1 Tasaloni’â 4:17 - Bible azumeina

¹⁷ Bugola, ei suma arei ki irei tua na, Alona mba mi zlabei yod’a ki sed’ezi tu sä akulo kur d’ugula á d’ugol Salad’a akulo kur simetna. Hina wani, ei mba kagei ki Salad’a gak didin.

1 Tasaloni’â 4:17 ပူးပေါင်းရင်းမြစ်များ

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Amuleina 2:11

Kid’a azi nga kur tita a nga yo seretnid’a, gol wani, pus ma akud’a kakulumei suma akud’a a mba a walazi adigaziya. Va máma mi hle tam d’igi pusâ na, akulumeina a nga tanamu. Ata yi máma na wat, a hle Elie sä akulo aduk mbirlimba.

2 Amuleina 2:16

a dum ala: Ang gola! Ami azungeî mangâ nga ki suma ad’engâ dok vahl. Ami min sunuzi á hal salangâ. Dam ata yima Muzu’â hi Ma didinina mi hluma, mi gumza ni yam ahinad’a akulo, d’oze kä kur hora kla! Wani Elise mi dazi ala: Agi sunuzi d’i!

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

Sawal la giled’a 49:15

Azi ni d’igi ades tumiyô suma a izi á ngad’azina na; matna mba mi te kaziya, ar go suma d’ingêrâ a mba mired’ezi kä kaseziya. Djif mazina mba mi kal leyo, yima azuleina mba mi mbut ni yi mazi ma kaka.

Sawal la giled’a 73:24

Ang nga tagan gat manga, bugola, ang mba van atang kur subur manga.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Daniel 7:13

Kid’a an nga ni gol vama nde tam mbei iran andjegena tua d’a, an gol wani, sana nga mi djï yam dugula d’igi gor sana na, mi mba, mi hut gen ma abizei ma dedei máma, a mbamzi avoromu.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Marik 14:62

Jesus mi hulong dum ala: Ni anu. Wani agi pet mba wan an Gor Sana ni kaka sä ata bik ka ndjufa hAlo ma ad’engîd’a, agi mba wan an mbeï kur d’ugula akulo mi.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 14:3

Le an i wa ni min wa yina kagiya ni, an mba hulongî á yogi sä gevenu, kayam yima an nga kak kuana, agi mba kagagi kua mi.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Sunda hi suma a sunuzinid’a 1:9

Bugol la mi de zla ndata dad’a, Alona mi hlum sä akulo. Kid’a azi nga golom tua d’a, d’ugula vid’im iraziya.

Sunda hi suma a sunuzinid’a 8:39

Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

2 Korente-na 5:8

Kayam ndata, ami nga vami tamiya, ami minimi á wal ki hliu tad’a á i kagami ki Salad’a, djivid’a kala.

Filip-ma 1:23

Wani an nga hepa aduk ahle suma mbà ndazina. An djib’er ala le an i kak ki Christ-zu ni, ni vama kal teglesâ.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

1 Tasaloni’â 4:15

Kayam ndata, zla d’a ami nga dagizid’a ni zlad’a hi Salad’id’a. Ei suma nga ki irei tua na kur bur ma mbad’a hi Salad’ina, ei mba kalei avok suma matna d’i.

1 Tasaloni’â 4:18

Kayam ndata, ar agi b’lengêgi hur tagi ki zla ndata.

1 Tasaloni’â 5:10

ma mit keina. Kayam ndata, le ei nga ki irei d’oze le ei boi pî, ei mba kagei karid’a zlapa ki mamu.

2 Pierre 3:13

Wani Alona mi hle vunam yam akulo d’a awilid’a kandaga d’a awilid’a ni yima d’ingêra mba d’i kak kuana. Wana ni vama ei nga djubizina.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 11:12

Suma djok vun Alo suma mbà ndazina a hum del la tcholï akulod’a ti dazi ala: Agi djagagï ka hî. Azi djak akulo kur d’ugula; mazi suma djangûna a nga goloziya.

Vama ndum mbeina 12:5

Atcha ndata, ti vut gor mandjufâ, ni ma mba mi pol andjaf suma pet ki totogod’a kawei ma wurana. Wani gorot máma, a hlum sä akulo gen Alona ata zlam mam mba amula.