1 Tasaloni’â 5:18 - Bible azumeina

¹⁸ Agi lagi mersi mAlona yam ahlena pet. Wana ni minda hAlona d’a yam kak magid’a zlapa tu ki Jesus Christ.

1 Tasaloni’â 5:18 ပူးပေါင်းရင်းမြစ်များ

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Sawal la giled’a 34:1

Ni sawal la David mi hlat ata yima mi mbut tam d’igi sama lilid’a na avok Abimele’â. Abimelek mi digim mbei avoromu, mi ge tam mi i mi.

Daniel 6:10

Ata yima Daniel mi wala amulâ mi tin wa abom yam gat ndata na, mi hulong avo hatamu. Mi djak akulo kur gong nga yam ndrata akulod’a, mi mal fenetre d’a irat abo ma Jerusalem-mid’a woyo. Bur ma tuna nga mi grif kä avok Alona yam hindi, nga mi tchenemu, mi gilem simiyêm mi, d’igi nga mi ladjeu dei na.

Efes-sâ 5:20

Ar agi lagi mersi teteu mAbui Alona yam ahlena pet ki simiyê Saleina Jesus Christ mi.

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Tasaloni’â 4:3

Wana ni vama Alona mi minima: Ar agi kagagi ni suma mi tinigi iragi vagina ala ar agi walagi woi ki mizeuna,

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

1 Pierre 2:15

Wani ni minda hAlonid’a kayam sun magi d’a le d’a djivid’a ba, agi nga d’elegi lilid’a hi suma bei wed’id’a.

1 Pierre 4:2

Wani ata yima agi nga kaka yam andagad’a tua na, ar agi lagi minda hi sa magi ma adjeunid’a d’i, wani ar agi lagi ni minda hAlonid’a.

1 Jean 2:17

Duniyad’a nga d’i kal lei ki d’od’ok mata pet, wani sama nga mi le minda hAlonid’ina mba mi kak didin.