kaka kur lovot ta ata yat tuo d’a, nga mi wal lei ki tcho d’a led’a d’uo mi.

Sawal la giled’a 40:10

An nga ni tchi wal zla d’a irata aduk toka hablau sumid’a, an nga ni duk vunan ndi. Ma didina, ang we.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 89:2

Ma didina, an mba ni hle sawala yam o mang nga didinda burâ ki burâ, an mba ni de woi ki vunan yam d’engzeng manga kur atchogoi d’a lara ge pet mi.

Sawal la giled’a 92:2

Ni vama djivina á suburung ang Ma didina, á gileng simiyêng ang Alo ma sä akulo ma kal teglesâ!

Isai 25:1

Ma didina, angî Alo mana, an nga ni gilengû, an nga ni suburung simiyêngû, kayam ang lahle suma atchapma. Nga hur mang ma ang ngam dedeina, ang ndagam wa memet!

Isai 37:32

Kayam suma a ara a mba buzugï woi Jerusalem, suma a sut teina a mba buzugï woi yam ahina d’a Siyon-nda. Wana ni vama an Ma didin ma ad’engên kal petna tan ndi lan zlezleû kama.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Hor ma tchina 3:23

Yorogo d’a lara pî, azi nga mbut awilid’a. Ma didina, d’engzeng manga ti ngola heî!

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Jean 3:33

Sama ve zla mambina, nga mi tagam mbei abu ala Alona ni Ma gagazina.

Romê-na 8:30

Suma mi ngazi kurum avok deina, mi yaziya; suma mi yazina, mi mbud’uzi suma d’ingêrâ avoromu; suma mi mbud’uzi d’ingêrâ, mi suburuzi mi.

Romê-na 9:24

Nala ni eya, ei suma mi yeina, naduk suma Juif-fâ hol li, wani naduk andjaf suma dingâ mi.

1 Korente-na 1:9

Alona ni Ma d’engzeng ma yam vun mam ma hled’ina, ni ma yagi á kagagi zlapa tu ki Goroma Jesus Christ Saleinina.

1 Korente-na 10:13

Kuk ka lara ge pet ta nga d’i kugugid’a nandjaf kuk ka nga d’i kuk sumid’a mi. Alona ni Ma d’engzengâ, mba mi ar kuka kal yam ad’eng magid’a d’i, wani kur kuka, mba mi hagi lovota á ndagi woi kur á vagi tagi ad’enga.

Galat-na 1:15

Wani yam sumad’a hAlonid’a, mi manan avok bei a vud’unu, mi yan á lum sunda.

Gat ta a hat á mbàd’id’a 7:9

Agi wagi ala Ma didina Alo magina nAlona, nAlo ma d’engzeng ma nga mi ngom vun mam ma djinda ki djivi mamba yam suma a nga le kam suma a nga ngom vun mam ma hed’a gak kur atchogoi d’a dubud’ina.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

2 Tasaloni’â 2:14

Ni kayam ndata ba, Alona mi yagi yam Zla d’a Djivi d’a ami tchagizi walata á suburugi zlapa ki Saleina Jesus Christ.

2 Tasaloni’â 3:3

Wani Salad’a ni Ma d’engzengâ, mba mi siragiya, mba mi ngomogi abo Ma tchona mi.

2 Timote 1:9

Ni mam ma sud’ina, mi yï mbud’i sum mama ni yam sun meid’a d’i, wani nata nga hur mama ki suma mam mba mi veizi yam Jesus Christ avok dei bei ad’u tinda hi duniyad’id’a.

2 Timote 2:13

Le ei ni suma bei d’engzenga ni, mam mi Ma d’engzengâ; mi ndak á tin vunam yam tam mbi.

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

1 Pierre 5:10

Wani bugol la agi fagi ndaka ndjö d’a, Alo ma sumad’a pet ma yagi yam subur mam mba didinda zlapa tu ki Christ-sâ, mba mi minigi akulo, mba mi hagi ad’enga, mba mi siragi ngingring bei gigeta ba mi.

2 Pierre 1:3

Alona mi had’eng mamba mi Jesus Christ. Christ mi hei ahlena pet suma a kid’ageina kayam mi mbud’i suma nda’â á tid’i kur lovot ta gagazid’a hAlonid’a, á wei Christ ma mi yï á mbud’i dedege d’igi mam na kur subur mamba ki djivi mambina tetet.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.