1 Tasaloni’â 4:4 - Bible azumeina

⁴ ar nge nge pî adigagi mi we lovota á vamamba ata lovot ta d’ingêra ki hud’a mi,

1 Tasaloni’â 4:4 ပူးပေါင်းရင်းမြစ်များ

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Romê-na 1:24

Kayam ndata, Alona mi arazi á lahle suma ndjendjed’a kur d’od’ok mazid’a. Sum ndazina a nga lahle suma zulona aduk tazi mi.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

1 Korente-na 6:15

Agi wagi ala hliu tagi ni ir hliu tad’a hi Christ-sa. An ndak á hle ir hliu tad’a hi Christ á mbud’ut ir hliu tad’a hatcha d’a gaulangâ zu? Nga na d’i!

1 Korente-na 7:2

Wani yam zla d’a mizeuna, djivid’a sama lara pî mi vatchad’a, atcha d’a lara pî ti ve ndjufâ mi.

1 Korente-na 7:9

Wani le agi ndak á vagi tagi d’uo ni, ar agi vigigi tagiya. Djivid’a agi vigigi tagi á d’el djib’er ra tchod’a.

2 Korente-na 4:7

Wani ami ni d’igi dei ma lubu ma nga mi zi ndjondjoîd’a hAlona d’a wanda kuana, á tak kei tetet ala ad’eng nga kal papa ndata ti tcholï nata Alona, nga nata ami d’i.

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

1 Pierre 3:7

Hina agi andjuveina, ar agi kagagi kamiyôgina ki hud’a. Agi huzi ni kayambala azi nga ad’enga d’igi agi na d’uo d’a hol li, wani kayam Alona mba mi hazi arid’a he d’a hawa d’a zlapa ki sed’egi mi. Le agi lagi hina ni, vama mba d’el tchen magid’ina nga d’i.

1 Samuel 21:5

David mi hulong de mi ma ngat buzuna ala: D’igi avok dei na, ata yima an i dur ayînina, a d’elemi á zlap karopma, ahle suma sïna hi sum manina a tinizi irazi vaziya. Le sun ndata ni sun nda tchod’a pî, mba d’i mbut yed’et yam ahle suma sïna.